2014.08.16 (Sat) ~ 2y1m3d
多謝 PR 姐姐的邀請
小FAN有幸第一次以blogger 身份出席親子活動
心情真係好興奮同開心!
能夠同囡囡一齊參與親子活動
真係一個難忘的回憶! YEAH!!
記得收到e-mail 時，
PR 姐姐邀請我同小霸王擔任評判一職，
小FAN 都感到意外?
心諗...
Q嘜親子廚神大賽? 我洗唔洗整埋一份架?
評判要做D 乜架?
真係好多"?"呀!! 哈哈!!
上網查一查先發現
香港優質標誌局(簡稱 Q嘜) 於 1978 年由香港工業總會設立，
始一直是推動優質概念及最佳典範的先鋒。
Q嘜成立的目的主要是利用不同的 Q 嘜計劃
提升公司產品、服務及環保方面的質量標準。
為了讓顧客享受到更多優質又無損生態環境的產品和服務，
Q嘜先後推出了不同的認證計劃，
包括
香港「Q 嘜」 優質產品計劃、
香港「Q 嘜」 優質服務計劃、
香港「Q 嘜」 環保管理計劃。
這些認證計劃令顧客在消費時，
對印有 Ｑ 嘜標誌的產品和已獲認證的服務及環保系統更具信心，
因為它們都是經過香港優質標誌局的定期嚴格監控。
咁即係有Q 就係好野
叫老公頒返個 Q 俾我先
相信我係佢心中應該係『QQ 優質媽媽 / 老婆』吧!!
哈哈 !! (我想太多了... )
講返正題吧! (唔好發夢啦!)
GOGOGO
當日我地大約二點去到會場
大家都在準備當中
我地被安排坐在台的右面。
唔講真係唔知呀!
『Q嘜親子廚神大賽』原來已經連續舉行左3年啦，
每年都吸引好多家長同小朋友參加
參加資格: 4-8歲小朋友 及其父/母 或 70歲以下之 外祖父或母 或 親祖父或母
呢個活動好有意義
除了讓小朋友發揮創意及才能之外，
更為家長同小朋友提供一個特別的親子互動機會。
(噢! 小FAN 仲諗住下年同小霸王一齊玩下，
唔得tim, 要等多一年囉!!)
雖然今日我地冇份玩
但我地有個重要任務
就係負責做評判選出
『最合拍親子組合』
好緊張呀!!
你睇佢... 好似真係好專業咁喎!! 哈哈!
不停指住貼在身上的Ｑ字
佢仲話... 呢個 Q字 同板上的Q字一樣
真係... 笑四人呀!
比賽開始啦!! 加油呀各位家長小朋友們!
未知結果前都真係要讚賞下呢10組隊伍
因為佢地今日能夠站在呢個台上真的不易
簡直係『過關斬將』
大會評審團先從所有合資格參加者的『Q嘜美食照』中，
揀選 20位參加者入圍參加複賽，
20位複賽入圍隊伍在 7月13日參加於銅鑼灣煤氣烹飪中心舉行的『Q嘜親子甜品烹飪班』，
並同時進行複賽，大會評審選出最後10強晉身決賽隊伍。
大家辛苦晒!!
亦恭喜勝出的晉身隊伍!
你地個個都好叻呀！
特別係呢１０位小朋友，能夠咁淡定站在台上
好勇敢呀！！ 叻叻叻。。。
不過小FAN覺得
親子活動體驗比比賽結果更重要
能夠同自己的小朋友一齊參加比賽
既可以享受烹飪的樂趣之餘，
又可以加強親子間的互動，
機會真係好難得的、好珍貴的
(我都想擁有!! ^^)
多謝大會令我有機會遇上
廚神 - Martin Yan
佢o既『快、狠、準』刀法真係好好好..... 勁呀!!
(有佢1/10 都好.... >o<)
呢位係新一代美女廚神 - Zoe Tsang
如果有得試下佢的手藝就好啦!!
今日真係玩得好開心呀
見到好多平時只係 BLOG上交流的blogger們
豆媽、Samsam
當然佢地都係真人比上鏡靚同瘦好多啦!
佢地的小朋友都好得意、好可愛!
希望會再有機會交流多d 吧!!
沒有留言:
張貼留言