【生日飯】瀛喜日本料理

哈哈! 生日都過左一段時間了

而家先得閒寫返，真的有點遲

不過好野當然要分享下啦!!

本身諗住食酒店自助餐的

但... 由於當日不便太夜返屋企

所以最後都係決定o係元朗食

上openrice 睇下有乜好介紹

見到..

瀛喜日本料理

有不錯的評價，就早兩日就 book 定7:30枱

我地七點去到

冇得提早入去，唯有係交通廣場行下坐下

準時7:30 入去

可以食到9:30

估唔到真係full 晒，唔訂枱係冇得食

地方/座位尚算闊落

不過只有一條路行，唔多方便

服務員態度唔錯，笑容好好!

坐好... 我地就開始... 食啦!!

刺身迷... 梗係... 一定先叫刺身啦!

刺身有三文魚、吞拿魚、甜蝦、希靈魚、

小貝柱、馬刀貝、八瓜魚、鮑片、螺片等等

係就係切到細細片

但樣樣都幾新鮮下

唔錯!! 唔錯!!

飲品任飲，有啤酒、可樂、芬逹...

特別推介: 蟹粥

頭一兩啖會覺得冇味

但食多幾啖就真係... 好好味!

粥好"眠"，有蟹味! 哈哈~

刺身encore 再encore...

生日冇優惠

但會送上刺身蛋糕

(我地都冇乜點食，只係食左上面d 刺身咋!)

埋單: $408.-

大人: $208, 小童: $118 (身高過80cm+佔座位的小朋友)

提早訂有88折

原本訂位時，佢地話要收小霸王錢

但唔知點解最後冇收

yeah!! 抵左!!

以元朗黎計，呢間算是不錯而有抵食的放題

元朗人不妨去試下吧!!