放"馬"記

2014.02.23 (Sun) ~ Day 591

無聊的週日

瞓醒冇乜野好做

婆婆見到之前係林村買的 2隻小馬冇晒氣

就睇下可唔可以吹返漲

哈哈...

點知又得喎!!

又可以再玩下

人地放狗

小霸王就放馬

仲要一放，放 2隻咁多

佢仲會餵埋 2隻小馬食蘋果

(因為佢本圖書入面，隻馬馬係食緊蘋果)

餵完又行過

哈哈 ~

玩完馬，等埋爸爸公公起身後

我地就出左大中食午餐同行下

先係陪爸爸買白恤衫

哇... 咁鬼難搵架!!

到到最大都係得頸圍 - 17 - 17.5'

唉... 都叫爸爸減肥架啦!!

件件差小小...

最後... 好彩都搵到地方有18.5'頸圍的白恤衫!!

係搵白恤衫之餘

行過一田BB展

終於俾我搵到呢個啦!!

一直都想小霸王開始戒奶咀飲奶

搵左好耐都唔見有飲管配到 CHU CHU 奶樽

今日俾我搵到... 真開心呀!! YEAH

不過  ~

回家試用第一次係失敗左

小霸王飲左一啖唔肯再飲

要用奶咀先肯飲

唉... 呢個長期戰爭，真係有排打..

革命才剛剛開始，同志們仍需努力!!

哈哈.~~