年十五‧拆利是

2014.02.14 (Fri) ~ Day 582

新年最開心的...

除左係逗利是之外，

就係『拆利是』啦!!

同往年一樣

我地都係選擇正月十五呢日拆利是

其實而家仲有冇人真係等到咁耐先拆呢???

定係仲耐D先拆呢??

好奇的小FAN

就上網搵下

『點解要過左正月十五先拆得利是?』

答案:

其實傳統上利是係要到正月十五後，

即係過咗新年先拆。

有人話咁做係為免「財散」，

亦有人話正月十五之後就唔會再派利是，

喺呢日之後拆利是，

就可以將長輩給予嘅祝福完整接收咁話。

係搵答案時見到

『點解要派利是？』

答案:

 傳說話古時有隻叫「崇」嘅怪獸，

專喺年三十嘅夜晚走出嚟嚇小朋友，

大人為咗趕走佢，

於是會喺年三十晚點燈「守崇」，

後來有人發現過年前將包住紅紙嘅銅錢放喺小朋友枕頭底下可以嚇走「崇」，

於是長輩都會喺年三十晚嘅時候將「壓崇錢」送俾小朋友。

由於「崇」同「歲」讀音相近，

所以漸漸「守崇」變為「守歲」，

「壓崇錢」變為「壓歲錢」，

祝福小朋友平平安安大一歲。

哦!! 原來係咁!!

完全明白晒!! 呵呵...

咁就繼續過左年十五先拆利是吧!!

今年我地三個的利是

同往年差不多

加埋都有178封

(多謝晒!!)

不過....

估唔到老公仔返工居然逗到204封呀!!

佢話佢已經係最小o個個

總數: 382封利是

今年同樣地

所有利是全部俾晒小霸王

***********************************

估唔到今日情人節的節目

唔係去慶祝

而係拆利是

哈哈!! 

雖然今年沒有慶祝、沒有禮物、沒有花收

但三人在一起不是更好嗎?

小FAN 唔知點解會走去買左盒朱古力俾老公仔

哈哈!!

可能覺得剛好十年冇送過

今年就送下

十年一次的朱古力

Happy Valentine's Day ~