笑笑小語錄 @ 47 & 48 個月

※【攪笑事例  (一)】※
自小小霸王係戒片呀~ 去大小便呀~ 呢方面都不錯! 佢係未試過賴尿 (我指瞓覺時)，點知.... 踏入四歲第一日早上就.... 俾左個surprise 我!

小:  媽咪
我:  咩事?
小:  媽咪，你快d 攞條毛巾入黎 (佢明明仲係房瞓緊? 咩事?)
我:  哦! (我以為佢飲完奶抺嘴? 抺汗?.... 咁我咪攞條沙巾就入房)

我:  仲咩事?
小:  媽咪你睇下? (佢坐左係我瞓個位, 再用手指向佢瞓的位置)
我:  哦... 你賴尿?
小:  (唔出聲... 低頭唔望我)
我:  算啦! 跟媽咪出黎換左褲仔先

♥  第一次賴尿... 見到佢唔好意思個樣真係好好笑!  (你的第一次要好好記下來) ♥

※【攪笑事例  (二)】※
天真的我諗住買副UNO教識小霸王陪我玩，點知.... 教識左就出事....

小:  媽咪，贏左可以錫啖爸B，輸左就唔可以
我:  (心諗... 你呢位小三，又想黎搶我老公? 哈哈~)
小:  知唔知道? 
我:  OK!

UNO 大戰結果係.... 我...慘敗! 十次.... 只贏得.... 一二次... 

小:  我贏左! 可以錫爸B，你冇得錫
小:  我又贏啦!! YEAH!
小:  媽咪，你輸左
小:  哈哈~ 媽咪，你又輸呀?
小:  I'm Winner! Mummy, you're loser!

♥  估唔到... 我會輸得咁慘... 諗住只係一晚運氣差，點知? 差到.... 晚晚都係咁! UNO Loser 非我莫屬  ♥

Welcome to S.K.Y. Lovely Family