K1 班 ~ 親子賀年咭設計比賽

之前都有講過下  小霸王呢間學校唔係好多親子活動

所以.... 輕鬆好多   唔洗個個月做勞作

話說放聖誕假前   

學校出左通告邀請家長們同小朋友一齊設計賀年咭

冠軍仲會印刷為學校本年的賀年咭

個心諗    唔係連咁小機會都唔參加嘛....

所以設計時我都係抱住參加下   交下功課咁   唔好讓小朋友失望  

(對於零天份的小FAN真係咁諗)

點知..... 上星期收到通告

吓..... 唔係嘛?? 優異獎?? 冇可能....

O個刻真係唔敢相信囉!~ 

根住就問小霸王  

我:  嫲嫲陪你去攞獎好唔好?

小: 唔好，我想媽咪陪我攞獎呀!

♥ 佢出到聲，我一定陪啦! ♥

好彩有陪咋! 點解...?

其實呢? 我未攞過獎，

我以為幼稚園攞獎通常都係俾張證書你咁

咁簡單... 就唔想刻意請假嘛!! (係咪?) 

攞獎當日，接左小霸王返學後

我就係學校外面等到夠鐘先入去

入到去.... 哇!! 見到D 得獎作品，真係有小小唔好意思囉!

人地O個D 真係靚到哇哇聲

簡直冇得比呀!!

說真的   ♥ 真係好多謝學校的欣賞+厚愛 ♥

亦感激佢地  令我可以陪小霸王一齊擁有佢人生中第一個獎杯

原來小朋友係好鍾意攞獎杯架   佢地咁細就明白攞獎的喜悅

希望下次係小霸王靠自己攞佢人生中的第二、三、四..... 獎狀/獎杯

而我就在佢身邊分享佢的喜悅 ♥

(Dreaming.......^^)

Welcome to S.K.Y. Lovely Family
Date:   2015.01.11 (Mon) ~ 3y5m29d
Place: Kindergarden