畫畫 ♥ 有進步啦~

還記得PN 班時的學校畫冊吧?

當時睇到 D 畫真係.... 我個囡一定係"抽象派"吧! 

完全唔知佢畫緊咩囉..... 唉! 

(回顧: PN 班 ~ 七月份總結)

咁當時的我都接受呢個現實O既

自知自己都冇美術天份   自己個囡都唔敢有寄望啦! 哈哈~ 

點知.... 近排....  陪佢畫下畫時

佢居然......  好開心好投入地畫畫

雖然都係....... 但都明白佢想畫乜! 

真開心 ♥

再一次叫佢畫爸B & 媽咪

出奇地係..... 一個人樣囉!~

眼、耳、口、鼻、頭髮.... 連眼鏡都有埋

爸B 仲有埋鬍鬚架! 

噢! ~ 太感動啦~ BABY

要繼續加油哦!~

Welcome to S.K.Y. Lovely Family

她的開心♥ 因有你們♥

隨住小霸王的長大   我開始發現佢的慢熱  (似我嗎??)

是真的慢熱?  還是....

讀左一年 N 班   佢記得同學仔的名字嗎?

有... 三個 ...  而呢三個名字   是我在適應週時講佢知的

之後.... 未聽過佢提起其他名字

班主任  話佢好少主動同小朋友玩

今年 K1  開學二個多月

 同學仔的名字..... 暫時一個  (同樣是   我在適應週時講佢知的)

到11月中時  K1第一個家長日

班主任  話佢鍾意自己一個玩

如果佢想小朋友陪佢玩   佢會叫班主任搵個小朋友陪佢玩

點解呢???  原因係咩呢??

最奇怪的是....

芭蕾舞的同學仔名字   佢又記得喎!

就算係新加入的，佢都好快記得

佢地只係一星期見得o個1小時唔夠

那為何學校的同學    

一星期五日    日日對住三小時

都可以唔記得呢?  

呢方面真係令我苦惱? 令我 R 頭? 

不過我相信時間可以令我搵到答案的

我亦都唔會勉強佢去交朋友

(PS: 係有同學仔同佢玩架... 只係佢唔多SO人咋)

我開始相信校長的話

佢話: 『小朋友係鍾意同比佢大幾歲的小朋友玩，因為佢地識得照顧人，遷就人。』

所以小霸王好鍾意家姐仔

唔係話佢唔鍾意細佬，只係佢特別鍾意家姐仔 ♥

佢喜歡跟著家姐仔，亦從不拒絕家姐仔，

家姐仔喊佢仲會主動安慰家姐仔，更會禮讓

(相反對細佬仔.... 係完全唔會)

♥ 感恩上天讓小霸王有三個表姐弟陪住佢長大 ♥ 

♥ 陪佢玩 ♥ 陪佢笑 ♥ 陪佢喊 ♥ 

♥ 陪佢吵吵鬧鬧 ♥ 

三位咁可愛的小朋友

你地要 KEEP住開心 ♥ KEEP住無憂 ♥ KEEP住幸福♥

Welcome to S.K.Y. Lovely Family
Date:   2015.11.21(Sat) ~ 3y4m8d 

我愛我的家♥ 家居保險♥

唔講大家可能未必知    我未生小霸王前係做保險的

嗱嗱嗱! 講明先， 我唔係保險經紀呀! 

(我只係內部其中一個小小職員咋!   自問沒有牙力及食力囉!

而且我宜家都離開左保險業了)

雖然我只係小小職員    但對保險都知小小O既   (做人要謙虛)

所以一早我已為我及家人就買左人壽/意外等保險

不過.... 我居然忽略了我們的家

有了小霸王的我   好似細膽左  (係咪呢?)

   成日都好驚有乜意外? 

怕佢跌親呀~ 怕佢撞到呀~ 

當然我知道及明白意外有時係避免唔到    唯有.... 盡量小心

話明係"意外"   即係"意料之外"     有D 野唔係你小心就得    

可能係第三者令到你有損失   又或者你令到人地有損失

唔知大家仲有冇印象   去年火星 (即我住的所屬地區)發生的一單火警

(資料來源：on.cc)

火警中除左出事單位嚴重焚毀外.... 上下單位都走唔甩囉!

如果你係上下單位的住戶.... 你係有幾無奈? 幾無辜呢?

就係呢單新聞   

嚇到爸B即刻問我: 『屋企洗唔洗買定火險? 水險? 第三者保險?....』 

我梗係明白爸B 的用意啦!~ 亦知道佢係怕冇左部55寸大電視... (哈哈~)

我答佢: 我會上網搵下資料

(抱歉!! 係唔得閒搵... 再加上唔記得左搵)

直至近排睇到好多新聞.. 

一年保費 $420-1480?? (唔係嘛?? 相差咁遠?)

(資料來源：http://www.consumer.org.hk/website/ws_chi/news/press_releases/p46302.html)

當然唔只一間講

(想知多d 可以睇埋呢幾單)

東網on.cc:  家居保險保費差額大　最勁相距千元

蘋果:  家居保險多設墊底費

明報: 買家居保 要清楚保障範圍

咁應該點揀好??  

(以小小前保險職員話小小你地知啦)

大家可以留意下以下幾點:

1.  保障範圍? 

2. 家居財物的基本保障? 

3. 年繳會比月繳較便宜

4. 留意每宗意外的墊底費

5.  個人財物/ 意外/ 第三者責任保額?

當然你肯俾多D，保障/保額就梗係大D同多D啦 

但同樣係保咁多.... 點解價錢都相差咁遠架?  

俾多d 錢保得多就係好? (唔係囉!)

大公司實冇死啦? (唔係囉!)

比較過後，我會揀.... FWD 富衛 

真心覺得如果屋企接近900呎係最低囉!

因為實用面積1000呎以下都係HK$420一年咋!

每日只需約 HK$1 就可以獲得保障

想了解多D 可以Click 入去 FWD富衛的新平台

https://i.fwd.com.hk/tc/home

同時 FWD富衛的新平台亦推出會員及Referral優惠，

讓客戶可分享discount code予家人朋友共享不同優惠，

仲有FWD富衛也建立咗自己既lifestyle blog提供各類生活資訊的保險公司。

​​https://blog.fwd.com.hk

https://i.fwd.com.hk/tc/home-insurance

(♥ 網上仲可以"立即報價"，既簡單又快捷 ♥)

最重要就係.... 以下呢D都有賠呀!

小型室內裝修工程期間所引致家居財物意外損毀，工程期不可以超過兩個月 於搬屋期間，

專業搬運公司搬運過程中意外整爛咗啲野又有得賠

保障居所內的家居財物、傢俬及電器因火災、水災、水渠爆裂、颱風、盜竊或意外而導致之損毀，高達港幣$500,000家居財物保障 

冷藏食物因冰箱意外停電或故障  雪櫃意外而壞咗原來入面野食都有得賠

睇開 FWD 富衛的新平台發現佢地除左家居保險之外

仲有... 旅遊保、工作假期保險 、免費航空保險

你想買的.... 都能搵得到

有興趣就去FWD富衛新平台 了解下啦!!

Welcome to S.K.Y. Lovely Family

笑笑小語錄 @ 39 個月

笑笑小語錄: 

【攪笑事例  (一)】
話說之前參加 Sandy 姨姨的註冊儀式，好奇的小霸王每事問，真係好好笑...

小:  媽咪，Sandy 姨姨係到做乜野? (準備開始律師見証)
我:  Sandy 姨姨，準備註冊結婚囉! 所以我地唔准出聲呀!
小:  吓? 點解呀? 唔得咁架!
我:  she...唔好咁大聲，我地要細細聲先得
小:  Sandy 姨姨，係到做緊乜呀? 佢地做緊乜呀? (讀緊"我願意"... 點解釋你聽好呀?)
我:  she... 結婚囉! yeah! 我地拍手手先!
小:  yeah! yeah! (佢勁開心地拍手)

小:  Sandy 姨姨，又係到做緊乜呀? (準備交換戒指)
我:  戴戒指囉! 
小:  媽咪，咁沂沂隻戒指呢?
我:  .......
小:  沂沂冇戒指戴喎!
我:  唔! 一陣媽咪同你去買，好唔好?
小:  好! 

** Sandy 姨姨的註冊儀式原本就只有感動的一刻，多得小霸王場面變得更開心、更攪笑，好彩佢地冇錫錫，唔係我都唔知點解答佢好? 哈哈~ **

 【甜心事例  (一)】
某天晚上，食飽飯我就入房換床單，小霸王又跟埋入黎 (佢話幫手喎!)，見佢咁積極我梗係樂意俾佢一齊做啦! ~ 點知做完之後.....

我:  BB，唔該晒你!  你可以出去玩玩具
小:  ...... 媽咪，你收埋好多玩具架!
我:  ...... BB，你又知我收埋左好多玩具o既?
小:  係，媽咪你收埋好多玩具

在廳的爸B 聽到對話，佢又加入
爸:  係呀! 媽咪真係收埋好多玩具係衣櫃架!  你入去搵下!
小:  衣櫃都冇!
爸:  有呀! 你搵清楚!
小:  冇呢! 衣櫃都冇!

我:  係! 媽咪真係有禮物，你想唔想要?
小:  要呀!
我:  咁你而家Clean up 好晒你玩完未收拾的玩具先啦!
小:  哦!  (九秒九地左收拾右收拾，好快就完成)

入到房俾佢係衣櫃中搵到佢想要的禮物，本來諗住遲小小先送俾佢

我:  BB，收到禮物要講乜架?
小:  Thank you 媽咪
我:  仲有爸B 呢?
小:  Thank you 爸b

** 有左呢個小測試，相信我地可以實行"獎勵計劃"，諗下有乜要佢做先? 要佢改先?

【攪笑事例  (二)】

有晚，我陪小霸王做完功課，就獎勵下佢可以貼下貼紙 (我就繼續簽手冊)，點知...一擰轉頭就見佢.....

我:  BB，你係到做乜呀?

小:  我係到"痴"鬍鬚囉!

我:  吓! 仲乜"痴"鬍鬚?

小:  我想要鬍鬚嘛!

*** o個刻真係笑四我! 要鬍鬚黎做乜呢? 你大個就會明白 ***

【攪笑事例  (三)】

某日下午，小霸王見到公公去飯枱上攞粟米食，跟住佢又邊行邊講咁去攞粟米食...

小:  E... 我又食粟米先 (細聲得黎足夠讓我知道)

我:  哦! 你咪食囉!  你就咁食呀?

小:  係呀! 粟米梗係咁咬黎食啦! 

我:  你呢排唔係唔多鍾意食粟米架咩?

小:  唔係呀! 

我:  咁你唔係 met 粒粒食?

小:  粟米要咁咬住黎食架!

我:  ...... 哦! 你鍾意啦!

佢食粟米o個樣真係好cutie ，忍唔住要影低佢  (戀囡狂... 就算佢乜樣都覺得好cutie ♥_♥)

小:  吓! 人地食粟米個樣都好影o既?

我:  咁你食粟米時個樣好得意嘛!

小:  吓?..... 影一張夠啦! 唔好再影啦!

我:  一張咁少，俾我影多幾張先啦!

小:  影人食粟米，你咁攪笑o既!

我:  ..................

*** 吓! 影張相都要 approve?? 唔係嘛! 做人媽咪真唔容易呀!~♥ ***

　

【硬頸事例  (一)】

由 BB 仔開始，小霸王已經唔鍾意剪頭髮，髮型師無論係男定係女，佢都一一拒絕 (用爆喊黎嚇退人，係! 佢次次都成功)   冇計! 咪唯有由我黎剪啦!  近呢幾次幫佢剪，佢都已經開始拒絕，但我堅持唔得，佢都肯俾我剪。點知最近呢次.... 軟硬兼施都唔得，最後選擇順佢意...

小:  媽咪，我唔剪頭髮呀! 

我:  唔得呀! 前面D頭髮太長"吉"眼睛

以下係佢唔受控制下..... + 爆喊下的說話

小:  我都話唔剪頭髮囉!  

小:  都話唔剪頭髮囉!  剪頭髮唔o岩架!

小:  我唔想剪頭髮呀!

小:  唔准剪頭髮呀

多次嘗試... 多日嘗試.... 多星期嘗試.... 最後....

我:  你真係唔剪頭髮?

小:  係! 我唔剪頭髮

我:  你要留長頭髮?

小:  係呀! 

我:   唉!! 咁好吧! 

*** 相信 ♥ 可愛的齊陰冬菇頭 ♥ 短期內都唔會出現架啦!~ (掛住的話... 只好睇相吧)  冇左齊陰頭，感覺上多左少女味道，小左bb樣.... 有誰可以話我知，佢幾時先俾人剪頭髮呢? ***

【甜心事例  (二)】

向來只會對住我先會嘴甜的小霸王，而家大左，識多左.... 嘴甜對象開始多左... 家中三位佢的小粉絲 (6299+爸B) 早已俾佢冧到暈左，估唔到.... 一向對佢都好嚴肅的婆婆..... 都..... 唉! 真係唔夠佢玩...♥

婆:  乖孫，婆婆個新髮型靚唔靚呀?

小:  靚呀! 好靚呀!

婆:  咁婆婆靚唔靚呀?

小:  靚

婆:  咁婆婆靚D定公公靚D?

小:  婆婆囉!

婆:  咁媽咪似婆婆定公公?

小:  媽咪似婆婆囉!

** 你話係咪好甜呢?  俾我都冧四啦!  ♥ ***

Welcome to S.K.Y. Lovely Family

10月最後的一天 ● Halloween

話咁快就連十月份都過埋  

(點解涼爽的感覺一d都冇架??)

呢日又帶小霸王去親親大自然先

♡ 仲有美味的齋菜食 ♡

食飽飽後，呢 2 個只係掛住玩的小朋友

又一齊周圍玩

望乜野? 哈哈~ 

♥ 係小小小小... ANT ♥

♥ 呢日小FAN 又有種好似生左龍鳳B的感覺♥

一人照顧二位小朋友 (好彩係一段車程咁耐咋)

多得細佬仔，小霸王第一次肯飲水以外的飲品，仲要KO 晒一包

*** 我係多麼都高興 +感動***

返到婆婆屋企，我地午睡一下

瞓醒就黎個COSPLAY先   一齊轉個 LOOK   

Mini Halloween Party ~ START....

先解釋下無神神攪乜鬼Party呀?

事緣係...... 

十月頭時，小fan 諗住學校會有Halloween

所以預早淘左套"可愛的小巫婆"

點知.... 到十月中都未收到通告

後來問下班主任先知..... 今年冇Halloween (我冇問上年有冇)

仲有10月最尾的二天係"學校假期" 

OMG...... o個刻真係 down 到冇朋友 (係我down咋)

為左怕明年唔知仲著唔著到? 

所以就自己攪囉! (滿足我的私心♥)

登~♥ 登~♥ 登~♥ 登~♥

獸電戰隊的金戰士 VS 可愛動人的小巫婆

♥真係好得意的小金戰士♥

♥ COOL到爆的小...霸王 ♥

點解會扮小巫婆? 

因為我覺得Halloween 要扮返d 有關係的角色會好d

公主呀~ 完全唔適合我家小霸王

♥ 扮d 調皮小小的角色會得意d  ♥

掃把唔係用黎坐?  係用黎打.... 掃  

哈哈~

玩左一陣，我就入屋開party 食野囉!~

Happy Halloween! ♥

Bye Bye October & Welcome November 

Welcome to S.K.Y. Lovely Family
Date:   2015.10.31 (Sat) ~ 3y3m18d 

媽咪偷懶的一天

見到文章TOPIC 應該估到小小吧!~

係~ 我係偷懶! 

我係偷懶請假唔返工

呢日想做全職媽咪都得卦?   哈哈~ 

其實因為今日要返學校買校服

向來小霸王所有事  都係我一手處理

而且自開學後   我都未接送過小霸王上/放學   

好想偷懶一天去做自己想做的事   (哈哈!)

望住眼前的小霸王    有種不捨的感覺

佢可獨立了?   (是嗎?)

你要放手了?   (是嗎?)

不過~ 我見到佢自己行入課室

眼有小小淚光  (想喊但冇喊)

我就知道"佢仲需要我的"!  哈哈~

(自我安慰的媽咪)

接完佢返學   

我就去買野整午餐 + 收拾下書枱書櫃

話咁快又到接佢放學返屋企

同佢食個午餐  休息下

我地就返學校買冬季校服

攪掂晒! ~ 我地就去圖書館睇下書

又係主攻魚魚書的小朋友

係圖書館逗留左一個鐘

我地就返屋企啦!

見沖涼前冇乜好做  就提議佢自己洗鞋仔

有得玩水  佢真係特別樂意做

(都洗得好乾淨)

沖完涼   就玩下玩具  食晚飯  

媽咪偷懶的一天

對我黎講  都可以叫做輕鬆的

Welcome to S.K.Y. Lovely Family
Date:   2015.10.22 (Thu) ~ 3y3m9d 

平凡的重陽假期

紅日放假對於在職媽咪黎講   就係另一份全職的工作天

呢個工作天當然比平時的工作天    

 過得開心 ♥ 過得充實 ♥ 過得幸福 ♥ 啦! 

24小時全天候對住你的小寶貝喎~

哈哈~ ♥

我家的小霸王習慣左 

平日返學: 7點左右俾我叫醒起床

假期:  自然醒  (通常都係8點左右起床)

重陽假期呢一日

佢都係 8點幾就起身

一齊食個早餐、一齊玩下PLAY DOH 咁

好輕鬆就過左個早上

下午我地就約左Sandy 姨姨   

去屯門行下街  食個 High Tea    仲有就係去 Toysrus 購物

(因為早前參加活動中左$400 Toy coupon，就到期要用左佢)

原本打算玩部電子琴仔俾佢

點知最後   小霸王揀左呢個結他

食飽~ 傾飽~ 行飽~ 我地就各自回家啦! 

登~登~登~登~  小結他手黎啦! ♥

係屋企玩左一陣，就落樓下等位醫肚+等爸b收工

又係十勝牛  

冇計  ~ 就腳嘛! ~ 而且水準都唔差

假日都排長龍架!

大家高高興興咁食野

突然... 有人話個口入面有野

咁我就好心伸手入去  諗住幫佢解決

點知.... 佢居然咬住唔放口呀!

痛到我眼淚水都出埋   跟住血係咁流

(咬到皮到冇左D，有個好深的牙孔) 

係冇膠布的情況下   唯有用多張紙巾包紮住

好彩一陣就停左流血

事後，我問返佢

我: Are you a Vampire?

小: .... (偷笑中)

PS: 

有左呢個咁深刻的經驗

我自此唔會咁笨伸手入虎口

Welcome to S.K.Y. Lovely Family
Date:   2015.10.21 (Wed) ~ 3y3m8d 

♥ Her Nemo's Family ♥

相信大家都知道我家的小霸王係勁愛魚魚架啦! ~

而身邊的家人呀~ 朋友呀~ 又勁愛我家的小霸王喎!

佢地不論在咩地方見到

只要一見到 NEMO 就會即刻買下來

(幸好NEMO 的產品不多)

不知不覺間.... 短短一年內咋~

就已經出現呢個畫面了

(不敢估計往後會點...... >...<)

♥ Hello Nemo! Welcome to our HOME! ♥

呢 7 條 Nemo 係來自不同的地方

香港、日本、英國、美國

每個地方的Nemo 都不同  但同樣咁可愛

小霸王:  點解咁多條小丑魚o既?  (設計對白)

咁多條 Nemo，佢最鍾意邊條 ?

答案係..... 冇!   係咪好奇怪呢? 

係真的 ~ 唔信你問佢

我都唔知點解囉?

人地問佢: 你鍾意咩野?

佢第一時間答你: 小丑魚

但到你送左俾佢..... 佢又會唔理佢

佢要一段時間先能夠適應佢地

暫時.... 佢最鍾意的.... 係小丑魚上面的"雙豬嘜"

Welcome to S.K.Y. Lovely Family