偷偷地食宵夜

2014.03.06 (Thu) ~ Day 602

有時都會係到諗

一日24小時

真正陪小霸王的時間有幾多呢??

(呢個問題，面試問卷最鍾意問你的)

小FAN返工返九放六

早上七點半出門口

晚上七點左右返到屋企

 應該就仲有12個鐘

仲要扣埋瞓覺

即係.... 得3個小時左右

OMG! 咁小O既?

所以要好好珍惜哦!!

講返正題先

  

之前買俾小霸王的四本中文故事書

佢都已經開始可以講到一半的內容

當然唔係完正咁講

我問佢... 佢就答我

但起碼佢知道本書係講緊乜故事

抵錫!!

呢位小朋友真係好鍾意人地讚佢叻!

一做到就要你讚佢叻

但小FAN 而家開始只會讚佢乖囉!

做到唔代表叻架嘛, 傻豬

唉!! 點解我個囡一D斯文都冇架??

今晚落街散步

突然好想食炸雞

咁就同老公仔講

點知即刻答我: 炸雞啤酒

難道真係受千頌伊影響

炸雞啤酒 ??

NO卦, 我只係想食炸雞咋!!

(我都唔飲酒)

所以我地就偷偷地去食

KFC

炸雞呢D 咁熱氣的食物

當然係冇小霸王份啦!!

佢只好食粟米囉!!

大滿足

媽咪都.... 大大大滿足呀!!

雖然食炸雞做宵夜

係有點 heavy

但難得一晚個肚仔可以咁full

 就唔理得咁多!!

哈哈 ~