打水痘針

2014.03.15 (Sat) ~ Day 611

搵左半年多

終於都等到支水痘針啦!!

係小FAN 低估左

冇諗過會咁缺貨

私家醫生都排左 3間

一直都冇消息

有日上網見話幼聯有

就打去問下同留針

不足一個月就有... 哇!!! YEAH

價錢同私家醫生差不多 - $480.-

今日就約左2:30先打

由屋企坐輕鐵去天晴幼聯

由於提早左去

所以就.....

同小霸王去左公園玩左一陣

小FAN 都係第一次帶佢去

真係架!!

因為呢D地方係最危險又最唔乾淨的地方

小朋友太多

但見今日冇乜小朋友就... 玩一陣啦!!

呢位小朋友玩得好開心

估唔到佢對滑梯冇興趣

反而對住 D 珠珠就有...

玩到2:15 就上去幼聯登記

哇!! 勁多人囉!

大人細路成廿幾三十人

迫埋係間房仔排隊等打針

再加上小霸王一入去就已經開始喊

仲要係唔停咁喊

軟硬都用晒都唔肯收聲

激死我呀!!

直到一打完針就收晒聲

呢位小朋友真係... 以為喊就得!!

打完針的小霸王

即刻急CALL 周公了!!

哈哈 ~

坐車返婆婆到

小表弟已經在家等候啦!!

唉....

小FAN 開始發現小霸王真係...

好野蠻!!

每當小表弟搶佢玩具/ 書時

佢就會搶返再大叫... 搶唔到仲會打人

真係.. NO NO NO 囉!!

係時候要好好教導呢位小港女了!!

唔係返學就.....

小FAN 真係要恨心一點!!

^ O ^