BBQ

剛過去的週未，媽咪特別為哥哥搞左個BBQ生日會。

『週未』嘛?? 諗住唔洗咁早起身，點知俾媽咪叫醒左做野。唉....貪玩的我仲整左二隻自畫的紅雞蛋俾哥哥+男朋友仔.. 哈

今日的行程表： 元朗『施培記』買燒烤食物→大埔大元村街市買海鮮→百佳買飲品+用品→美心拿蛋糕→大尾督BBQ

其實我地都好耐冇BBQ啦，你諗下要集齊咁多個姑姐姑丈表弟妹真係唔係咁易架(轉眼間最小的表妹都升中啦!! 大個仔/女又點肯同我地D老餅玩呀!!)。雖然唔係黎晒，但係總人數都有14人呀!!

我地係黃昏時段先出發去BBQ，天氣唔係話太熱再加上唔係好多人BBQ，所以都唔係好辛苦!!

大約七點到，我地一齊唱完生日歌之後就開始我地的BBQ .... (唔知點解好似好耐冇唱過生日歌咁... 哈哈!! 我諗係男朋友仔四年黎都冇唱過俾我聽掛!! 激死我呀!!)

一整晚我都唔係點燒過d 咩野，只係行下、食下(唔...好味呀!! 燒咖喱魷魚真係好好味呀!!)、望下個圓圓的月光(十五ma... 勁靚呀!!)、傾下計咁。點解?? 有男朋友仔ma... 哈!! 做女仔就係咁幸福架啦!! 粗重野多數係男人做架ma... 所以我諗佢成晚燒多過食呀!! 但係我就飽到上心口呀!! 哈哈...

玩到十點幾，我地就返屋企law!!

PS: 今日雖然唔係我的生日會,但係DADDY同D 姑姐都有俾利是我同男朋友仔呀!!. 勁開心. 哈哈!!