2012.03.13 (Tue)
今夜,同老公仔吵了一場大架,
冇諗過小小的事會吵得如此利害。
可能今次不只是兩個人,
而係有埋99 + 我媽媽....
我亦首次認真地說出一句
『咁我返大埔(娘家)住囉!』
十年來,吵過小架無數次,
但今次最嚴重,亦最傷害。
可能彼此真係忍得好辛苦,
一下子爆晒出黎。
我承認 ...
我心情真係唔多好,
我說話語氣好似重左,
我性格係固執兼硬頸。
但係...
一句話重複講左二次,
佢都係唔信 又多意見時,
第三次我已經選擇放棄... 是但,
點解仲要講呢??
教我如何去忍受....
我唔係小朋友呀... 99
我識分析.. 識自己照顧自己,
肚餓識煮野食、凍會識著衫....
自少,媽咪出外工作,
衣食住行都要自己理,
已經習慣左2x 年。
而家... 有人照顧你,唔好咩,
唔係唔好,係唔想同唔鍾意,
獨立 -> 依賴,唔得囉!!
你當我犯賤可以嗎?? 99
我信我阿媽的話,
係因為佢除左係我至愛之外,
佢.. 真係知晒我d 飲食習慣,
知我食乜會好d,食乜會唔好,
但點解係要唔信呢?? 99
係咪要我當住你面前
肚子痛... 胃痛.. 肚瀉...
你先相信呢??
我可以點做呀??
成日都發夢o既我 (唔係白日夢),
真係唔多信會成真,
因為d 夢多數係勁無聊的,
有時醒左都未必記得呀!! 咁多...
一晚幾個都試過
點知...
今朝差不多天光發左個無聊夢,
夢中我係等緊車返工,
點知同行的阿哥及妹妹話我知,
d bus 壞晒, 有排都冇車wor
但唔知點解我地都係繼續o係站到等,
(真係勁白痴)
我記得係等左個幾鐘都仲等緊,
阿妹就不斷話我... 最衰係我...
衰乜就唔係好記得
咁就醒左...
噢... 真係唔知醒... 大獲!
瞓過龍... 今日仲要開例會,
即刻起身換衫啦...
幸好... 趕得切...
雖然就算係遲到, 老闆都唔會話,
但我向來唔鍾意遲到的,
所以... 都係... 唔好啦!!
唉... 可唔可以小發d 咁o既白痴夢呀!!
攪到今日精神唔多好,
好眼瞓呀!!
睇返自己個blog ,
先發現對上一次更新又係三月,
係一年前的三月,
真係好奇怪!!
難道... .每年呢個時候我先想寫野,
唔係嘛!!
我相信係我個人比較懶,
所以先係咁姐。
不過為左以後唔想唔記得發生左咩事,
我決心要寫返blog,
打字姐... 好過用手寫嘛!!
係... 我知道用FB 係方便好多,
但FB 太開放, 冇秘密呀...
亦都不能將我心中所想表達晒出黎,
我唔想後悔呀!! 
因為上年其實都發生左好多開心同唔開心的事,
但就係因為我懶, 冇寫低... 而家..
開始擔心好快會忘記,
年紀大... 記性真係差好遠