結婚開心程度

今朝睇報紙發現原來結婚開心程度... 女性係低於男性一倍，點解會咁架呢??

我唔知係咪真，但就好肯定結婚開心程度唔係我預期中咁多囉!!

我記得一年多前的我，懷著興奮的心情等待男朋友的求婚，點知... 不懂浪漫的他，只係輕率地問我嫁唔嫁，愛你的我又點會唔應承呢?? (只係心中有點可惜而已)

到開始獨自著手攪呢個婚宴之後，左煩下... 右又煩下、在雙方家長之意見不同下，煩惱就更加掩蓋左開心。唔係話我唔開心，只係感覺唔到又或者係唔識去開心。o個種煩惱已經將開心迫左埋一邊，慢慢地把唔開心拉左出來。

別人常問我婚期將近，心情係咪好緊張同興奮呢?? 我都唔知點答佢地.... 答佢地唔係.. 佢地又會反問我 .. 點解，但係答佢係... 又真係唔係ma... 講真@ 緊張係有... 但興奮就未有囉!!多愁善變的我，究竟點先可以令自己唔好諗咁多野而做個開開心心的新娘呢??