難得放生♥ 二人前♥ 拉麵天王

一直好想過下二人世界，但次次都俾小霸王拒絕

佢話: 出街要三個人一齊架! 唉! ~

某星期日，天氣凍又下微雨，一心諗住唔出街

點知爸B想出外行下，但我又唔想小霸王出去

咁就試下問下小霸王啦!

我: BB, 媽咪同爸B出去買野得唔得?

小: 唔得，我又要去  (例牌答案)

我: 下! 出面落雨又好凍呀! 你唔好出啦! 我地去買完野好快就返黎

小: ..... 好啦! 要快D 返架!

我地即刻換衫走人啦!! 哈哈~ ♥

不過一出門口..... 我個心就.... 好內疚! (好似好衰咁)

係啦... 要放手... 要放手.....唔好返轉頭...

我地去左食拉麵天王

地點有點偏，不過唔算難找

環境唔大，但都OK

拉麵款式唔算多，只有四款

左: 生蒜天王 及  右: 黑天王

麵的硬度、湯濃度都可以自己選擇的

整體來講:  唔錯!! 

麵度我揀普通，我覺得淋左D，應該硬會好D 

湯底可以，唔會太咸/淡

份量都好足，爸B食完都話夠飽，下次可以再黎!

PS: 我地真係食完完拉麵就返屋企啦! (真係....攪笑)

拉麵天王: https://www.facebook.com/Tennoramenyl/