▌名古屋遊 ▌ Ready GoGoGo!!

原本今年並沒有打算再去旅行的我們

突如其來的日本之旅

真係令我們好意外、好開心、好期待

第一次    

一家十口一齊去旅行

第一次 

在外地過除夕、倒數

好多好多第一次.....

真係勁興奮呀!!

小霸王

【第二次 坐飛機 の旅行】

終於出發啦!!

『凍冰冰、嘈嘈閉一家十口名古屋冬日の旅』

Ready GoGoGo!!

我地出發去機場囉!!

返黎先慢慢同大家分享

先預祝  大家

Happy New Year 2015  

▌小小推介 ▌德國Penaten 嬰兒感冒沐浴油

前陣子，同事M小姐介紹下買左呢支沐浴油 (好似大約$135)

買之前唔知有乜用架，只知係感冒沐浴油咋!!

總之對小朋友冇害的，相信好多媽咪都會買定放係屋企

為安全起見，我都會上網找尋下呢支係乜野沐浴油??

德國生產

擁有超過100年高質素的經驗

生產的質量監控嚴緊度達至醫療及醫藥水平

許多德國兒科醫生都推薦 PENATEN® 為最佳嬰兒護理品牌

超過 90% 的德國生育嬰診所都給嬰兒使用 PENATEN 的產品

適合約 6個月或以上嬰兒使用。

含高品質溫和的百里香精油，幫助嬰兒暢順呼吸道，清除痰延。

以最安全的方式減輕咳嗽感冒癥狀，免卻打針食藥的痛苦及副作用。

浸浴後，嬰兒自然安睡。

本地陪月員用後反影，感冒初起的嬰兒使用後，有效消除感冒，效果顯注

不含薄荷油或刺激的薄荷的味道，非常溫和

 用法：

把 5ml（約1/2瓶蓋）的 PENATEN 初生嬰兒感冒沐浴油加入 30L 的溫水中 (35℃﹣38℃)，浸浴 10 分鐘（最多20分鐘），無需過水。

切勿同時間使用其他沐浴產品，影響效果。

注意：嬰兒發燒時不建議使用。

容量：125ml

 用後感:

加入水中，水唔會變色。 只會聞到陣陣的百里香味，味道唔難聞，感覺都幾舒服。
小FAN 只係用左兩次，效果.... 一般吧!! 可能要用多幾次先比較明顯，但當做個預防都不錯，
因為沖完皮膚都滑滑的。

Welcome to S.K.Y. Lovely Family

Friso ●『Have Your Say』活動 ● 實用玩具箱

早前參加左 Friso ●『Have Your Say』活動 抽中實用玩具箱1個

見冬至收四點就去旺角換領返屋企

有小朋友的屋企，真係唔會嫌多玩具箱

因為佢地的玩具真係多多箱都唔夠放呀! ♥

小FAN 話俾小霸王知，呢個係玩具箱

叫佢張D玩具放入去，佢都肯乖乖做到

估唔到箱蓋都幾硬下，唔怪得坐埋上去都得囉

真係唔錯 ♥ 仲可以當小枱仔用都得 ♥

除左放玩具之後，佢.... 居然... 坐埋入去都得 ♥

仲話沖涼涼喎!! 真係笑四我!! ♥♥

Welcome to S.K.Y. Lovely Family

Friso : WWW.360.FRISO.COM.HK

冬至晚餐+婆婆生日

一連返左三個星期六的小FAN

終於到可以放下假啦!! ♥♥

呢日一早帶左小霸王返去Dr. Leung 到睇多次先

點知一等... 就由 9點幾等到12點幾先有到

多人到..... 真係等都等到眼瞓呀 ♥

跟住我地就返婆婆屋企囉!!

婆婆由早上開始忙到夜晚，為乜?

咪就係一年一度的『冬至晚餐』囉!! 

冬大過年嘛!! ♥♥ 不得不讚下婆婆的手藝，真係好好美味 !! ♥ (在我心中咋!!)

婆婆佢呀... 煮親都一定最少八個餸... 多人的話... 九個、十個都有

因為佢好講意頭， 所以實要抱住個肚離開張枱架 ♥

食飽飽後，就大家一齊傾下計

大有大傾，細有細玩 ♥

到差不多十點，我地又有一個重要節目

就係唱生日歌、吹蠟燭啦!! ♥

本身想寫生日牌，點知餅店話聖誕期間停左寫名牌

所以冇計 ♥

今次主角 - 婆婆 

蛋糕款都係揀返上次食過的東xx Miffy 

因為真係又靚又好好味!! ♥

你睇婆婆抱住三個心肝寶貝孫幾咁Sweet! ♥

Happy BirthDay to you

Happy BirthDay to you

Happy BirthDay to 婆婆

Happy BirthDay to you!!

婆婆，生日快樂!! 祝願  你  永遠都健健康康，開開心心!! 錫晒你 ~ 啜啜啜~

　

Welcome to S.K.Y. Lovely Family

Date:   2014.12.20 (Sat) ~  2y5m7d

Place:  婆婆家

PN 班 ~ 聖誕聯歡會

呢日係 2014年最後一日返學天 + 聖誕聯歡會

返埋今日小霸王就正式放佢的悠長假期

到明天1月5日先再返學，小朋友真開心  ♥

聖誕聯歡會  梗係要打扮得紅噹噹啦

因為天氣轉冷，火星得9度咋  再加上落毛毛雨

原本準備好的紅色波點裙就著唔到啦

只好著紅色兔仔長衛衣，好彩同樣咁可愛 ♥

(左) 的頭飾係小FAN 一早準備定的，可惜小霸王最後揀左 (右) (同事送的)

都係o既... 右邊搶眼咁多，冇所謂啦!!  ♥ ♥

今日小FAN 冇得一齊參與聖誕聯歡會
只能夠接送小霸王到學校門口咋!! 
小FAN 好失落，相反小霸王就好開心、好緊張咁入去
望住入左學校內的小身影，小FAN 頓時有種好安慰的感覺!!
佢大個女囉!! ♥


登~登~登~登~
呢個就係聖誕袋? 好豐富呀!! ♥ (不過家長係要自費$120架)

你睇呢位小朋友幾開心? ♥ 大人睇見仲開心呀!! 

諗諗下，我地細個時咪又係咁鍾意玩? ♥

We wish you a Merry Christmas ♥
We wish you a Merry Christmas ♥
We wish you a Merry Christmas ♥
and a Happy New Year 

祝大家聖誕節快樂!!

Welcome to S.K.Y. Lovely Family

Date:   2014.12.19 (Fri) ~  2y5m6d

Place:  Kindergarten

▌小小推介▌Cotton Candy Kids Sleeping bag

真係想問下你地，小朋友懶瞓嗎?

我家的小霸王..... 真係......    好好好x..... 懶瞓

晚晚俾佢『拳打腳踢』，唔係打眼就腳踢肚皮，

最衰冇留痕跡呢?   唔係我第二日一定搵佢找數

除左俾佢打之餘，佢仲要赴晒D被，一晚都唔知要身幫佢蓋幾多次被

冬天咪冇覺好瞓???

幸好我終於搵到救星啦!! 

佢就係 Cotton Candy Kids Sleeping bag

其實由小霸王一出世就已經開始用   由 S碼用到 M 碼

點知原來 M 碼對佢黎講已經唔多夠長 (包唔住佢對腳)

多得同事M小姐俾左張七折Coupon 我

放工即刻去買個 L 碼 先

今年出左新款，係星星圖案，好得意!

小FAN 選擇左粉紅色1200號間棉 (最厚o個款)

呢個小朋友開頭唔多肯接受呢個新睡袋 (似我... 唔多鍾意接受新事物)

係都要著返之前o個隻，唔係唔著得，只係o個隻夏天用，冬天用會太薄啦 ♥

軟功唔得，小FAN 唯有硬性強行佢著

佢當然係喊晒咁口啦!! ♥

但點知... 一著上就... 即刻收聲

小FAN: 同之前o個個係一樣架，呻到腳仔出黎，星星仲靚啦!!

小霸王: .........

小FAN: 咁你著得舒唔舒服?

小霸王: 舒服 ♥

小FAN: 咁暖唔暖?

小霸王: 暖 ♥

小FAN: 咁鍾唔鍾意?

小霸王: 鍾意 ♥

真係俾佢激四呀!! ♥

知道靚後，就不停問人佢靚唔靚? ♥♥

講返個睡袋先，

小FAN 個人好鍾意個寬袖款，唔洗驚會冷親個膊頭仔

雖然腳仔唔係包到陷，但只要買o岩Size的話，

小朋友瞓覺時腳仔係完全包係睡袋中，簡直係暖笠笠呀! ♥

最重要係佢地點踢都只係踢到個睡袋，完全冇機會赴被.... 哈哈~

用左新睡袋後，我真係可以一覺瞓天光囉!! 正 ♥♥

♥ 真心推介 ♥

Welcome to S.K.Y. Lovely Family

Cotton Candy Kids: http://shop.cottoncandykids.net/products/sleeping-bag-1

▌G-Market ▌ 第四回

11月先G完，估唔到今次咁快又G

又係姨媽媽主意囉!

佢係街鋪到對韓國BOOT 賣$395

就叫我上GM 搵下有冇，一搵就搵到

最後佢對BOOT 係$210咋 (包埋運費)

你話... 係咪差好遠??

見佢買開野，小FAN 就順手買埋俾小霸王

今次都好忍手，只係G左4件咋

去相 ~ ♥

우리아이예쁜옷에디 ~ 브리티쉬치렝스 : 그린 (SIZE: 5)

WON 13,860 ~約HK$98.4

好鍾意裙連Legging，呢條褲內仲有毛毛的

o岩晒冬天可以著裙又唔怕凍襯 ♥

由於斷碼，得 5 冇 7

所以著上身係剛剛好.... 出年應該唔得...

우리아이예쁜옷에디 ~ 절개데님스키니 : 네이비 (SIZE: 7)

WON 9,900 ~約HK$70.3

牛仔褲款LEGGING + 毛毛

型得黎又暖... 正呀!! ♥♥

우리아이예쁜옷에디 ~ 스파클맨투맨 : 아이  (SIZE: 7)

WON 13,120 ~約HK$93.2

HARA ~K2407  (SIZE: 7)

WON 14,160 ~約HK$100.5

兩件都係短身衛衣，內有加厚毛毛

唔係大人先興... 小朋友都興架

質料都唔錯，顏色偏差不大，滿意  ♥♥

~ 大家有興趣就去G下自己心頭好囉!!~

不過小心會上癮 ♥

回顧: ▌G-Market ▌ 第三回, ▌G-Market ▌ 第二回

Welcome to S.K.Y. Lovely Family
G-Market: http://global.gmarket.co.kr/Home/Main

PN 班 ~ 難得的接送上學

自開學後，小FAN 都未有機會接送小霸王返學

一直都好想想想....

多得同事的幫忙，呢日終於可以啦!! ♥

其實早在星期日小FAN 已告訴小霸王 "明天媽咪接佢返學" ♥

估唔到第二朝起身準備時，問佢今日媽咪會做乜?

佢居然答我: 『媽咪同沂沂返學』♥♥

唔知係咪咁，佢今朝心情大靚喎!

仲間中奸笑 ♥

連食個麵包都扮下野咁 ♥

第一次帶住呢個小紅帽上學，上次同佢返學仲著緊夏季

話咁快就..... ♥ 真係好可愛 ♥

返左學都只係3個月左右咋，

估唔到...  佢已經可以記得晒要經過的輕鐵站的名稱

大大話話都 6-7個站

而且仲會揀站落車 (佢學校有二個站都去到)

雖然只係短短的半小時，但小FAN覺得好幸福呀 ~ ♥♥

希望快D再有機會吧!! 

Welcome to S.K.Y. Lovely Family

Date:   2014.12.15 (Mon) ~  2y5m2d

熱鬧的週末/日

剛過去的星期六，天氣突然轉冷

真係要著多件衫呀!! ♥♥

今日 Dress Code:  運動裝 (由姨媽的99 送贈的，購自Canada)

原本小FAN 覺得~ 一套著會好誇，但著士又唔係喎!!

♥ 小朋友真係著乜都得意架 ♥

換好衫，我地就出發返婆婆屋企囉!!

哇.... 估唔到婆婆屋企仲凍過火星呀

所以.... 要加衫褲! ♥

呢位小朋友已經開始懂得照顧BB??

照顧自己都唔得呀... 玩下你就叻!! ♥

由於呢晚姨媽姨丈又有自己活動

但佢地的兩位寶貝不便同行，所以.....  惡夢黎啦!! ♥

呢 2 位龍B 肯乖乖地坐係到寫字字，對我地大人黎講真係BONUS ♥

之後家姐仔又加入，呢一刻真係好溫馨架 ♥

多麼的感動ing!! ♥♥ (但真係一陣咋... >_<)

♥大家和睦相處、互相分享、互相愛護 、互相幫忙 ♥

相信小霸王自己都好鍾意佢地 ♥

大姨我都好鍾意你地三個 ♥ 

如果你地可以無時無刻都咁乖，就真係GOOD GOOD 啦! ♥

幾經辛苦先可以捱到佢地瞓晒覺

大人先叫做可以真係休息下，

真心佩服全職媽媽 ♥♥ 你地真偉大呀!! ♥♥

過了一晚的休息....

第二朝早.... 革命又黎過?? 救命...♥

呢二個小朋友... 當左刷牙係玩玩具吧?

刷牙仲擺晒POSE俾你影，真係笑四人♥

刷完牙食埋早餐，就輪流沖涼洗白白

之後，我地就約左姨媽姨丈一齊飲茶

飲完茶，我地冇一齊行街啦!! 因為我地要去下一場 - 元朗廈村

一個經過多次但未去過的地方，

去廈村的原因係..... 十年一次的『廈村太平清醮』

我地唔係廈村村民，只係 99 係隔離圍村的居民

爸B話佢十年都有黎過，仲話好多童年回憶喎!! 

所以我地先黎參觀下咋 ♥

『太平清醮』 小FAN 冇參與過，但舞龍舞獅呢? 我就見太多了

原因??  哈哈~ 咪因為型仔公公自細已學白眉派，舞龍舞獅係佢專長

我地細細個已開始見慣，仲好鍾意睇架 ♥

但隨住公公年紀大，我地就小左接觸了....

呢日難得見到，都幾開心 (小霸王就好似唔多鍾意 ♥)

佢個心..... 一直都好專一..... 向住佢最愛的魚魚的 ♥

贂黎睇去都係得一種魚，佢都睇得好開心、好投入!

媽咪知啦!!  有空一定陪你睇魚 ♥

爸B 仲買埋"麵包魚"俾佢呀! ♥

Welcome to S.K.Y. Lovely Family

Date:   2014.12.13&14 (Sat & Sun) ~  2y5m1d &2d
Place: 婆婆家 / 元朗廈村