上個星期小FAN的心情簡直係
“悲喜交集”
開心的是....
等左好耐的旅行終於confirm 晒啦!
只欠小FAN 請埋假就攪掂
(遲 D 再同大家分享下)
傷心的是... 又或者叫做痛心的是...
小霸王生病了、入院了!!
小朋友生病真係可以好突然架
完全乜都冇跡像囉!
唉.....
► 2015.05.08 (Thu) ~ Day 665 ◄
今晚小FAN 食晚飯時
感覺小霸王的體溫有點高
所以就幫佢探下熱
小小熱38.4度左右
當然就係飲定退燒水啦!!
呢日狀態好好好精靈!
► 2015.05.09 (Fri) ~ Day 666 ◄
零晨 4點幾左右
小霸王又燒返
再俾多次退燒水佢飲
到 小FAN 返工時
見小霸王已退燒 就叮囑 99 小心觀察
到 9點幾
99 話俾左退燒水佢飲
但都有退燒
咁就叫 99 帶小霸王去睇DR. LEUNG
由於佢乜都冇事，只係得發燒
驗埋小便，結果正常
DR. LEUNG 估計係... 作感冒
開左退燒水+消炎
點知返到屋企
居然燒到39.4度
我即刻叫99 塞退燒藥
幸好好快又退左
呢日狀態仍然係好精靈!
►2015.05.10 (Sat) ~ Day 667 ◄
零晨時份
又燒到39.7度
又再塞多次藥
不停退完又燒、燒完又退咁
今早又帶佢返去睇 DR. LEUNG
醫生話表面唔覺小霸王有事
寫紙叫我地帶小霸王去驗血 + X-RAY
驗血 + X-RAY 的過程
對於年紀小小的小霸王
真係... 一件極度恐怖的事情
小FAN 只係聽到『喊聲+媽媽』
做完晒，我地就返屋企等報告
下午先再去見醫生
呢個心情下
我地仲要帶小霸王去幼稚園交錢訂校服
唉!!
大約五點返去DR. LEUNG 診所
DR. LEUNG：『X -RAY 冇事，但驗血報告就話有菌，我建議你地帶佢入院檢查咩事。』
我：『咁幾時入院?』
DR. LEUNG：『今晚或明早啦』
我：『咁如果明早先入，你會開藥俾佢嗎?』
DR. LEUNG：『唔! 我都唔知開咩藥』
我：『竟然咁，我地就今晚帶佢入院吧!!』
等埋醫生信，
我地就返屋企收拾小小用品
出發去法國...醫院
去到法國...醫院
先要睇門診
我地要求要睇蔡榮豪醫生
但係門診A同事話蔡醫生放咗工
叫我地自己聯絡佢
(勁不負責任的門診A同事)
係冇計下，
我地照睇住繆XX醫生
我覺得佢係一個趕住收工的兒科醫生囉!
講晒病情+俾埋醫生信+報告佢睇
佢居然問我地：『你地黎睇咩架?』
(真係想... XYZ@#~!*&^ 佢囉!)
我地再講多次佢聽
佢就話：『哦! 咁入院囉!』
係辦理入院手續時我地多次同唔同的同事/姑娘講
「我地係要睇蔡榮豪醫生」
最後幸得爸B表妹(法國醫院工作) 同好好姑娘的幫忙
先可以轉到醫生
(點解私家都咁麻煩架????)
攪埋入手續上埋病房
都已經接近九點
蔡醫生初步檢查
係做左驗血、抽鼻涕驗菌
先再決定
抱住小霸王入診症室後
就要出外面
因為姑娘要幫佢種豆+抽血+抽鼻涕 + "釣"鹽水
一個人站在外面又再聽到
『喊聲+媽媽』
唉! 真係... 我真係...
喊埋出黎! 心痛死... 如刀割呀!
不過
經姑娘話返我知
原來小霸王好叻，唔係喊得好犀利
仲話種豆係戴表表喎!!
好叻女呀!!
由呢一刻起，小霸王 & 小FAN 的法國...醫院之旅開始了!
呢日狀態開始...疲累!
►2015.05.11 (Sun) ~ Day 668 ◄
始終都係陌生環境
小FAN 就瞓得唔係咁好
小霸王就可能因為藥力，又或者太累而瞓得都OK
不過... 眼就腫得好勁
嚇左我一跳!
"釣"左鹽水一晚
燒都仲係退下又燒
因為報告未出
所以醫生都只係開左咳藥 + 退燒藥
幸好呢日狀態回復小小精靈!
► 2015.05.12 (Mon) ~ Day 669 ◄
今日小FAN 要返工
日頭就99 睇住小霸王
收工就我黎接更
報告終於出晒
醫生証實係【副流感】
由於太普遍，醫生話唔洗擔心
好快好返
今日開始食抗生素
唔洗再釣鹽水的小霸王更加活潑到周圍走
晚上燒亦開始退晒
唔再發燒
呢日狀態是活潑精靈!
► 2015.05.13 (Tue) ~ Day 670 ◄
今早都係食抗生素+咳藥
早上醫生巡房時話睇埋今日如果OK就今晚可以出院!
YEAH!
放工就9秒9 去醫院準備接佢出院
唉! 點知醫生到 7點幾先黎巡房
批埋出院、攪手續、找數
都用左1個多小時
到 9點先出得院
返到家已經十點多
而我的小寶貝就... 瞓到隻豬仔咁啦!!
…。…。…。…。…。…。…。 …。…。…。…。…。
雖然呢幾日瞓得不好，好累
但見到佢冇事，自己都安心好多了
而今日的小霸王已經好返得7788啦!
經過呢短短的四日三夜法國...醫院之旅
我發現小霸王長大左好多
亦學懂左好多
佢對食藥呢樣野已經接受左，唔再發脾氣大叫大喊
佢對醫生護士就... 仲係有抗拒，但已經好左好多!
正所謂【經一事，長一智】吧!!
哈哈 ~
PS:
今年的MOTHER'S DAY 真係好難忘
在法國...醫院中渡過
亦收到如此貴重的禮物
小FAN 真係受唔起
真的不用再送上了
一次就夠!!
嗚....睇見都心痛，比在我一定哭....嗚嗚....
回覆刪除好彩好快冇事，希望以後都健健康康啦 ^^
Thanks SamSam!!
刪除法國醫院兒科馬焯康是垃圾
回覆刪除婦産科游洋是非常好的醫生
馬焯康只是一隻經營高收入醫療程序的禽獸
我們生第一胎BB没有經驗，選了一個好的婦産科醫生(游洋)，但忽略了選好的兒科醫生，結果醫院安排了這魔鬼為我們全家準備了地獄旅程：
已是多年前的事......馬焯康(以下簡稱馬)説我們剛出生的寶寶有嘔奶情况(奶粉)，要在温箱作特别觀察，我們問馬: BB嘔奶情况如何嚴重到要特別觀察？馬説嘔奶就要觀察，並没正面回應！我倆都没經驗，太太剛經歷産子，身體非常虚弱，没有再追問情况。
第二天中午，護士跟我們説馬醫生要我們簽一份抽血檢驗同意書，我們問現在BB情况怎樣？護士答：你要問馬醫生，我們想睇下BB，她答：BB已被安排特别觀察，不可睇，要問馬醫生，但馬醫生不在，你們盡快簽完安排檢驗。
我們已領悟到要被玩弄了，但又極度擔心寶寶，所以我决定先問了我的家姐(她曾任職助産護士現任老人院副院長)，家姐要下班後才能來到醫院，但黄昏時候法國醫院護士再來催促簽名及代馬醫生説若不檢驗，一切後果你們自已負責。而馬醫生仍然不在！BB仍不讓我們看！BB現在甚麽情况也不告訴！作為第一胎初生寳寶的父母，非常憂心，悲痛，憤怒又無奈...但此刻正確决定是簽！
第三天下午檢驗報告出了，5張紙，幾十項指數，護士説馬話BB尿毒素高，要作深切治療安排，又要簽同意書！咁危險重簽乜同意書呀！唔係馬上處理咩？
我把報告發給了家姐，家姐一小時後在電話通知我：馬上同BB辦出院，我找了做兒科醫生的舊同事看了報告，BB一切正常，尿毒素偏高是初生BB正常現像，馬焯康在兒科中出名投訴個案衆多的！
當我們要求辦出院時，馬才突然現身説了情况嚴重，你們不可隨意帶嬰兒離開醫院，態度非常惡劣！我唯有把家姐的話與馬説了一次，馬就對護士説要我們簽一份完全不可追究任何責任同意書才可帶走！
我們簽了，我們繼初生時見到BB，這是第4天才第二次看到我們的兒子...我倆的淚水已停不了！
出院後個多月BB也沒再看過醫生，情况一直正常，兒子從第4天到現在已入讀幼稚園了，一直健康成長。
今日我在忙中抽空寫這段話，因我的怒憤及内疚已放下了，希望天下愛兒女的父母不會重步我們的覆徹，不要在回憶及夢裡重播那第4天的影像...兒子身上插着多支的針管，多個抽血的針孔疤痕在手碗及腳碗位。