冬至晚飯

2013.12.21 (Sat) ~ Day 527

老公仔開始返新工了

工作唔同晒，從低做起

人工就梗係差好遠啦

但冇計，佢開心重要 D

我地最多又再慳多DD 洗吧!!

新工作一樣係唔知放邊日

所以今年婆婆家的冬至晚飯

就由小FAN 我同小霸王做代表吧!!! 

一早起身幫小霸王準備好一切

食飽飽，沖好涼

我就去換衫

而小霸王就......

等埋婆婆電話我地就出門口囉!! YEAH

我地先去左祟正

因為小FAN 我要去拜下太婆太公

太婆太公即係小FAN的嫲嫲，爺爺

兩年前的冬至前夕

小FAN的嫲嫲不小心意外離開左

所以每年呢個時候特別掛住佢

重要事做完後

我地就出去農田到玩下

面對新環境

小霸王居然.... 冇有怕

仲勇字行先，犀利 !!

(係我怕左佢呀!!)

呢個大力妹居然可以一手攞起差不多大過佢的菜

真係唔好睇小佢

究竟你係幫手定係搗亂架??

之後

我地就返婆婆家食飯

今晚都算齊人 (只係欠我老公仔)

好耐冇試過啦!!

細姨已回家了

舅父舅母亦由廣州回來

如果老公仔都...

就very good!! 下次吧!!

好鍾意一家人簡簡單單地一齊食飯談天

仲有新加的.... 打好經濟的麻雀!!