週末必到處‧婆婆屋企

2013.11.30 (Sat) ~ Day 506

早前睇到 BK有個媽咪出左個 POST

"嫁入天水圍，返娘家就越來越少 ..." 

好明白佢的感受

因為每個嫁左出去的女子都會有呢個情況

講真，

一個月返去娘家幾多次先係對的呢??

相信冇人答到你囉!!

唔返娘家又唔代表係錯的

其實係好講自己個心

一個電話問候，好過見面時吵架 / 冇野講

一齊食飯，總好過你打俾佢問佢食左飯未

所以冇一定的答案

每個家庭有佢地自己的相處方式!!

【有心係勝過一切】

就好似小FAN 我咁

結婚已經 4年啦!!

除左坐月o個段時間外，

每個月至少一星期返娘家一次

而家多埋小霸王都不改變

仲反而返多左

因為星期六會 stay o係婆婆家瞓一晚

星期日晚上先返屋企

相信係小FAN 個人問題

我真係仲掛住娘家架!!

所以婆婆屋企已經變左小霸王的『週末必到處』

哈哈!!

好開心小霸王已經到左可以扮靚靚的階段

簡直滿足晒我呀!!

而且小霸王亦開始有佢的私人玩樂時間

有了表姐仔在身邊

佢已經唔需要我了!!

我當然係開心啦!!

希望佢地的感情可以長長久久啦!!~