任性多一陣，可以嗎??

昨晚放工返屋企時見到鄰居陳太，大家閒談左一陣，佢突然問左我一個問題：『仔仔呢??? 好似呢排唔見左佢咁?佢去左邊呀??』，真係令我好意外。因為我一直都以為媽咪話左俾佢知，而佢地冇唔提咋，點知原來係冇喎!! 我當然有話番俾佢知。但係... 自己個心會不期然地難過起來。

其實每個月去探仔仔的時候，我都會偷偷地喊，我真係好唔捨得!! 男朋友仔叫我學習放開，我有架.. 我真係有去嘗試，只不過唔得姐。我怕一放開，我的手再感受唔到仔仔留俾我的所有感覺，而記憶亦會走晒... 所以我真係唔可以放開住。就讓我任性多一陣，好嗎?

不合理的午餐

變態婆(即我的女上司)約定左所有team member今日為八月份生日的同事(我同一名靚女同事)提早慶祝，點解會咁早?? 咪因為佢下星期開始會放二個星期大假(正呀... 唔洗對住佢..)，佢話唔想補慶wor。 唉... 冇得推的約會。

為左唔想同事洗咁多錢，就選擇左去『新高麗苑』食韓國set lunch。 我唔係第一次去，但就係第一次坐日式o個d 位(要除鞋..勁攪笑)。我地叫左八個set lunch一齊share，勁飽呀!! (可能我都幾like食korea food, 所以幾滿意。)不過氣氛就... 人地隔離房勁多笑聲+勁嘈,而我地呢...靜到有蚊飛過都知。

(唉.. 變態婆就一定唔係咁) 最後埋單都係HK$357，點知.... 負責埋單的變態婆大聲講話『咁俾370啦!!』大家O個刻的表情都好『意外』 (我簡直係『O』晒嘴啦!!唔係嘛)... 不過我地冇人出聲,只係靜觀其變... 跟住仲大獲... 佢俾左500蚊, Waiter找番$143俾佢，但係佢居然只係要$123，結果就係變左$377...TOTAL俾左$20 貼士。 有冇攪錯呀.. 佢傻ka.. lunch咋wor.. 唔洗俾咁多貼左ma, 人地有『加一服務』架。痴線.. 雖然我唔洗俾$$姐，但係.. 要剛出糧的同事洗多$$，都覺得勁“唔好意思”架ma!!

經過呢餐之後，大家都好明白點解之前食飯d 數目計極都唔同佢收o個個la.. 唉... 『經一事，長一智』吧!!

夢境會成真嗎???

前幾日發左一個我自己覺得好開心的夢，咩夢咁勁呀? 哈哈...

個夢的開頭我唔係好記得係點，印象中的第一個畫面就係....

『我打開左一道門，入左一個唔係好大的宴會廳內，裏面的佈置係以粉紅色為主 + 好多氣球仔(好似電視劇咁)，感覺係好浪漫。我見到唔係好多人，但我至親佢地全部都在場，佢地同其他人o係到食緊野+傾計。我望到其中一張枱上有一束好大好靚的火百合(真係好大,我諗我抱唔起佢law)，o個刻我feel到應該係男朋友仔想向我求婚，正當我甜絲絲的陶醉中，突然畫面冇晒...』

唉.. 咪就係俾現實中的媽咪+妹妹佢地的談話聲吵醒左law，簡直係勁失望啦!!

原來只係發夢咋，所以有野都係假架。

雖然唔係第一次發呢種夢(可能我真係好恨嫁呀... 唔係仲乜會發夢... 唔係.. 應該係相反.. 人地話夢境與現實係相反.. 哈哈..即係我唔恨嫁啦!!)，但係呢個係咁多個之中最浪漫，亦都係我最喜歡。噢.... 好傷心tim!! 因為現實生活中應該唔會有呢個可能性架嘛!!(我男朋友仔係唔會咁浪漫架) 連夢都唔俾人擁有，太唔公平啦!! 我唔制呀!!

之後我都有同男朋友仔講番個夢，佢梗係冇咩反應啦!! 我話佢知我好激氣，佢咪笑笑口law!! 可能佢覺得我太天真o係到笑我傻咋!! 唔識浪漫的男仔永遠都唔會明白女仔所期待的浪漫。有時我心諗『又唔係叫你成日都要浪漫，只係o係一d 應該要浪漫的時候俾小小浪漫我咋嘛, 都唔得咩? 唔係好過份咋嘛』，唉.. 我都係發夢好d 啦!! 哈哈.. 鬼叫我鍾意你呢個唔浪漫的男子咩!!

書展

哇．．．．　本來諗住叫人幫我o係書展買書，點知?? 好姊妹sandy即興話『不如而家一齊去囉!!』，點推得佢呀??? 當然去啦!! 咁....兩個傻婆就換衫出門口啦!!

去到會展差不多三點，今日都唔係話太多人(唔洗等好耐)。 原本諗住買一本書.... 變左九本，痴左線tim。哈哈.... 買到想買的書當然勁開心，但換來的是 『腳勁累+痛』& 『肉痛 (洗左差不多$300)』 .... (當然俾阿媽話我抵死架.. 冇人叫我去ka ma!!)

ps: 第一年去書展就咁瘋狂，下年都係諗下先......

令我討厭的新成員

由尋日開始，我屋企多左一個新成員啦!! 雖然我唔係好接受得到(或者叫做勁反抗)呢個成員加入，但係鬼叫我抗議冇效咩，唯有努力嘗試接受佢的存在吧!!

唉... 點解媽咪要咁對我呀!! 明明知道我係勁驚 + 勁討厭 "烏龜"，佢偏偏要買佢返黎屋企，為的是.... 旺阿哥wor!! (事緣係媽咪有日睇到報紙上講話農曆X月的人想增加自己的旺氣就飼養烏龜/蛇/蜥蝪等之另類動物) 媽咪鍚仔心切，卻將我變成犧牲品都冇所謂。點解呀?? 咁唔公平.. 我簡直係喊都冇謂啦!! 怨就怨自己冇用，烏龜都驚。最衰都係寫o個篇唔知係咪真的野的人，害到我咁。而家我只要一諗到自己返到屋企就要避開新成員o個刻，心情立刻變得『勁無奈』。祈求佢唔係咁快長大，唔係我就真係要搬走呀!!

救我呀仔仔....如果你o係到的話，至少你可以保護我，你話我而家可以點算呀!! 仔呀!!

小契仔

轉眼間，我的小契仔已經咁大啦!!! 不過佢好怕陌生，攪咗好耐先可以投入地同我地玩!! 我諗我都係要見佢多D 啦!! 唔係下次又要WARM UP 好耐就弊。

(你睇下小栢佢.. 真係好為食架... 應該係食唔停呀....)

(好舒服咁WOR... 小栢...  

(小朋友的笑容永遠都係最天真無邪.... 令人十分喜愛...)

而家D小朋友真係好叻，好似小栢咁... 佢坐O係K房不但唔怕嘈之外，仲可以跟住音樂唱歌... 哈哈，年代唔同冇法啦!!!

WILL病→ 病ING→ 病ED

足足五日啦.... 由星期六到今天，我咁大個女都未試過連續病五日咁大獲

，醫生睇o左三個 (簡直係中西合壁呀!!)。藥我都食o左十幾款呀!! 口淡而冇味，日日都係起身→食通粉→食藥→睡覺，一日都唔知循環多少次，個人好似遲鈍o左tim。救命呀!!! 睇落好似好好咁，可以放多三日假，但係要我病而放，我會選擇唔要law。你估我真係前世未病過咩??? 一次夠啦!!唔好再玩我。 

(哇見唔見到.... 唔淡就假啦!!!)

(正所謂苦口良藥.. 老豆叫睇.. 冇得抗議!!! )

幸好打完支針就真係好番好多。(心諗醫生你應該早d同我打嘛，唔洗我辛苦多天!!真係小丙的醫生呀!!)再加上睇中醫調理番我的身體，我小FAN 唔會再咁易俾病魔打倒!! 哈哈...

明天終於可以返工啦.... (我係咪傻o左呢???... 返工都咁開心... 唉... 傻一次吧!!)

外面個太陽好似想熱溶我咁呀... 都係留o係屋企吧!!!