難得放生♥ 二人前♥ 拉麵天王

一直好想過下二人世界，但次次都俾小霸王拒絕

佢話: 出街要三個人一齊架! 唉! ~

某星期日，天氣凍又下微雨，一心諗住唔出街

點知爸B想出外行下，但我又唔想小霸王出去

咁就試下問下小霸王啦!

我: BB, 媽咪同爸B出去買野得唔得?

小: 唔得，我又要去  (例牌答案)

我: 下! 出面落雨又好凍呀! 你唔好出啦! 我地去買完野好快就返黎

小: ..... 好啦! 要快D 返架!

我地即刻換衫走人啦!! 哈哈~ ♥

不過一出門口..... 我個心就.... 好內疚! (好似好衰咁)

係啦... 要放手... 要放手.....唔好返轉頭...

我地去左食拉麵天王

地點有點偏，不過唔算難找

環境唔大，但都OK

拉麵款式唔算多，只有四款

左: 生蒜天王 及  右: 黑天王

麵的硬度、湯濃度都可以自己選擇的

整體來講:  唔錯!! 

麵度我揀普通，我覺得淋左D，應該硬會好D 

湯底可以，唔會太咸/淡

份量都好足，爸B食完都話夠飽，下次可以再黎!

PS: 我地真係食完完拉麵就返屋企啦! (真係....攪笑)

拉麵天王: https://www.facebook.com/Tennoramenyl/

我的煲劇榜 ♥ 2016 ♥

2016年
種類	劇名	集數	推介度	評價
台劇	必娶女人 主演:   邱澤、柯佳嬿	15	★★★★☆	不錯
韓劇	奶酪陷阱 主演:  朴海鎮、金高恩、徐康俊	16	★★★★☆	不錯
日劇	請與廢柴的我談戀愛 主演:  深田恭子、藤岡靛	10	★★★☆☆	一般
韓劇	太陽的後裔 主演:  宋仲基、宋慧喬	16	★★★★★	好睇
韓劇	回來吧大叔 主演:   鄭智薰、吳漣序	16	★★★★☆	不錯
韓劇	再一次 Happy Ending 主演:   鄭敬淏、張娜拉	16	★★★★☆	不錯
韓劇	結婚契約 主演:  李瑞鎮、 U-ie	16	★★★★☆	不錯
韓劇	記得你 主演:  徐仁國、張娜拉	16	★★★☆☆	一般
綜藝	一路上有你 (第二季) 主演:  張智霖、袁詠儀	12	★★★★☆	不錯
韓劇	上流愛情 主演:  盛駿、 U-ie	16	★★★☆☆	一般
韓劇	魔女的戀愛 主演: 嚴正化、朴敘俊	16	★★☆☆☆	失望
韓劇	又，吳海英 主演: 文晸赫、徐玄振	18	★★★★☆	不錯
韓劇	好運羅曼史 主演:  黃正音、柳俊烈	16	★★★☆☆	一般
韓劇	花漾之戀～浪漫滿屋2 主演:  魯敏宇、黃正音	32	★★★☆☆	一般
韓劇	Doctors 主演:  朴信惠、金來沅	20	★★★★☆	不錯
韓劇	任意依戀 主演:  金宇彬、裴秀智	20	★★★☆☆	一般
韓劇	打架吧鬼神 主演: 金所炫、玉澤演	16	★★★★☆	不錯
韓劇	W-兩個世界 主演: 李鍾碩、韓孝周	16	★★★★☆	不錯
韓劇	雲畫的月光 主演: 朴寶劍、金裕貞	18	★★★★★	好睇
韓劇	月之戀人－步步驚心：麗 主演: 李準基、李知恩IU	20	★★★☆☆	一般
韓劇	購物王路易 主演: 徐仁國、南志鉉	16	★★★☆☆	一般
韓劇	嫉妒的化身 主演: 曹政奭、孔曉振	24	★★★☆☆	一般
韓劇	獨酒男女 主演: 河錫辰、朴河宣	16	★★★☆☆	一般

總數: 22套 (即平均每月煲到 1.83套)

相比之前，已經煲小左好多...... ^_^
近年... 冇乜點出現D 可以煲完再煲的中毒劇
多數是追完就算，係好睇! 但冇衝動令你再煲，
想當年的FULL HOUSE呀... 花樣男子呀... 惡作劇之吻呀...
真係可以令你煲到覺都唔想瞓，而家...... 唉....
冇計!~ 我的雨神結左婚... 另一男神Minho... 又少拍...

再戰... 錦田鄉村俱樂部

12月中學校旅行先去完，估唔到唔夠一個月我地又再去

元旦後的假期  爸B要返工  冇乜野好做就相約姨媽一家去玩

姨媽話"見入開火星，不如去試下華嫂"

咁我就預早一小時去搵位，2點開已經排長龍

最後.... 好彩唔洗 3點有得食

食飽飽後.... 即去玩啦!! 

呢 3 個 一心諗住摘士多啤梨的小朋友   勁期待

點知.... 半個月前係多到任你點摘都係大大粒的

過左個聖誕居然.... 係.... 你想摘都睇你好唔好彩呀

CRAZY..... (慳返)

唯有摘幾粒就當摘過吧!!

摘唔到靚士多啤梨就轉左掘蕃薯

掘呀~ 掘呀~ 掘呀~ 

呢到 D 蕃薯真係好好味架!! 

冇錯.... 又係呢到....

上次一對二，都可以玩好耐

今次三對二，唔洗 5 分鐘KO 玩完

(PS: 相信豬先生佢地呢日食得太多，已經飽到瞓住食)

跟住... 就去玩D 平野

最抵就係租單車，$20/任玩一小時

平時你叫小霸王玩單車.... 佢一定SAY NO

呢次有人陪玩，居然勇敢地嘗試

(真係要搵家姐細佬陪佢玩多D先)

話咁快就天黑，我地就出返YOHO 食個DINNER就算

呢日有家姐細佬陪玩  小霸王玩得好開心之餘 我都輕鬆D

YEAH!!

DIY ♥ Lip Balm ♥

其實冬天都過左一半啦!~ 

原打算X'MAS 時得閒就整，點知推下又推....

(人老左...真係.... 懶得動)

終於有晚  見冇乜好做  就開壇DIY 先!

材料: 

椰子油、乳木果油、蜂蠟 、Vitamin E、精油

精油推介:

Lavender (薰衣草)、Peppermint (薄荷)、Bergamot (佛手柑)、Lemon (檸檬)、Orange (橙)

做法: 

 1. 把所有材料 (除精油)放進燒杯

2. 將燒杯以隔水加熱的方法一邊加熱一邊打攪拌至溶化

3. 稍為冷卻加入精油，再倒入容器，凝固後就可使用。

自己整Lip Balm 完全唔複雜，仲好簡單

大家不妨試下

♥  100% Natural ♥  100% Handmade ♥ 

K2 班 ~ 親子賀年咭設計比賽

YEAH! 再接再厲... 又黎過

每年唯一一個親子比賽，今年我地都有參加

自問藝術天份唔高的我，真係..... 交到功課就可以

獎勵有冇都係其次，最重要係今年想小霸王多D參與

就算係貼下圖、油下顏色都好

簡簡單單地一齊完成啦!!~

呵呵~ 估唔到.... 今年都幸運地得到學校的欣賞+厚愛

取得"優異獎" (同上年一樣，感動..ING)

爸B 話呢個係豬肉獎，冇人參加先俾我地，但完全唔係架....

我見今年得獎者中，有位K3家長係三年都有參加，今年先第一次得獎

所以係好公証架!! (哈哈~我地係靠食力架!)

唔知係咪上年有攞過，今年小霸王冇上年咁興奮

(亦都可能係佢唔舒服冇乜精神吧!)

明年會係最後一年玩，我地要更加努力!! 哈哈~

回顧:

K1 班 ~ 親子賀年咭設計比賽

K2 班 ~ 秋季親子旅行

一到秋天，就會諗秋季親子旅行幾時到?

又係時候陪囡周圍走....

原定11月尾的旅行，因天雨取消而改期

(好彩改期咋，唔係小霸王同我都冇得去玩... 點解... 我地去左法國住....哈哈)

日期: 12月15日

地點: 錦田鄉村俱樂部

時間: 09:30 - 15:30

改左期.... 令爸B今年都係無緣參與... 真係有D失望 (明年吧!)

唔緊要啦!! 仲有媽咪陪囡玩嘛!!

一去到... 已經好急切地叫我帶佢周圍玩

梗係唔得啦! 例牌要玩下親子遊戲/ 影下大合照先可以自由活動

幾經辛苦.... 終於可以自由活動...

小霸王即叫我去摘士多啤梨呀~ 

之後..... 係掘蕃薯  (自家種的又真係好味好多)

玩左都唔夠1小時就滿手都係野 

(真係蠢左... 下次最後先做...>_<)

唉.... 耕作完.... 係時候要餵下佢D朋友仔... 哈哈...係豬仔

再黎... 就係佢最愛... 冇走雞...

一心諗住佢自己玩實冇收獲  (我諗多左...??)

點知... 唔知係咪呢到D魚游得慢定係佢叻左?

♥ 最後居然中左 2 條 ♥

(攞左返屋企，養左十幾日就BYE BYE 晒)

玩左咁耐，係時候休息下食D野

今年都係愛心便當 (比上年小，怕食唔晒)

食飽飽.... 話咁快又周圍玩、周圍跑、周圍跳

今年旅行最大唔同的是.....

終於見到小霸王肯同D朋友仔一齊玩啦!♥

(平時聽班主任講佢有好多朋友仔，但我都唔係好信)

呢日終於見識到啦~  

(好安慰!! 我真係驚佢冇朋友架!)

今年真係比上年輕鬆D

因為有1/3時間佢係同朋友仔玩，我只係望住佢就得

我諗明年..... 應該會更輕鬆吧!! 哈哈~

我的痴媽囡.... 開始... 放開我隻手啦!

(矛盾.....ing.....)

跑跑跳跳♥周圍走♥十一/二月

睇返 D 相先發現 11月同12 月去左好多公園/農場玩

有去過的亦有從未去過的

♥ 元朗公園 ♥

住係火星的一定去過，但唔係講笑，我都係第一次行上百鳥塔

(因我唔多鍾意雀仔，行左先發現冇乜雀仔)

估唔到小小年紀的小霸王，可以自己行上去又行返落黎都冇話辛苦

(大人、小朋友當做下運動都不錯!)

♥佐敦谷公園♥ 

成日都見人提呢到，對於火星人去呢到真係唔多方便

但環境真係好唔錯，有一大片草地、遊樂場、小型溫室、跑步徑....

小朋友係草地任佢跑跳又唔洗擔心佢跌倒，正!

黎野餐都不錯，不過我估星期日會好多人

(最好就..... 揀星期六吧!) 

♥ 坪石公園 ♥ 

由佐敦谷行去.... 係得.... 但好累囉! 

(我地跟住Google map 行.... 行多左好多路....唔係的話都唔係太辛苦)

呢到.... 真係好好玩，設施新、款式多.... 

最令我意外的是.... 有一個新設施，係手動lift，好攪笑，好得意!!

仲有好多恐龍石 (呢到以恐龍為主題架!)

♥ 元朗 448 Farm ♥ 

元朗新開的農場，未完全完成，仲不斷加野

地點比較偏遠，要坐的士或揸車入去

環境... 唔... 勁多蚊 (做左十足準備都中蕉)

唔算多野玩，以睇的比較多

可以等佢地整多d 野先去都得，唔係就..... 1 小時都KO完

(FB 找尋 448農莊) 

♥ 荔枝角公園 ♥ 

呢到去過幾次，好奇怪的是次次去到都係濕O既 (唔係下雨就係下完雨)

今次終於可以玩到啦!! 呢到除左玩，仲可以影下相，唔錯架!

但留意星期日.... 呢到係勁多姐姐... (如果玩遊樂場就唔怕，影相就... 避下都得)

哈哈~ 2017年要去更多從未去過的公園先

香港真係好多公園架，要玩晒.... 真係... 有排玩呀!

Little M 親子教室 ※ 章魚小丸子 ※

前文都有提及我年尾時幸運地抽中左小小獎

其中一個就係 Rasonic Multi Hot Plate (多功能電熱盤)

(抽中時真係勁勁勁開心)

其實自己都好想買黎玩下，但... 又怕三分鐘熱度 (真係....囉)

好彩唔洗錢下抽中.... 真係.... 開心四....哈哈!

小霸王一知道有得整章魚小丸子之後

日日問我幾時有得玩? 幾時整?.... 

所以早係11月已經開左機玩架啦! (未得閒update咋!)

材料: 

燒章魚丸的預伴粉、雞蛋、冰凍八爪魚粒、水、

木魚碎、紫菜碎、燒章魚丸的專用醬

(大部分可以在AEON 12蚊店買到)

做法: 

1.將八爪魚切粒，加鹽煮熟，再過冷河，抹乾水備用

2. 蛋、水、粉混合攪拌，成幼滑的蛋漿狀，備用

3. 預熱電熱盤，每一格上塗抹少許生油

4. 倒入蛋漿，加入八爪魚粒

5. 當底部開始成形時，以竹籤將小丸子反轉

6. 直至小丸子燒成金黃色，就完成

** 最後，可以根據個人口味加入加上木魚碎、紫菜碎、醬油 **

登登... 出盤啦!! ~  YUMMY

第一次整小丸子，有預拌粉真係勁方便

感覺都唔係好複雜，味道冇街邊咁濃味，但材料十足!!

♥細看♥我的2016

諗左好耐.... 2017年的第一個POST 應該寫乜好?

好似去年咁.... 唔理繼續寫?? (唔想)

說真的 ~ 2015年 204篇 VS 2016年 62篇

2016年真係寫小左好多野，原因好多?

2016的上半年，心情多是"唔開心"、"失落"、"炆"、""嬲"....

個人係可以話係跌落谷底，好Negative，完全冇野可以令我開心起來!

幸好在2016下半年，煩惱的事情慢慢漸見曙光

心情都慢慢地改變，正能量返晒黎!

開心地生活總比唔開心來得輕鬆

簡簡單單不望精彩   應該會更幸福

我發現人的正能量越強   幸運就會越近你

一向零抽獎運的我   接近年尾時居然中左小小獎勵

雖然唔係D乜野勁野  但Lucky係冇價的

2016年小左寫POST除左因為個人心情之外

就係公司下半年勁忙，好難抽到時間寫  (勁唔開心)

另外，隨住小霸王大左，佢的成長已經好難一篇一篇記下來

好想俾返小小空間佢 (秘密???)  但同時我自己又好想記底

....... 矛盾中....... (點好呢?)

2017年目標.....

要過得比2016年開心、幸福、快樂、健康

煩惱遠離我，幸運繼續在我身邊

能夠分享更多樂事