Happy Friday ♥ 美味的午餐 ♥ 豐富的大閘蟹宴

♥ Happy Friday ♥  

抱歉呢個開心星期五已經差不多過左兩星期

哈哈~ 但好野要分享的 ♥ 

上上星期五  我同爸B 抽空請下午假去攞護照

本身BOOK左月尾星期六去攞

點知.... 時間緊迫要訂機票 (係呀!~ ♥  好開心就黎有得去旅行)

咁冇計就請假啦~ 順便二人世界一陣

好耐冇二人世界食飯啦~ 

雖然係午餐，但都好甜蜜架! (我又曬下先)

爸B 帶左我去一間火星好出名的茶記

佢問我: 『冇冷氣架? 你OK嗎?』

我話:『食個午餐姐，又唔係坐一日，怕咩呀?』

成記茶寮 

(元朗建業街街市地下C8號舖)

做左火星人咁耐，我地都係第一次黎食咋  (大鄉里)

我地每人點左一個餐

(上) - 蕃茄汁豬扒雞球飯 + 凍0T  

(下) -  豉油汁豬扒雞球飯 + 凍0T

係咪睇到都流晒口水呢?   香噴噴真係好吸引

豬扒 - 大大件、爽滑彈牙 (係大件過隻手掌囉~ 唔薄架  有手指甲咁厚)

雞球 - 一個拳頭咁大 (我用我隻黎比較)、微微炸過，好香又脆

飯量 - 好彩唔多咋! 正常一碗飯

除左食物質素唔馬虎之外，

我勁鍾意佢地的香甜濃郁的豉油汁   真係好好味

配埋飯食   真係『讚讚讚』

豉油汁 vs 蕃茄汁

我都係揀豉油汁   唔係話蕃茄汁唔好味

但豉油汁優勝 dd 咁

大大份足料的碟頭飯

仲包埋凍飲都只係 $42/碟 咋!  

係咪抵到冇朋友呢?  (良心茶記)

住火星的朋友們，

如果唔怕熱、唔介意環境唔大、唔靚、服務一般的話

 ♥ 真心推薦你地去食下 ♥

食飽飽後，我地行陣街

就返屋企陪小霸王啦!~ 

係屋企休息左個幾鐘後

我地又出去搵食啦~ 

嘻嘻~ 

今晚 99親友們舉行豐富的大閘蟹宴

據聞係訂左 大約五六十隻陽澄湖大閘蟹

呢到係三分一吧!

呵呵~ 蟹呀~ ♥ 蟹呀~ ♥ 蟹~ ♥

佢地準備食你啦~ BYE BYE

冇錯係佢地咋~ 

唔好攪好! 咁麻煩的大閘蟹  我真係一點興趣都沒有

(PS: 其他蟹, 我都會掂下的)

唔洗食蟹  我就唯有陪小霸王玩吧~  ♥

煮煮下野  爸B 突然放左隻真野落去

小霸王: 哎呀~ 點煮呀?

唔該表姐借出鋼琴俾小霸王彈下

呢位小朋友彈左一陣就上左電咁

自彈自唱

問佢想唔想學琴?

佢好快答我: 『想』

你手指仔咁短，等你長小小先諗啦~ ♥

小朋友有得玩，大人又有得食

YEAH! ~ 

Welcome to S.K.Y. Lovely Family
Date:   2015.10.16 (Fri) ~ 3y3m3d 
Place:  元朗