熱四辣辣之塔門燒豬一日遊

2014.07.06 (Sun) ~ Day 724

好耐冇全家一齊出動旅遊了

雖然係本地遊，但都已經好開心。

因為要全家齊晒人真係唔係易事

唔係o個個返工/唔係HK

就係小朋友要學野

所以... 能夠成團真係太好!

大大細細一行11人

一早約定 8點係馬料水碼頭等

由【馬料水 至 塔門】，一日只有三班船

8:30AM, 12:25PM, 3:00PM

船程大約 1.5個鐘 所以要留意時間呀! 大人 / 小朋友 同價 HK$28/位 (單程) 3歲以唔就免費

今日天氣不錯，海面好平靜 完全唔會暈船浪 (Touch wood!!)

估唔到咁早都咁多人去??

小霸王心情大靚

熱到冇朋友都可以好開心咁唱歌仔

佩服!!

大家一齊傾下計呀... 好快就到塔門啦!!

小FAN 知道有塔門呢個地方

但完全唔知有咩野做、玩、出名???

塔門

塔門 ，英文名為草洲(Grass-Island)，位於赤門海峽吐露港之北。

由於我地係未食野就黎

所以一落船就去醫肚

【新惠和】

試左出名的蝦醬鮮魷抄飯、海膽煎蛋麵、樽裝奶茶....

味道不錯，都幾抵食。

(太肚餓，所以唔記得影相)

跟住經天后廟旁樓梯上，行過警崗後沿路直上，

不一會便可到達，四週都是一片綠油油的草地，可以遠望大海。

有個大亭可供休息

一片大草地仲可以放風箏，

如果太陽伯伯唔係咁猛的話

小朋友在草地上走來走去

真的不錯!

多得表姐的噴水器降下溫

唔係真係熱四人呀!

係草地玩左同休息左大約 2個鐘

我地行去漁民新村搵野食

呢餐唔係食茶記

所以價錢貴一倍有多呀

但墨魚真係好好味!

爸B 從石灘拾起幾個小貝殼俾小霸王

第一次接觸貝殼覺得好得意，仲帶埋返屋企玩

(不過其中一粒已經俾佢玩爛左囉!)

我地選擇坐尾班船走

返到馬料水都六點幾

大家一齊返婆婆屋企沖個靚涼、

食埋晚餐就各自回家啦!

熱四辣辣之塔門燒豬一日遊就此告一段落

希望下一次能夠全家一齊出國遊玩吧!!

今日好彩小FAN 都做好準備

帶齊旅遊 3寶

強力風扇 + 雨傘 + 防蚊貼/機/藥

小霸王先可以唔做 燒豬 / 乳豬咋!