Happy Birthday to 肥舅父

2014.07.26 (Sat) ~ 2Y0M13D

踏入年中

我們這一家生日會

簡直係一個接一個接囉!!

繼小霸王之後，話咁快就到肥舅父了!

往年仲係廣州工作的肥舅父

我地就冇同佢慶祝啦!

但今年初開始返返香港

所以點會少左佢呢?

Happy Birthday to our 準爸爸 肥舅父

明年就會多一個小寶貝了

辛苦晒!!

自表姐仔出世後開始

唱生日歌呀!! 吹蠟燭呀!!

甚至呼... 切蛋糕呀! 都變左小朋友的

.................

(無言中)

至於佢呢?

自從自己開左生日會後

就愛上左生日歌

日日都唱俾自己聽，哈哈!

等食中的表弟

真可愛!

唉... 你乜都話想食

但一放埋去你又SAY NO 喎!

都係表弟乖D, 乜都肯食

你... 就... 淨係食朱古力!

期待下個生日會! 呵呵

戒夜奶?

一直以黎小fan 本住一個諗法係

"小朋友會自己戒奶的"

所以由一歲起常聽到6299叫我幫小霸王戒奶

我就會話....

佢要飲咪有佢飲囉!

佢又唔係肥妹唔怕喎!

佢唔要就會自己戒架啦!

.........................

一直咁深信的! 直至...

上個月尾開始飲美贊臣A+3新配方後就...

出現大問題啦!!

個問題就係....

4 - 5日一次便便

一向都唔係日日有便便架啦

但4-5日先一次真係唔可以接受囉!

已經只係一日飲二次咋都咁

點得呀??

當然完全唔好怪晒隻奶粉

因為小霸王係一個唔肯食水果的小朋友

要佢食水果真係好困難

所以小FAN 苦惱左二個多星期

嘗試唔多的方法、食物都未有改善

最後就決定

睡前餐奶改做鮮奶

2014.07.16 

第一晚 - 試飲十字牌全脂奶

只係飲左 2安仔就話唔要

仲要係堅決唔再要

我: 飲啦!! 咪一樣係奶奶

佢: 唔要，唔要呀!

我: 吓! 咁唔要奶奶就瞓覺覺囉!!

佢:  瞓覺覺啦!

小霸王一個轉身就攞住張被話瞓覺覺

就算小FAN 話開過真係奶奶俾佢都唔要

第一晚佢就選擇飲水就瞓覺覺

2014.07.17

第二晚 - 試飲北海道牛乳

今晚係兩啖仔就Say NO 啦!

同樣地問佢... 佢都係話唔要

試左兩晚後，

第三晚我就先問左小霸王要唔要奶奶

佢就一口拒絕我!

就係咁...

小霸王就自己決定唔飲夜奶

當然佢有時一到差不多想瞓覺覺時

佢都會叫"媽媽開奶奶"

但我答佢 " 好, 媽媽去開奶奶"

佢就即刻話"唔要"

係用晒以下咁多方法後:

冇飲夜奶

每日迫佢飲鮮柞橙汁

每晚按摩肚仔

每晚飲一碗湯

逢星期二早上 - 煲薏米水開奶

逢星期四早上 - 用七星茶開奶

逢星期六/日早上 - 煲開奶茶開奶

兩星期後終於有所改善啦!

而家係 2日一便，放心晒!!

▌韓劇推介 ▌酒店之王 (호텔킹)

【劇集簡介】

為韓國MBC自2014年4月5日起播出的週末特別企劃劇，由《神的晚餐》的編劇趙恩貞執筆，李棟旭與李多海繼《My Girl》後時隔8年再度搭檔主演，講述為了守護陷入危機的酒店而孤軍奮戰的女繼承人和為了她不惜與父親反目的酒店經理之間的故事。

全劇:  32集完

【劇集內容】

對拋棄母親和自己的父親心懷怨念的冷血酒店經理車載元,是一個刻意隱藏自己內心,表面冷血的人物，被稱為“酒店怪物”，實際上內心帶著傷痛而活。而出演酒店繼承人雅莫奈的則是觀眾熟悉的李多海, 在父親酒店陷入危機後她不顧一切為挽回酒店力。

【人物介紹】 

車載元( 李棟旭飾)  CL酒店總經理
為一南韓僑胞，英文名Jaden。世界頂級的酒店管理人才，精通多國語言，感官敏銳，留意著客人細微的一舉一動從而奉上最完美的服務，被外界稱之為「酒店怪物」。外表俊朗惟異常冷酷，絕對不會輕易表露感情。有着不為人知的過去，童年陰影在他心裏刻下了不能磨滅的疤痕。從小被酒店副會長李仲九收養，以為自己是前會長阿成完的私生子。對「妹妹」莫奈頗為關心，但不知何時對莫奈多出了一份超越兄妹的情感，此時發現自己的身世原來是……

阿莫奈( 李多海飾)  CL酒店繼承人
會長的女兒。擁有明星般吸睛的樣貌身材，性格放蕩不羈，行事隨心所欲。以古怪的作風、嬉皮笑臉的表情努力掩飾著自己真實的感情及心中的盤算。父親之死令她意識到為了酒店、為了自己必須要奮鬥才能生存下來。繼承酒店後發現沒有一個人可以信任，副會長李仲九和理事白美女都似乎各懷鬼胎。除了對她真心付出的鮮于賢，默默地在她身邊守護她。面對酒店複雜的業務，需要載完的幫助，同時漸漸對載完產生了好感……

鮮于賢( 任瑟雍飾)  CL酒店禮賓部三年的員工（實為富二代）
一名勤奮青年，形象正面，通過自學成為了酒店內少數同時懂得英語、國語及手語的人，以高分數進入了酒店。其實是午筠牧場會長的兒子，爸爸是有名的富豪，與副會長是莫逆之交，但與爸爸關係不好，故一直隱藏自己是富二代的身份。將阿會長當作偶像及精神支柱。自從莫奈下榻酒店後，成為了服侍莫奈最多的人，也因此是看見了最多她的真實一面的人，從而不自覺地愛上了莫奈，默默守護着她。

宋彩京( 王智慧飾)  主播,後成為CL酒店餐廳的代表
現為CIEL酒店理事兼海蜜餐廳代表，亦是載完的前女友。比起愛情她寧願選擇自己一人生活，卻為了繼承龐大的財產而與老她數十年的男人結婚。

*******************************************************************

【觀感 / 評價】

唔!! 唔係話唔好睇，但真係太長篇了!  32 集太長啦!!
其實劇情唔係太差，男女主角都OK o既
不過小fan 就比較鍾意D配角 - 陳泰賢同任瑟雍
可能主角太多戲有點厭吧!!
如果唔怕睇到頸都長晒，可以一睇。

推介: ★★★☆☆

返睇: ☻☻☺☺☺

Trouble 2 之 丟野落街

2014.07.26 (Sat) ~ Day 745

不得不搶先寫呢篇文

因為小FAN 真係好嬲、好唔開心、好心痛.....

事情係咁...

星期六小FAN 如常放工兩點到返到屋企

一出Lift 就聽到小霸王淒涼的喊聲

就飛快跑回家

開門見到小霸王喊到全面眼淚+鼻涕

先問左爺爺發生咩事

爺爺告知小FAN

小霸王襯爺爺o係廳整緊野時

入左爺爺間房上埋張床

係床頭攞左支筆再丟埋落街

小FAN見到的正是爺爺責罵小霸王的一刻

小FAN 就問小霸王點解丟野落街?

佢唔出聲只係繼續喊

我只好等佢冷靜吧!!

點知?

爺爺話我知小霸王唔係第一次

上次仲攪到警察上埋屋企呀!!

我o個刻真係..... 勁嬲!!

點解咁大件事完全冇人話我知??

爺爺仲好輕鬆咁話...

乜你唔知咩?

小朋友丟野落街我知係一定會發生

但一次就已經足夠

為何要發生第二次呢????

仲要有警察呀??

唔好諗到件事係好簡單囉!

係就係小朋友冇心丟野落街

但如果真係丟到人咁點算?

應該要好好教導小朋友

又或者諗辦法唔好再發生

小FAN 自問 EQ 真係唔高

老人家唔話得

唯有向住未必聽得明的小霸王開火

命令佢唔可以再丟野落街

唉!! 小FAN 真係好無奈

我一直冇諗過要 6299 去教導小霸王任何野

只係照顧佢每日日常生活、飲食就已足夠

教導的責任就留待自己

但...

可否不要"寵壞"佢呢?

可否注意家居安全呢?

進入Trouble 2 的小霸王

 真係... 麻煩左好多

小fan 真係要開始做返個嚴母

"錫在心中"吧!!

書展大收穫

2014.07.21 (Mon) ~ Day 739

真係要唔該晒 Sandy 姨姨!

要佢一個人遠遠咁抽d書返黎俾我

真係萬分感謝佢呀!

佢全程係不停電話+Whatsapp 我

哈哈!! 謝謝你!!

小FAN 其實好想親身去

但帶住小霸王去真係.... 好危險囉!!

所以.... 只好托人買

Sandy 姨姨一共幫我買左34本書 (HK$500)

小FAN 主供係 $100/7本的

因為始終小霸王仲細

睇的多數是圖片，所以不用買太貴

我個人就好鍾意迪士尼系列的故事書

上年都有買左一本怪獸公司

小霸王已經睇到爛爛地

佢好鍾意叫我讀D英文俾佢聽

肯定唔多明架 ，但俾個Concept 佢都好呀!!

除左故事書，其他都係貼紙書

平時買就廿幾蚊

書展就$100/7本

抵好多，任貼都唔金呀！

如果小FAN 親自去的話真係唔知點算

一定買唔停吧!! 哈哈 ~~

估唔到小霸王佢咁鍾意玩

仲好叻咁學埋數字 20-40

可能不用一個月

就已經可以俾佢KO 晒D 貼紙書!!

-_-

美心米奇與米妮冰皮月餅

2014.07.21 (Mon) ~ Day 739

又到中秋??? 唔係嘛?? 咁快?

哈哈!! 真係誇成咁呀!!

點解而家咁早就有月餅買架?

唔好話人地，

小FAN 都已買左二張雪糕月餅劵俾家姐同哥哥

冇計早買平D呀!!

向來小FAN只係做"送俾人"o個個

今年"moun"車邊都叫做"收禮"

因為梁爺爺係送俾小霸王的

好特別的小朋友款式月餅

為左怕自己唔記得攞，所以都係早Ｄ攞左好！

美心米奇與米妮冰皮月餅

有個米奇與米妮月餅保冷袋送埋架!!

好靚！

一個小火車造型鐵盒

內藏六個冰皮月餅

包括皇牌芒果、士多啤梨脆、雜苺、夏威夷果仁朱古力、抹茶紅豆、曲奇妙趣各１ 個

食我地就未食，但應該都唔會太差吧！

但個鐵盒就...

成為左小霸王玩具之一了!!

^O^

PN 班 ~ 家長會

2014.07.19 (Sat) ~ Day 737

Day off  的星期六下午有個重要的約會

所以唔可以咁早返婆婆屋企玩

留在家的小fan 就諗下煮乜野俾小霸王食好

嘻嘻! 小fan 自問煮野食的程度唔高

但都唔係地獄廚神

簡單的... 都可以

我愛煮ABC 通粉

因為簡單、小朋友又易食

唔想咁悶

今日就加多左配料

冬菇、菜芯、豬肉、蕃茄

由於就黎返N 班

小FAN 希望慢慢培養小霸王自己食野的習慣

你知架啦! 平時湊開佢的 6299

又點會放手俾佢自己食呢???

自己食野係就係慢D

最後只係用左40分鐘就KO晒

第一次... 算不錯了!!

要繼續努力呀!

食飽午餐

我地就去約會了!!

約會對象???

唉... 係校長呀!!

哈哈~

今日係 PN 班家長會

亦都係小FAN 第一次以家長身份參與

心情好興奮、好緊張、好開心....

(好期待將來有的親子活動呀!! ^0^)

對幼稚園了解多左，

心都放心左好多

當然要返左學先真係知道係點

但最起碼有左個Concept先

可以開始準備返學的所需品了

下個月頭先買鞋同短襪

應該唔太遲吧!!

PARTY 過後 ~

2014.07.13 (Sun) ~ Day 731

開 PARTY 係一件開心的事情

但係.... 事後要清潔呀...食物收尾呀...

真係.... 哈哈!!

大部分清潔已做好

只須要將所有氣球放氣姐!

普通的氣球我選擇叫公公"吉"爆佢

而鋁氣球呢? 因為太靚諗住留返下次開PARTY 再用

所以要一一放氣

呢個小朋友唔幫手仲係到攪攪陣

正所謂『攪攪陣，冇幫襯』

呢個 2 字梗係留返，因為真係好SHARP 好靚!

你睇下大到...

除左氣球

我地的早餐係...

剩餘的蛋糕 + CUPCAKE

為食貓話食朱古力喎

其他唔要!

幾識揀呀!!

仲有午餐呀... 都係剩食的食物

PARTY 過後 ~ 真係....

累到爆、食到爆....

哈哈!!