我好掛住娘家呀...

搬左去老公仔屋企已經係第六天了，但我依然唔係好習慣。

老公仔、老爺奶奶對我好好，冇乜野，只係我太想念我的娘家。

娘家 - 唔知點解我覺得用呢個字黎形容係好陌生咁，明明佢係我屋企，但偏偏唔可以用"我屋企"黎形容，每當我講親"我o係屋企都係咁"，老公仔就會答我" 你屋企?? 呢到咪係你屋企囉!!"，係啦... 我知呀... 我只係仲未習慣姐...

一個我只係住左六日的家又點會咁容易取代到一個我住左十幾年的家呢? (呢一點我諗老公仔佢係好唔明白...佢都冇同佢的家分開..)

我知道我係嫁左... 唔可以再倚賴daddy 同mummy，要長大!! 但係一下子要我唔倚賴.. 真係好辛苦呀!!

係咪想家都有錯呢?? 每晚睡覺的時候，眼淚都會不期然流下來，不由得我去控制的... 我唔知老公仔佢feel 唔feel 到，可能佢只係以為我仲係唔舒服... 喊累了.. 我就會瞓著... 我唔知咁樣會繼續維持多久... 不過... 暫時由它吧... 可能好快我會適應個新生活呢??

其實我有諗過開聲同老公仔講，可否讓我回家睡一下?? 但我知... 我一開聲佢一定會好嬲，因為佢覺得老婆要返娘家, 人地就會覺得係男家唔好... 有時我都諗... 如果佢肯, 我會唔會再一次唔捨得離開娘家... 所以我又點敢出聲呢??

呢種矛盾... 我何時才可以平衡到呢???

昨天，見到daddy 同mummy，真係好想抱住佢地，但我冇... 我唔想佢地知我好掛住佢地，唔想佢地擔心我... (我仲好記得我結婚o個晚... daddy 同mummy 喊到好犀利的畫面 )，辛苦我自己一個就好了!!

努力呀.. 大個女啦...