NEW HAIR CUT

尋日同二個好姊妹一齊去整頭髮，諗諗下好似未試過咁齊心架wor....哈哈

，我真係好鍾意o個種feeling，因為實在太熱鬧+ 好攪笑，你知架啦，平時自己去會好悶+ 呆坐幾粒鐘變左自閉妹，今次就唔同呢，大家有講有笑，時間好快過。之不過最攪笑係..... 發現好姊妹 sandy 個頭原來真係好大架(做左十幾年姊妹都唔知係咁大)，哈哈.... 好後悔冇影低佢焗油時個look呀... 唔緊要下次一定記得影(唔好怪我..sandy.... 咁真係好kawaii ma)。

好開心自己終於回復直頭髮啦!!! 今次仲係我第一次整負離子tim.... 感覺係好飄逸+好爽... 哈... 好似賣廣告咁.... 有d 誇張。冇計la... 年幾冇梳過頭wor... 真係勁開心架。唔係話我唔鍾意曲髮 (好多人都話我曲髪好d，我諗係整直左個頭好似仲細左咁... 哈哈)，只係我唔太鍾意固定左自己髮型，唔改變又點知邊個hair look 適合自己呢??? 係咪? 話唔定下次我又整番曲呢??? 呵呵... 我呢種『新屎坑』係三日香架啦!!!

唔知男朋友仔見到會點呢??? 其實我send 左張相俾佢睇，但係佢第一句講的係『哇... 你整直左呀... 好攪笑wor』... 你係咪小柄呀??? 咁同本小姐講... 佢知道我開始發老脾，就即係改口『睇唔清呀... 張相好模... 見到真人先知...』哈哈.... 算你啦!!