新城容祖兒唱遊大童好世界

尋晚因為好朋友b媽公司派左三張音樂會門票俾佢，所以我地一行三個女仔放工食飽就入場睇show。

哇... 估唔到 delifrance d set 而家咁q貴wor， $40 幾蚊得個唔多大的麵包+湯+飲品，勁唔抵食law。我諗可能係我太多年冇食掛， 轉變實在太大啦!!! 下次都係用o個40蚊去食d抵食 o既o野。哈哈....

講番個show，原定八點開場就 delay 到八點半先開， 都叫爆晒。

個台勁細，都唔知叫d 山頂朋友仔點睇。

第一次現場聽joey 唱歌，ok 啦 + 有點失望...最奇怪佢仲乜唔唱晒自己的歌而要唱其他歌手的歌呢??

講真... 佢唱其他歌手的歌真係唔太好咁law，再加上佢成晚冇換過衫，唉.. 攪到我聽到有點悶。 現場氣氛都好靜law。

第一個表演嘉賓 - vincy ，唱得唔錯，只可惜佢choose twins 的『星光遊樂園』黎唱，太唔o岩佢law。

第二個嘉賓 - ken，簡直聽唔到佢唱乜，唔係話佢講得差，係現場太多佢o既fans呀 (仲多過主角joey)，個個o係到大叫，你話.... 點聽到呀??

第三個嘉賓 - 吳浩康， 不過不失啦...

總括黎講，個show 真係唔太好睇law，令人好失望。 難道新城攪o既show 真係個個都係咁差...