再一次感動

尋日一早起身，哇... 大臂有點痛...唔係呀ma???

事緣係：(我同二位好姊妹星期六早上打badminton， 足足不停咁打左二個鐘，咁應該係手痛而唔係腳痛ka wor，痴線架!!! 但係諗諗下腳步活動能力好似比較多d 咁，哈哈.... 鬼叫我打到好似dancing 咁咩，呵呵.... 講真.. 我地三個都好似係第一次一齊打波，中學時上P.E.堂都冇同場玩過，所以感覺真係好搞笑呀!! 試幻想下三個白痴婆係到打波wor... 嘻嘻哈哈咁.... 動作有趣+奇怪.... 簡直係『笑爆嘴』呀!!! 我諗旁人會feel 我地傻左，哈哈...

)

但係媽咪不但唔體恤我腳痛，仲下令要我幫手做家務。救命呀!!! 冇情冇義的老媽子呀!!! 哈哈....

做晒家務後，我就同左媽咪出左沙田 (係忍住痛呀!!)，點解?? 咪因為『快樂尋回犬』戲票law... 原本係妹妹去睇，點知佢唔得閒wor，而媽咪話佢想睇 + 十幾年冇入過戲院，所以我咪同佢睇law。 唉.... 尋日行程可以話係全包呀... 食lunch (勁貴... 二個人食小小野就冇左百幾蚊... 真係冇咩事都唔好行新城市廣場呀... 全部食店都變晒貴野... 都唔知邊到先搵到平野食... 連store 都係轉晒賣貴野... 痴線..)、玩冒險樂園 (阿媽話要玩下... 鬼叫未睇得戲咩)、飲品 (cinema 買... 勁貴).... o.... free→non-free!!!

可能係第二次睇『快樂尋回犬』，今次就冇咁快喊!! 而我就聽到/見到前前後後的觀眾不斷索鼻+抺眼淚，哈哈.... 有人陪我啦!! 冇咁快喊唔代表唔喊wor.... 最終... 我都係『喊爆』左。 唉... 連我媽咪都眼濕濕呀(佢話佢係因戲中小妹妹而喊，而我當然係因狗狗小白啦!!)... 佢仲話出碟之後要我買俾佢睇多次，所以... 呢套戲真係唔差架!!