Happy WeekEnd

2012.04.21 (Sat)

今日放工後如常回娘家，
不過今日就好多野等住我去做，
唉....

冇計啦!!
姨甥女話想整cookie，
媽咪又話想食cheese cake，
我呢個大姨冇得say no la....
咪一齊買晒材料返屋企整囉!!

由4 點幾開始整...
整到成六, 七點幾...
幸好有阿哥幫下手咋....
唔係真係勁辛苦呀!!
(而家.. 真係開始唔辛苦得呀!! )

味道如何?? 我真係唔知...
我向來都負責整o個個，
我好少真係會食囉!! (我老公仔係最好的白老鼠... hehe...)

食飽飯...
又有第2個任務做....
就係幫媽咪手刨薑啦...

媽咪話... 呢d 薑只係煲俾我食架咋...
因為係靚+貴o既薑，
仲要係... 煲得唔多，
朋友仔想食... 就只可以食我99煲o個d 啦!!
(媽咪真好... 哈哈...)

由刨 -> 停乾水 -> 炒-> 煲...
媽咪都話晒俾我知，
我盡我所能記住啦...
(但真係好香呀!! )

由於，今個週末老公仔冇放假，
我就可以o係娘家瞓一晚，正!!
可以同媽咪/daddy 傾下計....
一樂也...
估唔到... 同未來阿嫂都可以傾計傾到2點先瞓呀!!
(女人永遠都會有好多共同話題)

***************************************************************

2012.04.22 (Sun)

今日o係娘家hea 到3點幾，
跟住同媽咪行左陣街到6點幾先坐車返屋企...

最開心俾我買到呢個purin...
真係搵左好耐呀!!

PS:
今日坐西鐵終於有人讓座俾我啦!!
仲要係個男人wor，原來仲有人係有同情心架!!
真係好感動呀!!

仲有... 收到另一個朋友仔 - c 小姐打俾我，
開口問我... 係咪有左??
哈哈...真係... 冇得守住秘密囉!!
唔知... 仲會有多少朋友... 一一打俾我呢??

HK Disneyland

2012.04.06 (Sat)

難得天公造美+ 老公仔放半日+ 免費飛 + 唔係中國假期，
咁就唔諗咁多，
約埋家姐一家去迪迪尼。

真係好似有年幾冇去迪迪尼，
以住年年都最少會去一次，
我諗...真係冇乜野玩 + 唔想同d 同胞迫。

如果唔係新加左『反斗奇兵大本營』的話，
都應該唔去住!!

第一次乜都冇得玩囉!!
勁無癮!!
不過見到老公仔同姨甥女玩得咁開心，
都值o既!!

我諗下次... 都係要年幾後先會再去，
希望到時多d 野玩吧!!

換季??

而家D天氣時凍時熱，真係令人討厭呀!!
D 薄冬天衫都仲勉強可以著住，
但有時同事都話...
『喂! 呢件衫就黎唔o岩你著啦!! 』 or
『呢件著到你好肥呀!!』

哇... 心中幾咁難受呀!!
其實我都唔係肥左好多姐...
仿且一向我都係著比較鬆身的衫，
點會... 咁快俾佢地睇到呀...

其實都幾矛盾...
我個肚... 暫時唔算特別大..
(媽咪、老公、好朋友佢地話細tim呀!!)
難道... 我的.. 虎背熊腰真係... 誇過我個肚咁點算好呀????

唔理得咁多啦...
唯有俾個藉口自己... 買衫
但又唔想洗咁多，
所以又係時候... taobao 啦!

我見市面平的大肚衫都係taobao貨，
但都要差不多200 一件，
買得2-3件就過500, 好金呀!!
(做左笨人一次梗係... 唔會再做la)
一向鍾意豹紋的我，
今次TAO左個細bag + 同款化妝袋
話係made in korea，
質地好OK... 2 個加埋都係~hk$250咋...

另外，tao 左4件衫+ 1 件legging，

都係HK$400 有找...
質地都唔差，抵呀!!

呢3 件就唔係TAO...
但都係平野，
加埋都係~HK$200

好開心...買到咁多平野
等我呢個孕期買得開心，
著得放心... 哈哈...

My Cooking Diary - 韓式料理

2012.03.25 (SUN)自從結左婚後，
我都好小機會下廚啦!!
原因... (老公仔就話係藉口)
多數係99 煮囉 +
佢唔多鍾意人地攪個廚房，
再加上...佢地鍾意食中餐多D，
而我向來唔多鍾意食飯...
所以....

老公仔成日都叫我煮野佢食，
你估我唔想咩，衰佬!!

尋晚，難得99 出外不在家，
我就可以獻醜一下，
今次揀左自己好想試好耐的
『韓式料理』

前菜 - 酸辣青瓜
主菜 - 雞柳炒年糕 (辣醬)
配菜 - 泡菜餃子
湯 - 豆腐魚蛋麵豉湯
甜品 - 士多啤梨
睇就好似好好味...
但每樣都唔係我預期囉!! 激氣..
青瓜 - 唔夠酸同辣...反而係甜... 失敗
年糕 - 太辣, 但老公仔就話OK...半失敗
餃子 - 買的，只係煎返熱...
麵豉湯 - 叫做最似樣，尚算合格!!
我諗..
我真係要好好練習一下，
下次再努力吧!!
(不過唔知幾時再有機會下廚囉!!)

1st Shopping for BB

2012.03.25 (Sun)
老公仔終於肯開始陪我買野俾BB 啦!!

我都唔知係早定遲，
不過相信比起其他媽咪，
我算係懶同慢D o個隻架啦!!
人地已經買晒好多野，
但我先由頭開始咋.... 條路好慢長咁...

原本諗住首要係買BB 床，
但係睇左耐都唔知買木床定係網床好，
諗唔通的我...
最後都係... 俾老公仔話諗清楚先買
(心諗... 佢決定唔得架咩...)
唉... 各有各好處... 點揀好呀???

買唔到BB 床就唯有買住D
有特價而我又一早決定好買邊個牌子的東西。
最後....
就買左CHUCHU 奶樽 X 8 個

TOMME 奶樽消毒器

大象牌暖水壺 及水煲

贈品

真係唔可以睇小，
買咁少都用左接近$2000，
好彩唔係我俾咋... 哈哈...
老公仔話大D 先同BB 計... 真係俾佢激死!!

21W1D

2012.03.19 (MON) - 21W1D

難得老公仔可以平日休息，,
所以就BOOK左尖咀 - 王培儀醫生照結構。

我上網見好多媽咪16W 已經照晒，
所以我都唔知自己遲唔遲架??
但沒關係啦....

約左1.30，我地1:15 就到，
做埋登記 -> 驗小便-> 驗血壓 -> 磅重，
再等多個幾字，話咁快就到我囉!!

王醫生好細心咁分析及講解每部位的情況，
由頭仔... 身體 ... 各器官... 手仔...腳仔....
到性別....
醫生告訴我BB 一切正常，
仲好肯定的告訴我BB 的性別... 哈哈...
仲話一定冇錯架啦!!
照完，放心晒!!

BB而家已經0.9LBS 啦..
好開心見到佢每天在長大，
終於慢慢開始感受到佢的存在。
亦非常期待佢的第一踢!!

之後，冇乜好去處，
我地就坐船去中環再轉巴士去左山頂，
諗住平日唔多人，
點知勁多同胞囉!!
攪到好迫...
你知佢地幾有"禮貌"架啦!!
影相唔會理人感受、唔排隊.... 數之不盡....

玩到5點幾坐返巴士去中環又坐船去尖咀搵野食，
因為我勁想食石鍋飯，
所以老公仔... 就同我去咗.. 金巴利道的"高麗軒"，
唔知係咪星期一的關係，冇乜人囉!!
(幾驚又去左黑店)
幸好... 都唔係太差姐... 哈哈...

放假一天，好似仲比返工辛苦呀!!