坐月

不知不覺就過左一星期啦!!
我的閉關生活亦由出院那天開始 (15/7)，
好耐都未試過咁有規律啦...

01-06:00: 視乎囡囡的飲奶粉時間起床餵奶
(都要睇埋乜都要做的99 會否搶埋黎做)
07-08:00: 起床... 刷牙洗面食早餐..
09-10:00: 食完又同囡囡一齊休息
10-11:00: Bun定奶俾囡囡
11-12:00: 幫手同囡囡沖涼+ 自己沖涼
12-13:00: 食午餐
13-14:00: Bun定奶俾囡囡
14-16:00: 休息, 睇下電視
16-17:00: Bun定奶俾囡囡
17-19:00: 休息, 睇下電視
19-20:00: 食晚餐
20-24:00: 休息, 睇下電視 (如果阿囡食奶粉)

因為媽咪同99 不停的湯水，
(有時簡直飲到你飽呀.. 打ma wor)
成功地令我可以餵人奶，
但怕供不應求同囡囡會痴身，
所以媽咪要我bun 出黎，
都好... 方便d 同冇咁辛苦，
唔夠奶，囡囡就會飲奶粉。

當然我都想囡囡健康d，
再辛苦都盡力bun...
只可惜... 唉...
一言難盡....
bun得咁辛苦...
有時... 唔係話囡囡浪費，
係.. 99 見佢喊兩句就餵佢，
大佬呀... 係... 時間到..
但囡囡都未肯醒就迫佢飲，
又點會飲得多呢?
餓多一陣... 唔得咩...
跟住一陣囡囡又唔夠飽又會嘈...
唉... 你估話bun 就有呀...
你bun 啦...

仲要忍受多久呀.....

懷孕的前後感受

識我的朋友一定知道我\從來都冇意思 / 唔多想生bb，
所以都唔知自己為乜要結婚架!!
拍一世拖唔係仲好咩??
之但係... 我知老公仔係好鍾意小朋友 (但唔鍾意照顧囉，只係玩 )

結左婚，老公仔一直都有問我幾時肯生，
我一定會答佢... "唔生唔得咩??"
佢就會反話我... "自私"
咁講真生仔真係唔係一件簡單的事，
唔係個人的事，唔係就咁生就可以...
我唔係自私... 唔係話俾藉口自己...

不過自從屋企的長老一個又一個咁離開，
我就發現生死真係好奇妙，
唔由得我地去控制，
如果他朝一日，我倆其中一個離開，咁餘下的.. 咪會好孤單囉!!
就係咁... 我就決定生bb

沒有刻意/ 強求要生龍b 的我，
估唔到... 咁快有左，
一知道有左，我的心情居然係好平靜wor，
沒有特別興奮高漲，
相反其他人比我更開心，
可能我所擔心的事將會... 一一浮現

有左之後，
發生左好多唔開心的事情，
如...
『親愛o既婆婆突然的離開』
『bb 出世後誰照顧』
『與老公仔/ 99/ 62 的不協調』
等等....

再加上...
懷孕真係好似考試咁，
每次的產檢就好似派成績咁...
幾多野係合格
是但一樣唔合格自己都會好唔開心，
希望下次可以追返或合格，
o個個壓力真係好大，
對於自己的不適/ 辛苦已經唔重要，
心中只但求bb 在肚中生長得好好/健康就可以!!

慶幸自己懷孕9個多月當中，
都沒有嚴重的不適，
嘔吐.. 作悶...沒有胃口 -- 我都沒有，
水腫... -- 輕微啦!!
體重... -- 頭尾都係重左9.5kg 咋!!
抽筋... -- 輕微啦!! (五次以下)

只係....
嚴重的腸胃痛、間中的肚瀉令我好辛苦，
因而令我要介食好多食物，
對我來講真係... 唔係問題囉!!
習慣晒..

到懷孕後期，
先開始緊張，怕bb 唔足月出世，
怕唔知有幾痛，
怕唔知係穿水/ 陣痛定係見紅...

不過真係唔到你諗咁多架!!
(但我心中都有同bb 講，我好笨架!! 不如見紅先，唔係我發現唔到)

我自己都估唔到自己可以撐得到 那10 級痛 ，
(幸好是5 hrs 咋... 唔係一定唔得)
o個種痛真係唔知用咩黎形容，
一種令人死去活來的痛，
簡直係"畢生難忘"

o個刻真係覺得媽咪真偉大，
痛完都可以再生...
而我... 痛一次就好啦!!

別人常跟我說: 唔好叫老公陪產
但我覺得呢個咁難忘的時刻有老公陪住同支持係好幸福的，
所以我冇刻意堅持，
但老公自己又願意 + 時間又match 到，
我都冇法... 係天意啦!!
(事後... 老公仔話... 唔驚!! 冇事我都放心d )

不過我都好多謝老公... 對我的鼓勵同支持，
雖然佢全程都係講" 加油呀!! 你得架!! 欠小小咋.. 努力呀!!"
不斷repeat & repeat，
o個刻覺得好煩架...
但之後諗返... 又唔係wor... ^ ^

整個懷孕過程，真係好感謝上天對我的好!!  

搶閘出世

2012.07.13 (Fri)

今日原定是請了假做例行產檢的日子，
但她卻破壞了我的...計劃。

02:30
如常去廁所返上床瞓，冇乜事..

02:45:
有種奇怪的感覺，就去廁所睇下，發現... 有血水，心諗唔係生得嘛?? ... 唔信.. 睇多陣先

05:30:
又去廁所, 仲係有血水，唉... 唔得啦!!
就返房同老公仔講
我: 好似生得呀!
老公仔: 入院啦咁，但我今日鋪頭要開門wor...
我: 咁我叫99陪我去，到時生得call 你啦!! 你記住聽電話呀!!
沖完涼洗埋頭就出發去TMH

05:55:
到達醫院，直上七樓，因為唔係 9-5，所以要去T7產房。
入到去做晒檢查先發現，我唔只見紅仲已經穿埋水，
吓... 一d 都冇"漏水"的feeling wor
由於子宮頸一度都未開，但又穿左水要留係產房。
入到去第一件事就當然係..."種豆"啦!!
因為產檢時驗到有B 型鏈球菌，所以必須打抗生素。
o個個唔知係咪新人的醫生，種豆種左3次先得，左右手都俾佢種過晒
唉... 為左阿b 冇計... 但求種到...

08:00:
醫生循房，話未開又唔識痛，要打催生針，咪打囉!!
阿姐俾埋杯粥水我飲，仲話飲晒佢呀.. 唔係就生完先有得飲同食架啦!!
哇... 咁我梗係飲晒啦!! (都唔知要等多久)

開頭都冇乜反應， 但漸漸地.... 支針開始黎料..

10:xx:
唔知咩時間，見有個姑娘行埋黎，

我: 有冇開度數?
姑娘: 冇呀.. 冇咁快...
我: 唔係ma... 一度都冇??
姑娘: 呢d 痛都未叫痛呀!!
我: 唔係5 mins 先痛一次架咩，點解我 1 min 痛一次架!!
姑娘: 係呀! 因為你要痛多d !
我: 吓... 唔啦.. 咁我要打"無痛"
姑娘: 我試下安排下

過左一陣間，
姑娘: 醫生做緊手術，我地亦有通知麻醉師，但未知佢地幾時可以，你要等下。
我: ok, 我等.. 但仲有冇其他可以止住痛呀!!
姑娘叫我聞氣，唉... 聞囉!! 唔係點好...

估唔到... 聞氣對我黎講係有效wor
聞到 high high 地都唔知過左幾耐.....

12:00:
wing wing 地的我又問姑娘

我: 點呀..開左幾多呀
姑娘: 3 度到啦...唔係wor... bb 頭仔好低，要入產房

入到產房，姑娘話 99 o係外面問我咩狀況叫我打俾佢，
大佬... 鬼記得 99 電話咩，仿且咁痛...
咪打俾老公仔叫佢同99 講囉.. 話未得呀

12:25:
我: 姑娘呀.. 生得未，我洗唔洗打俾我老公呀!!
姑娘: 你打定叫佢stand by啦!!

我咪急call 老公仔，佢話5 mins 內到。

一收線...
姑娘: 你生得啦... 等唔等你老公呀
我: 下... 唔等啦.. 等得到咪等囉!!
姑娘: 咁你一痛就用力生啦!!

12:35:
老公仔終於到左...
見到佢真係好開心，勁想喊
痛到死的我...
o係姑娘、醫生、老公仔的鼓勵、責罵同支持下，
用晒我全身的力氣... 生...

13:00
BB 終於出世啦!!
重2.36kg，是細碼B
恭喜晒....

父親節快樂

今日係父親節，
祝天下的父親大人，父親節快樂!!
(當然包括我的老公仔... 準daddy...)

不知為何總是覺得父親節比母親節冇咁重要呢??
可能我的DADDY 向來都唔會特別記住呢d 節日，
但作為女兒的我們又點可以唔記得呀!!

但今年... 我地就提前上星期已經同DADDY 慶祝左，
因為今年佢的寶貝仔(即我哥哥)同未來阿嫂邀請佢返去廣州慶祝，
唉... 我地又點會唔讓下呢??

所以今日都冇打算出街，
好彩起身可以有... 媽咪的愛心糉食下，
估唔到大住肚都可以食... YEAH
講真... 我真係唔會食其他糉，
你話我揀食都係咁話，
其他糉真係食唔落口囉!!
我諗係... 隻糉有mum的愛卦...
i love it!!

個天都奇怪，
人地唔出街就好好天，
出街就... 下大雨
(係明玩野囉!!)

90後??

今日產檢請左日假，
檢查完就去左元朗行下。

午餐選擇食譚仔三哥，
坐o係我旁邊係2男1女，
當然其中一對係情侶啦!!
我估佢地細過18囉.. (分分鐘細過16呀!!)

唉...
我見個女仔.. 冇腰骨咁..
全程係"埃"住佢所謂的男友，
男友問佢食乜... 都問左好q 耐...
後來...只有2個男仔叫了2 碗米線，
ok la 咁...

then 個男友出左去買左盒"高鈣低b"奶俾個女友，
(頂... 中午... 飲奶?? 我真係唔係好明law)

算啦...
到食野... 我真係睇到火都黎，
個男友... 好似阿媽照顧bb 咁，
一啖一啖鍡女友食...
唔係ma...
我頂... 我真係接受唔到囉!!

跟住，個女仔話好眼瞓，想瞓覺...
個男友就話.. 好呀.. 一齊瞓..

係我老.. 唔識野定係... 90後係咁架??
真係咁open?? 咁港女??

我o個刻係到諗...
如果佢係我個仔... 我真係打死佢仲好...
好過激死自己呀...

赤柱半天遊

2012.06.10 (SUN)

星期日，難得老公仔放假，
本身只係諗住出去元朗閒逛，
但老公仔就提議去赤柱，
唉... 佢想去，我又點會拒絕佢呢??

對於懷住八個月身孕的我，
咁熱天時去街真係有點兒辛苦，
幸好... 坐巴士都好快到，
唔算好遠...
咪當散下步影下相囉!!
(因為下個月就唔會再去咁遠架啦!!)

假日的赤柱真係好多人，
仲有人影婚紗相tim，
順住海旁行，好彩風大咋...
唔係實熱爆...

行左個幾鐘食埋野，
就出返尖咀行下海港城，
勁多自由行... 唉...
都係... 回家好...
點解香港咁多自由行架......??
俾個舒服d 的shopping area 我地得唔得呀???