吵架

2012.03.13 (Tue)

今夜，同老公仔吵了一場大架，
冇諗過小小的事會吵得如此利害。
可能今次不只是兩個人，
而係有埋99 + 我媽媽....

我亦首次認真地說出一句
『咁我返大埔(娘家)住囉!』

十年來，吵過小架無數次，
但今次最嚴重，亦最傷害。
可能彼此真係忍得好辛苦，
一下子爆晒出黎。

我承認 ...
我心情真係唔多好，
我說話語氣好似重左，
我性格係固執兼硬頸。

但係...
一句話重複講左二次,
佢都係唔信 又多意見時，
第三次我已經選擇放棄... 是但，
點解仲要講呢??
教我如何去忍受....

我唔係小朋友呀... 99
我識分析.. 識自己照顧自己，
肚餓識煮野食、凍會識著衫....

自少，媽咪出外工作，
衣食住行都要自己理，
已經習慣左2x 年。

而家... 有人照顧你，唔好咩，
唔係唔好，係唔想同唔鍾意，
獨立 -> 依賴，唔得囉!!
你當我犯賤可以嗎?? 99

我信我阿媽的話，
係因為佢除左係我至愛之外，
佢.. 真係知晒我d 飲食習慣，
知我食乜會好d，食乜會唔好，
但點解係要唔信呢?? 99
係咪要我當住你面前
肚子痛... 胃痛.. 肚瀉...
你先相信呢??

我可以點做呀??

一個不愉快的記憶

2012.03.11 (Sun)

今日係農曆二月十九觀音誕的大日子，
因為唔係次次都撞正係放假，
難得今日老公仔同我都不用上班，
梗係要跟媽咪去拜神食下齋啦!!

不過天氣就唔係咁好，
又凍又落雨... 真係勁討厭呀!!

你知架啦..
一落雨老公仔就勁炆，
再加上我又是個大東瓜，
所以... 事事都要特別小心，
唔係一定俾人鬧爆!!

拜完神食完齋已經差不多二點幾，
大家就各自散band。

點知... 出路口等車時，
唔知點解等左好耐都冇車，
姑丈提議行出去元朗，
我呢個大東瓜又點肯呢....
我話我寧願等車囉!!

唉... 就係咁... 不幸的事就發生左，
一隻年老的唐狗，可能不記得怎樣回家，
不斷地在馬路上走來走去找回家的路，
每當有車子行過，
我地都已經盡力叫牠回來，
點知... 我諗呢d 叫做命運吧!!

一輛行得好快的小巴，
唔殺制之下，撞向牠不得至，
仲look 過牠身軀，
牠發出陣陣哀鳴，起身咬了一位小姐的小腿一下，
就死了.....

當時的我，有預感小巴會不停車，
所以牠未出事時，我已背向著，
但撞擊的聲音，一一傳到我耳內，
我立刻好激動地喊起來，
手、腳、身體不自主地震動著，
我真係好難過，好傷心。
怎可以這麼殘忍呢??
難道... 牠就沒有生存的資格??

我都不知哭了多久，
只知老公仔緊緊的抱著我。

當時大家趕快找車送我離開現場，
幸好，剛剛有的士... 我可以立刻離開。

離開後，心情亦平復下來。
沒想到會發生咁o既事，
而老公仔亦報警及協助那個不幸的小姐，
送往醫院打針，我相信她亦嚇壞了。

事後，我也在想，件事是誰錯??
每個人都有佢的不同答案，
而固執的人... 當然是... 小巴司機啦!!

你問我而家仲驚唔驚??
我會答你... 驚架!! 有陰影架!!
但為了不讓大家擔心，
我只好扮作冇事，
不過我相信時間可以令我.. 淡忘的!!

有冇咁靈呀??

成日都發夢o既我 (唔係白日夢),
真係唔多信會成真,
因為d 夢多數係勁無聊的,
有時醒左都未必記得呀!! 咁多...
一晚幾個都試過

點知...
今朝差不多天光發左個無聊夢,
夢中我係等緊車返工,
點知同行的阿哥及妹妹話我知,
d bus 壞晒, 有排都冇車wor
但唔知點解我地都係繼續o係站到等,
(真係勁白痴)
我記得係等左個幾鐘都仲等緊,
阿妹就不斷話我... 最衰係我...
衰乜就唔係好記得

咁就醒左...

噢... 真係唔知醒... 大獲!
瞓過龍... 今日仲要開例會,
即刻起身換衫啦...
幸好... 趕得切...

雖然就算係遲到, 老闆都唔會話,
但我向來唔鍾意遲到的,
所以... 都係... 唔好啦!!

唉... 可唔可以小發d 咁o既白痴夢呀!!
攪到今日精神唔多好,
好眼瞓呀!!

太久冇見了...

睇返自己個blog ,
先發現對上一次更新又係三月,
係一年前的三月,
真係好奇怪!!

難道... .每年呢個時候我先想寫野,
唔係嘛!!
我相信係我個人比較懶,
所以先係咁姐。

不過為左以後唔想唔記得發生左咩事,
我決心要寫返blog,
打字姐... 好過用手寫嘛!!
係... 我知道用FB 係方便好多,
但FB 太開放, 冇秘密呀...
亦都不能將我心中所想表達晒出黎,
我唔想後悔呀!!

因為上年其實都發生左好多開心同唔開心的事,
但就係因為我懶, 冇寫低... 而家..
開始擔心好快會忘記,
年紀大... 記性真係差好遠

很久不見....

好耐冇UPDATE BLOG LA... 一年了，時間真係過得好快.....
呢一年其實真係發生左好多事，當然唔開心比較多，多到令我自己都不想記住，但世事往往都係咁，你越想唔記得偏偏要你刻骨銘心，點解呢????
近排我的心情更加低落，提不起勁上班... 是公司的錯嗎??? 還是我放不低呢?? 我點解要咁著緊呢?? 不是... 應該係我怕... 我好矛盾、好徬徨... 四個月後我將會如何呢??? 一想就令我好煩... 勁煩.... 好忟... 勁忟，我應該如何是好呢???
希望係咪真係在明天呢???
我仲乜會咁多問題架..... 唉!!

2010 ~ 3 月產品

又敗家tim.... ^^

Spring ~ 10年春号

今朝行過7-eleven 見到呢本雜誌... 嘻嘻.. 送crystall ball 手挽袋,，又係黑色... o岩晒心水，又點可以唔買呀...
點知.... 冇睇topic... 唉... 冇fashion 只有hair style... o..

好過冇la... 仿且我都想剪頭髮... 睇下咩hair style 都好...
放工... 去welcome eps攞錢，哇.. promote strawberry product，一都係strawberry fans 的，當然買返d la... 哈哈...但係... 只可以買最平o個d... 貴o個d 梗係留返俾老公仔啦!!