2009年3月3日 星期二

GRACE'S WEDDING

尋日係好朋友兼師父GRACE 的結婚大日子,我徒弟的身份就暫時放下先,因為我要當『姊妹』囉!!
一早六點鐘洗完頭就換衫出門,本來約咗CAMMIE 七點尖咀港鐵出口等,但我郤遲咗三個字TIM... SO SORRY!! 我地去埋MC CAFE 買早餐 (幫新娘+姊妹買)就上酒店,點知不知不覺去到已經遲唔多八點 (新娘下令要我7.15AM 到... 再一次SO SORRY!!) 幸好我地都係最早到!! YEAH
↑出門同拜酒都係『ROYAL PACIFIC HOTEL』

↑ 我選擇咗叫化妝師化妝+SET 頭!! (唔係真係唔見得人LAW) 本來諗住換上白色的連身裙,但係其他姊妹話呢套仲好... 而新娘就批准,所以就可以唔洗咁麻煩!! YEAH !!
間酒店房面對海景真係唔錯架!!


 姊妹手花 (可惜係鮮花... 冇得留念!!)



↑個假結婚CAKE 好靚... 唔知到時我O個個又會係點呢??


↑人地話新娘永遠都係最靚,..... 真係冇錯.. (我都好鍾意PURPLE... )
雖然話就話係GRACE'S WEDDING,但亦都係舊同事敍舊的時候,我真係好掛住DAH SING LIFE 的舊同事,話晒係我第一班舊同事+共事最多年(暫時),都有二年冇見大家啦!! 難得見到佢地真係好開心!!

↑咁多同事之中,我最MISS 就係SINDIA... 因為佢真係好錫我地D 小妹妹小弟弟!! 遠遠見到佢,我就跑過去擁抱佢呀!!


↑羅生同梁生都係好好的上司!! 



↑ UNDERWRITING TEAM 的小花小草... 小咗小WYSE 有點可惜!! (小WYSE 呀... 下次一定要有你呀!!!) 好懷念呀!!


↑ 人人都只得一份... 我三份... (因為有人冇攞... 我梗係唔會浪費啦!!) 哈哈
好多人都估唔到我會做GRACE 的姊妹,我都唔知點解... 哈哈...
不過真係好開心能夠見証到GRACE的大日子,因為等咗好耐LAW,我仲記得我O係DAH SING 時同事派親利是俾我時,一定問我幾時結婚,我就會答:『GRACE結完我咪結囉!!!』估唔到真係成事WOR... 哈哈!!
在此衷心祝福麥生麥太百年好合、永結同心,快D生番個BB!!

2009年2月27日 星期五

New Baby Boy Born

今日遠在英國的小表弟 - 子敬 終於出世啦!!! (等到頸都長呀!!) 不過呢個小表弟好似有點兒頑皮,點解咁講?? 哈... 佢要佢媽咪足足痛咗48小時 + 開刀先肯出世wor,你地話... 係咪頑皮呢??

48小時的痛楚真係唔係普通人可以忍受得到,我諗真係只係媽咪先可以忍受,ODY姑姐佢用『十幾個碎咗O既玻璃樽一齊"拮"你重要部位』黎形容呢個痛楚,可想以知真係.... 好好好..痛囉!! (話... 好驚WOR... 你叫我點敢生呀???) 不過姑姐話見到小表弟就已經忘記晒痛楚囉!! (呢D 就叫做『有仔萬事足』)
估唔到相隔五個月後,劉家又多個BB 出世,大家近期O既話題一定離不開呢二個BABY 架啦!!
希望唔洗等太耐就可以見到小表弟啦!!

2009年2月26日 星期四

Happy Birthday to My Team Leader - Teresa

今日係TEAM LEADER - TERESA 的XX 歲生日,雖然大家只係相識咗半年,但感情真係唔错架!!
Happy Birthday Teresa!! Wish you 永遠都開開心心!!


2009年2月24日 星期二

又試妝


經過上次的bad memory,今次試妝都懷住小小唔太開心+緊張的心情去試,好彩有媽咪、家姐阿妹佢地一齊陪我+給我意見,唔係我真係唔知點算。

今次mua christy 係髪型師billy 介紹,價錢都合理,而媽咪佢地都話幾好,所以就join 咗,叫做解決咗呢個痛苦啦!!!
PS: 真係多謝晒朋友的介紹!! THANKS

2009年2月14日 星期六

婚前最後一個情人節

今日係我地婚前最後一個情人節,但係我地冇選擇兩個人浪漫地渡過,反而係一家人一齊過。點解會咁?? 哈哈...
因為好難得男朋友仔放假而又齊人,所以我地就去咗元朗鴻運租褂啦... 都揀咗好耐,最後都係由媽咪去決定揀咩款 (要佢滿意先得!!),仲有訂埋d過大禮+上頭用品,咁就洗咗三千幾蚊啦!! (錢真係好易洗!!)
跟住我地去咗上水廣場行咗陣街,仲破例食咗杯雪糕tim... 士多啤梨味好好味!!


晚餐... 我地就去咗富山食日本野,唔... 等咗一個鐘,食又食咗一個鐘,實在太多人呀!! 真係估唔到六個人要等咁耐 (二/四個就勁快... 痴線!!),好彩男朋友仔冇發我脾氣咋!! (thanks!!)

↑ 真係好開心可以食刺身... yeah..
雖然今年冇花收、冇禮物收,但係冇所謂啦... 出年先剧佢一筆!! 哈哈

2009年2月6日 星期五

衷心祝福你 ~ gigi

聲帶在黎姿所唱「你是明日意義」歌曲襯託下,GiGi說:「好開心說話比大家聽,我已經結咗婚,我非常感恩,終於搵到一個好錫我,可以付託終身的人。他有責任感,有愛心,事事包容,在他身上我學到以前從不認識的人生哲理,也感受到前所沒有的溫馨,我與他一起走我們未來的道路。他除了愛我,還愛我的家人,過去光輝燦爛五光十色的影視旅途,原來也不及現在簡簡單單的家庭生活來得充實滿足,更沒有任何東西比得上家人親情來得重要。」






見到你咁燦爛的笑容,就可以知道而家的你有幾幸福。
衷心祝福你們白頭偕老、永結同心、永遠都開開心心!!!

2009年2月5日 星期四

UnBelievable

真係唔敢相信自己的預感會成真,究竟係咪我黑仔呢?? 本來開開心心咁攪結婚O既野,但係點知...

今日LUNCH無聊CLICK 入WEDDING. ESDLIFE 睇下,先俾我發現我JOIN O個間MUA公司CLOSE咗(會申請清盤),唔係呀?? 12月先去過一次咋WOR... 新年前就CLOSE 左... 有冇咁黑仔呀??? 錢俾晒.. 但可能攞唔番... 又要再搵MUA... 簡直係『心情跌入谷底』, 勁down O個隻,唉.... 如果當時唔係o係公司的話,我諗我會喊到變豬頭,我都唔知自己係為咗錢定係條氣唔順而喊,但真係好唔開心,好buddy 都有叫我唔好唔開心。
講真..真係曾經有一刻想GIVE UP 唔玩,但..... 我.. 冇咁做.. 可能係因為男朋友仔的體諒掛.. (就係佢越唔話我,我就越覺得自己冇用...) ,雖然錢冇左係可以搵過,但我真係好手緊架ma... 唉....
不過真係好多謝你... 彤彤媽咪.. ,,同你傾完計好咗好多,thank!!
大家放心... 我仍然係樂觀o既我... 哈哈
估唔到我都會成為金融海嘨中的一個受害者!!!