K3 班 ~ 秋季親子旅行

開學不久.... 秋季親子旅行又到

今年係幼稚園學習生涯中最後一個親子旅行啦! (希望小學都有啦)

對媽咪黎講真係有D唔捨得，所以.... 強烈要求爸爸一定要出現

(同左佢講，唔去將會係佢損失，哈哈!!!)

日期: 11月8日

地點: 大棠有機生態園

時間: 09:30 - 15:30

今次旅行地點實在太近我地啦!! 

唔係第一次黎，但已經好耐冇黎

地方大左好多

到達目的地，先係影張大合照，跟住一齊玩埋親子遊戲後就可以自由活動

熱愛動物的小霸王公主......

自由活動第一件事就一定要去餵小動物

豬呀~ 兔仔呀~ 山羊呀~ 錦鋰呀~ 

一個都不能小......

餵飽晒D 小動物，佢就餵飽自己個肚仔

食飽飽，我地又係周圍玩

撈金魚係必玩的~ 吹波波呀~ 草地自由跑來跑去呀~

玩到馬房休息完，終於可以去騎馬馬

哇，第一次騎大馬，佢居然好淡定 (我比佢緊張囉)

跟住就..... 去餵馬馬! 

本身我諗住佢一定係睇我餵，點知..... 佢太膽到餵完再餵

真係要個"叻"佢!! 

餵完馬馬後，話咁快就已經到左集合回程時間啦!

開開心心地回家囉!!

今次深深明白有爸B一齊去的親子旅行

真係好好多，輕鬆好多

多個人陪佢餵動物，陪佢周圍跑，陪佢玩

相對上我真係可以休息下，哈哈!

(我決定以後再有乜親子活動一定叫定爸爸參加)

回顧: 

K1 班 ~ 秋季親子旅行

K2 班 ~ 秋季親子旅行

身心疲累♥困惑♥ 的十月

開左學已經兩個月了，估唔到黎到 K3都會發生好似 K1的黑暗日子

我指的黑暗日子係....... 

『小霸王公主居然扭計+喊爆唔肯返學足足一星期』

K1就話唔習慣，K3呢? 叫乜呀??

最好笑..... 就係.... 十月頭先黎喊?? 咩事呀?  

我自己有仔細地諗過，當然都有問下班主任

有咩野係改變左?

♥ 十月頭紅假連住上，變相我陪多左佢，所以唔想分開? ♥

♥ 嫲嫲幫表妹湊左阿B女，令佢感覺失寵? 唔習慣 ? ♥

♥ K3 分離症?  小一恐懼症? 佢知道自己就黎要上小學 ♥

三個原因都有可能，但係..... 應該似係 K3分離症+小一恐懼症

因九月尾揀學校，又有小一面試等.....

所以.... 

為左佢情緒唔好再咁大上落，暫時我地都唔會係佢面前提小學

.............................................

........... 唉 ........

好彩呢個黑暗的日子只維持左兩個星期左右就結束

暫時佢已經回復返正常，希望唔好X 100 再發生!!

雖然十月大部分時間都係激到你炆的日子，

但儘有小小開心的回憶! 

♥ 角色扮演 @ 童夢城 ♥

唉.... 正正係黑暗日子中，唔鍾意的佢完全唔肯扮/玩

好彩最後佢肯乖乖地扮下護士湊下BB同整下杯面

唔係.... 真係激四我架啦!! 

♥ 第一個JAZZ比賽 @ 德藝雙馨 ♥

 好喜歡見到佢自信滿滿的樣子，亦都好鍾意佢得獎時興奮的舉動

雖然只係得到優異獎，大家口中的第四名

但係佢係全隊中表現得最開心最滿足的一個

排名/ 得獎與否，唔係最重要架! 

開心地享受比賽不是更好嗎??

♥ 晚宴 @ 流浮山 ♥

圍村叫做"食汕頭"的晚宴，每年都會出席

順便帶小霸王睇下日落影下相

隨住10月的過去，放榜的日子開始倒數啦!!

(只能在我心中倒數)

Little M 親子教室 ※ 阿茂整薄餅 ※

前排見人整，我地又偷下獅學人整下先

當然簡單野先偷到啦!~

餃子皮薄餅

材料: 

餃子皮、粟米粒、腸仔粒、蛽肉、牛油 (用茄汁會更好)

做法: 

1. 預熱電熱盤後，掃上薄薄的牛油

2. 中火，放上餃子皮，皮面掃上牛油及喜愛的材料在皮上

3. 蓋上直接餃子皮熟晒及金黃色就可以。

用電熱盤整的好處就係唔會咁易燶，唔怕小朋友食得多會熱氣

再加上小朋友可以親手整

簡簡單單的薄餅  當下午茶真不錯!!

大家不妨試下吧!!

Little M 親子教室 ※ 阿茂整鬆餅 ※

 FB 見D Group 友玩得咁開心，我地又玩下先

用多功能電熱盤整野食又真係幾唔錯

小朋友可以親身試整，都安全!

下午茶如果諗唔到食乜.... 水果 Pancake 就剛剛好啦!!

Pancake

材料: 

水果 (隨意)、Pancake 粉 (購自360)、牛油、水 (或奶)、蛋

(份量盒背有列明)

做法: 

1. 水果切粒/片待用。

2.  將所有材料續一加入器具，拌勻成麵糊。

3. 預熱電熱盤後，掃上薄薄的油，加入班戟漿，煎到兩面到金黃色就可以。

4. 用水果裝飾下就食得啦!! ~ (唔記得買糖霜，相信賣相會更吸引)

小朋友有得食又有得玩，最開心!!

仲可以令小霸王公主食多D水果，真好

K3 班 ~ ♥ 開學了♥

時間飛快，話咁快就黎到..... 

幼稚園學習生涯最後的一年啦!~ 要當上K3的大姐姐了

(我比小霸王公主更早唔捨得，點算好???)

黎到 K3 開學日

當然都唔小得媽咪牌『100分的早餐』吧!!

希望小霸王公主呢一年都繼續乖乖學習，享受幼稚園的生活

K3.... 要準備的... 只有白鞋同白短襪!

真係輕鬆呀!~

告別暑假，媽咪又要做返"人肉小鬧鐘" + "私人髮型師"啦!

當然我都好樂意同享受，但真係要學下點整多D 款髮型先

咁先可以一星期內唔重覆，哈哈~ 

K3 Fighting!! Fighting!!

K2 班 ~ ♥ 暑假完結了♥

長達接近兩個月的暑假又完結啦!!~

又要收拾心情繼續上學，

而媽媽們亦都要開始準備下.... 玩升小遊戲!! (唔玩得唔得呀?)

唉!! 未玩之前回顧下呢個 K2暑假

玩過D 乜?? 做過D乜? 

其實都冇乜點玩，因為大多時間我都係要返工

所以只有六日係可出外走走!

♥ 踏單車@ 大埔海濱公園 ♥ 

似足媽咪運動白痴的小霸王公主
踏單車..... 叫做可以吧!~ 但踏一陣就..... 放棄囉!
呢方面真係要Train train!

♥ 行街街@ YOHO MALL ♥ 

陪媽咪影布甸狗，點知.... 係佢仲影得多過我囉!!

♥ 芯芯生日會@ 瓏門會所 ♥ 

有得食、又有得玩下水的生日會

又真係唔錯!! 如果下午應該會仲好D

♥ 打邊邊@ 大埔超級城 ♥ 

小表姨同小舅父又返黎啦! 

大家聚一聚，多樂趣!! 

仲為我預祝埋生日!! SWEET!

♥ 帕卡後的玩水水 ♥ 

多得8號風球帕卡，令我地原定的聚會取消/延遲

只剩下..... 穿雨水玩水水... 哈哈!!

除左上面的節目，我地都有其他活動

小霸王生日 ♥ 去迪迪尼

爸B媽咪生日 ♥ 去海洋公園

台中四日之旅

Petite Princess ♥2017 Annual Performance♥

K2的暑假對小霸王公主都來得精彩吧!! ^_^

Petite Princess ♥2017 Annual Performance♥

Petite Princess 每年暑假時間都會舉行大匯演

好讓學員多一個大型的演出經驗

雖然學左接近三年，但我一直都冇俾小霸王公主參與

一來之前年紀小，怕佢唔適應，二來同學仔唔玩，就冇玩

  

隨住小霸王公主今年升班，為左佢可以大膽D

今年就俾佢嘗試參與一下

由六月到八月，每星期二堂/三堂

小朋友要密集式排練，仲要有埋綵排, 總綵排.....

基本上，暑假的六日時間大部分用晒黎排練/綵排

幸好小霸王公主好開心地一一適應過來

原來同一大班小朋友一齊跳舞  對佢黎講係好開心的

兩個半月的排練後，話咁快就到八月中，正式舉行大匯演!!!

地點: 浸會大會堂

不過~ 越唔想發生的事，往往都會發生，就係.....

大匯演的前兩天，小霸王公主突然發燒，幸好只係微燒+冇其他唔舒服

睇左醫生+食藥後，發燒左兩天，

到大匯演當日，幸好燒已退，但體溫仍然比平時高

我都好矛盾應否俾佢表演，小霸王公主自己就堅決要參與，

見佢精神唔錯，就... 聽佢講一次吧!!~

最後，演出大成功!! YEAH!

病住都能夠投入地表演，媽咪我真係好感動+佩服!!

原來小朋友經過磨鍊後，真係會成長得更快! 更好的!

所以.... 下年有機會都會繼續俾佢參與

Good Show!!

2017 ♥ 我們●生日@Ocean Park ♥

唔~ 又一年

每年呢個時候真係唔係好想提醒自己 "你又老一年了" 

但冇計，時間就係唔等你，老一年又如何? 哈哈

Thanks My Sweet Heart  

(長氣地再提提你，要記住我的生日呀!)

一年一度的 Ocean Park 又黎，好彩呢日唔係得個熱字

間中都有下大雨令溫度都冇咁高，舒服好多

再加上.... 呢日居然係.... 冇乜人! 仲好玩好多!

一入場第一件事，就先去左玩夏水禮

因為呢個時間會係最少人，亦都係最乾淨

小霸王公主係可以一個獨霸泡泡池玩都夠，哈哈~ 

不過今年大個左反而仲細膽左，要Warm up 半個鐘之外，

玩一次就夠，冇再 encore? (真奇怪!)

玩完水，我地就去左兒童王國

完全冇人的旋轉木馬，負責的哥哥居然讓我地玩足五分鐘，

玩到.... 係我地要求夠啦~ 停啦! (哈哈~)

跟住小霸王公主仲勇敢地挑戰"兒童版跳樓機"，玩左兩次! 犀利! 

接近中午，我地就坐海洋列車過山上o個邊

見未到時間，就睇埋企鵝、海豹、雪狐

今次午餐都係揀返冰極餐廳 (早早BOOK定位)

可以好近距離睇住企鵝食野 (但係要注意係.... 勁凍，要帶定外套)

食過OP的多間餐廳，個人都係比較鍾意呢間

食物味道同服務唔錯，價錢合理

原價7XX, 生日有八折，就 $5XX

食飽飽，又繼續睇同玩

中華鱘館、熱帶雨林探險徑、北極之旅、海洋劇場、水母萬花筒、尋鯊探秘 ....

呢日只係玩到六點幾左右，我地就離開啦!!

多得港鐵，我地唔洗再迫城巴，不論去程/回程都只係一個鐘左右

真係好方便+車費仲要係平好多，正!!

明年再見吧!! Ocean Park!! 

回顧:
2016 ♥ 我們●生日@Ocean Park ♥
2015 ♥ 我們●生日@Ocean Park ♥
2014 ♥ 我們●生日@Ocean Park ♥
2013 ♥ 我們●生日
2012 ♥ 我們●生日

Little M 親子教室 ※ 阿茂整爆谷 ※

睇返自己紀錄先發現   有半年冇同小霸王公主整下野食啦!~

今次都係佢多次提醒下先記得  媽咪真係要開始對佢更加用心先得

今次整乜??  係小霸王公主係學校學左的.... 整爆谷

既然佢學左，所以今次就全權交晒俾佢整

由佢教返我地!!

材料:

爆谷玉米粒、牛油、鹽、蜜糖

做法: 

1. 放入牛油

2. 待牛油完全溶晒後，加入粟米粒，拌勻

3. 然後蓋上鑊蓋，用中火加熱，慢慢會聽到爆谷的爆跳聲

4. 當聽到爆跳聲停止後，離火。待會兒才打開鑊蓋

5. 做好的爆谷，可先灑點鹽 / 加入蜜糖 拌勻

就係咁簡單架咋! ~ 小朋友都可以親手自己做

你地都快D 試下啦!~

入學/面試相 @ Legendary

話咁快，下星期1/9開學日，我家小霸王就K3啦!~

雖然話就話仲有一年時間，但我已經有小小唔捨得

大得真係太快了，我的Baby Girl去左邊呀? (嗚嗚~ >...<)

由於本身幼稚園有幫佢影開學生相，所以一直我都冇刻意出外影的打算

直至朋友介紹下+價錢抵，就預約影下

$200 

包三個造型 +所有數碼檔+25張1.5x2"相

未影已經覺得抵，影完後覺得勁抵囉

先比較下價錢: 

快x美:  $75/6張

其他: $300-$500不等，仲要包1個造型

Legendary: $200 包三個造型

你話係咪抵啦?

時間: 

快x美: 5-10分鐘

其他: 1小時內

Legendary:  2小時呀!~ 

再講埋質素:

其他: 出面質素好與壞就真係一半半

Legendary: 我個人好滿意，因攝影師叔叔好用心+有耐性地拍攝

其實小霸王公主對鏡頭係好..... 敏感

佢會刻意唔望/ 避開鏡頭，所以係唔容易影的小朋友

但攝影師叔叔都能夠 KO 到佢，我真係好開心!! 哈哈~ 

以下係我個人好鍾意的攪笑及自然相片

(仲有好多張我都好滿意)

而呢三張就係攝影師叔叔的正式作品

你話係咪用黎面試?? 我答你: 有用當然會啦，咁靚，但我唔希望要用到囉!! (哈哈)

不過就算唔係面試，我覺得留一個回憶俾自己都唔錯

一個成長的印證  

K3係小朋友一個轉換點

Baby Girl 變成小女孩

有興趣就快D BOOK 黎影，因我知好多媽媽Group 已經搶住BOOK

完全唔係Hard sell 你，係真心分享!! 

Legendary Production: https://www.facebook.com/LegendaryPho/?fref=ts

她♥愛上了"森林家族"♥

早前提過為左獎勵小霸王公主K2的努力，就送上佢人生第一個森林家族玩具

點知.... 原來開左個頭真係冇得返轉頭的，只會.... 想擁有更多

其實唔只係小霸王公主鍾意，小FAN 我自己都好鍾意

因為森林家族D公仔、屋仔真係好得意

想買森林家族.....香港真係好貴，要等佢地做PRO 先會諗

但係... 日本呢... 就真係.... 平好多呀!~

以下呢張"魔鬼相片"係姨媽媽七月中去名古屋時影俾我架

仲要五日影足四日咁多，係處處都能見到

30% OFF ~ 30% OFF~  30% OFF~ 30% OFF ~

救命呀~ 你話.... 點可以唔心動呢????  ♥ ♥ ♥ 

姨媽媽講明屋仔就真係.... 無能為力啦! 細件的就可以!

所以我就入手公仔啦!!

登~登~登~登~

芝娃娃家族 (HK$260)

玩具貴婦狗家族 (HK$260)

攜帶小盒系列﹣BB與滑梯 (HK$65)

攜帶小盒系列﹣BB與蹺蹺板 (HK$65)

攜帶小盒系列﹣BB與鞦韆  (HK$65)

森林家族海邊遊玩設施套裝 (HK$199)

總數: HK$914 (呢個o係香港買的總價錢)

但係我.... 最後埋單的是...... 

HK$390

唔係眼花呀!~ 

"森林家族海邊遊玩設施套裝" - 

呢個係姨媽用500Yen 係legoland 出面間鋪頭抽中的，所以我唔洗出錢

其他呢? 全部購自BIG CAMERA的玩具部

香港價HK$715, 我卻可以以接近半價價錢買到，

係咪好好好......... 抵呢?

小霸王公主一次過收到咁多森林家族

佢梗係勁開心啦! ~ (好彩慳咁多咋，我荷包都冇咁肉痛)

真係唔敢想像自己去日本時會唔會..... 冇得走.... 哈哈~

▌台中遊 ▌ ● Day 4

DAY 4 行程:  

富王大飯店 →   鹿港老街  →  鹿港天后宮

鹿港玻璃博物館 → 台灣桃園機場 → 香港機場 → 屋企

話咁快就黎到台中遊的最後一天啦!~
出發前都知道呢一日會係好FREE，冇行程
但由於Day 1 飛機Delay左，所以行程就放左係DAY 4下午啦

DAY 4 上午係自由活動時間，
我地先去食返個早餐(酒店內)，再去對面商場行下

大大間的家樂福，對小霸王公主黎講就最開心

行到11點左右，就外賣小小食物返酒店慢慢享用

休息到12點幾，就CHECK OUT 出發囉!

第一個&第二個景點 ~ 鹿港老街  &  鹿港天后宮

特式食品比較多，夜市的食物都會有
但我地只係買左當地的鳳梨食，
超平、超甜、冇"揸"

第三個景點 ~ 鹿港玻璃博物館

玻璃欣賞下好了，我真係好怕小霸王公主唔小心打破....
所以....

景點就係咁多啦~ 下午三點幾就要出發去機場
冇錯~ 因為要去台灣桃園機場 唔係台中走.....
由台中去台灣桃園機場  大約三個幾鐘... (會塞車就早D)
所以.... 呢個車程真係長得好辛苦下
好彩中間有休息站買下野食、去下廁所

食下、瞓下..... 就到左台灣桃園機場啦! (天已黑晒)
原以為今次唔係坐EVA + Terminal 1，應該就... 唔會有機會見到佢
點知.... 係我太天真吧~  我低估左Kitty 的威力+受歡迎程度
 完全估唔到今次的閘口隔離都會有

同上次一樣，用剩的台幣.... 又係... 俾公主洗埋! 哈哈~
買埋Kitty 後，就要跟台灣Say BYe ByE 囉!

估唔到去程Delay，回程都Delay
好彩都係Delay 頭尾半個鐘左右
返到香港已經係12點幾啦! 真係好好好累!!

半年內去二次台灣真係..... (唔再去住啦! 我想去日本呀)
今次跟團旅行對小霸王公主都叫做係一個新體驗
雖然行程景點唔太適合佢，但讓佢明白旅遊唔係一定玩，參觀下當地名勝都不錯
哈哈~ 之不過呢個小女孩已經講定話唔想再跟團啦!
佢覺得坐旅遊巴睇唔到周圍景色，佢比較鍾意坐公車/捷運
都係..... 我都愛自由行多D

台中遊記到此啦!~ 期待再分享我地下個旅程吧!!


♥ 有時間/有興趣/唔想睇文字的話，可以睇片架!! ♥

想睇下其他台北的遊記，請 Click 入  ▌台中遊 ▌ ● 全集 ~ ♥