K2 班 ~ ♥ 她給我的一封信♥

K2雖然只開始左一個多月，感覺上課程教快左好多

可能K1真係俾小朋友同家長輕鬆下先

K2就要即趕上，不過課程暫時都係唔深，小朋友應該好易適應

有日收到一封信  (信封面係老師之前叫家長準備的)

小霸王說: "媽咪，我寫俾你架"

從書本知道近日主題是"寫信"

由寫信→ 到郵局買郵票 → 寄信

一連串都是小朋友自己做 (不錯的校外活動)

呢封信沒有文字，只有圖畫

但我都能夠猜到小霸王想表達的意思 ♥

♥ 我同佢去公園玩 ♥

可能有人會覺得.... 我地陪小朋友玩、陪佢地乜乜乜....

但我個人就覺得唔係... 係相對的

你陪佢地，其實佢地都陪緊你

佢地需要你，你亦都需要佢地

你令佢地開心，佢地亦讓你開心

佢笑，你笑

佢喊，你喊

可能自己童年時，父母出外工作賺錢好少時間陪我

好彩我有姐姐哥哥妹妹陪住我長大，唔會寂寞

但小霸王唔係，獨生女O既佢話: 唔要弟弟/妹妹!

所以我將自己所有時間俾晒佢!  (好快佢就唔會唔洗我陪)

悄悄的回信: (希望長大後的你睇到吧)

♥我的寶貝女兒，好感謝你!♥

感謝你的甜心 - 成日偷吻我

感謝你的蜜語 - 成日話愛我

感謝你的窩心 - 成日抱抱我

感謝你的懂事 - 報喜不報憂

感謝你的硬頸 - 令我提升EQ

感謝你的古惑 - 令我常開心

♥ 我愛你!! ♥