PN 班 ~ ♥ 爸爸媽媽接送上學 ♥

唔知在職的 Blog 媽媽/爸爸 有冇同感呢? ♥

小FAN 指的同感係

"親自接送小朋友上學/放學，佢地係會好開心"

當然日日都接送   可能就未必感覺到

但對於好似小FAN 咁    一個月都未必有一次機會的Blog 媽媽/爸爸

可能應該有同感吧!! ♥

其實頭一次   小FAN 自己都感覺到

到上星期   我地兩公婆輪流接送 

就真係完全Feel 到晒 ♥

上星期一 (19/1) & 二 (20/1) 

爸B Day off   所以可以連接兩日

接送上學  唔係咁簡單架

小FAN 要求佢影相俾我做証   (哈哈~ 咁我都想了解多D 架嘛!)

從佢 Whatsapp 俾我的相中   真係可以見到小霸王表情真係唔同 D

♥ 佢係特別古靈精怪、特別多表情，仲會偷笑 ♥

小FAN 最意外的是   佢會語音同我講 "媽咪，我放學啦!!" ♥

♥ 真係甜到入心呀 ♥ 

頭兩日  爸B 接完

到星期五 (23/1) 小FAN 終於又有機會  (應該係藉口   哈哈~)

點解?? 咪就係去辨理 K1 註冊囉 

(小霸王明年係唔會原校升   小FAN 揀左另外一間近屋企的)

由於要辨理 K1 註冊   所以就請左半日假

可以輕輕鬆鬆接左小霸王返學  先慢慢攪

平時只有我出門返工前  叫小霸王過黎俾我親親

但今日可以係佢臨入學校門前   俾個親親我 ~ 啜啜啜

♥  好開心、好幸福 ♥ 

唔知係咪小霸王都好鍾意我接佢返學?

佢呢排每朝都同我講 " 媽咪，陪我返學"

媽咪我真係好想，但唔得

我們唯有好好珍惜每一次吧  My Sweet Heart ♥ 

Welcome to S.K.Y. Lovely Family