良好的習慣，變壞??

良好的習慣對於小朋友黎講     相信係好多過壞吧!

所以小FAN 對小霸王的日常生活

都有小小規定的   或者叫做規律吧!! ♥

當然 1-2歲時就真係容易做到

但到左 Trouble 2 後就黎料

食野方面 

暫時進食時間都仲可以做到有規律，但食量就真係睇佢自己鍾意

睡覺方面

呢個真係開始頭痛 

因為平日6299 湊小霸王     午覺時佢都唔會早瞓  

係都要玩到 3-4 點幾先瞓     瞓到差不多 7點先起身

     

事問 3小時後的小霸王又點肯咁早同你瞓覺呢?

(我係規定10點左右要瞓覺)

唉!! 如果係我湊的時間，小霸王係完全唔會有咁的事發生

我都明白小朋友一定蝦平日湊開佢的人    所以都冇出聲   

不過 ~ 

我呢個小寶貝    唔知係咪要試探下佢媽咪的容忍量?

居然.........

呢一日下午5點幾

99 打電話黎話小霸王唔肯瞓覺  話要玩

咁我就下令小霸王唔好瞓覺啦! 夜晚先瞓  唔好俾我放工返到黎見到係床上呀 

唉.... 小霸王又點會咁乖呢?

我 7點幾返到去  見到小霸王熟睡中囉

99 話佢6點半累到瞓左  晚飯都唔肯食

小FAN 只好忍心地吵醒佢     因為唔吵醒佢   今晚自己受返

當然瞓唔夠的小霸王   係到發脾氣爆喊    但我都唔會讓步囉!! 

我要佢明白 "唔可以掛住玩而唔瞓" 

老人家梗係有微言   話仲乜吵醒佢啦

想問下你地    寵壞佢真的好嗎?? 

呢晚   小霸王佢堅持唔食晚餐

最後 ~ 唯有睡前補奶吧!! 

雖然 ~ 我唔知道小霸王經呢次會唔會長一智?

老人家會唔會唔再寵壞佢?

但 ~ 小FAN 會繼續堅持 ~ 

(唯有繼續做衰人吧! )

唔知大家有冇同樣經歷呢?

Welcome to S.K.Y. Lovely Family

Date:   2015.01.22 ~2y6m9d