咬唇

尋晚同阿囡玩o個時，
發現佢不停地咬唇，
個樣真係好攪笑，
我諗佢一定想出牙仔而牙癢癢，
所以我都已經買定牙膠俾佢得閒就咬下架啦!!@
希望出牙仔唔好令佢太辛苦，
唔係又心痛死我囉!!

而家日日返工，
得返夜晚同星期六日可以同佢玩下架咋，
真係... 好矛盾...
好多時... 真係有一刻想唔做野自己湊返，
但係.... 唉...
得老公一個做野又點可以養全家呢??
仿且.. 冇理由要佢養埋我娘家架ma...
如果佢搵好多就話姐....

做媽媽真係好多野煩，
再加上... 日日夜夜俾d 唔想聽到的聲音煩住，
就真係煩上加煩....
我忍...忍 ... 忍...

打針 @ 2012.11.13 & 14

請左二日假陪阿囡去私家醫生打四個月針，
去之前我都預左要忍痛頂住架啦!!

唉..
阿囡今次俾上次喊得可憐左，
d 眼淚水係咁流...
真係心痛死我呀!!
攪到我都忍唔住流左幾滴...
我諗佢而家真係開始知咩係痛，
所以....

幸好阿囡打完針，
都只係有小小微燒，
飲左退消水就冇晒事，
正常飲奶 + 肯笑+ 肯玩。
真係好叻女!!

不過... 唔知兩個月後... 再打.. 會唔會仲... 唉

花名? 別名??

阿囡自未出世已經開始有別名，
到出左世後就個個星期都俾唔同人改花名 ，
多到真係要記一記，
好等佢將來睇返，
原來佢係咁古靈精怪...

未出世...
『my my』
『大咪咪』

出左世...
『阿囡』
『阿妹』
『傻妹』
『傻豬豬』
『無牙妹/婆』
『大隻沂』
『大頭沂』
『得意妹』
『牛屎妹』
『大閘蟹』
『花面貓』....

但係點解.. 冇人叫佢做『大眼妹』架呢??

阿囡...你知道嘛!!
媽咪每天最開心的時間就係...
親親你.. 同你玩... I Love U so much.. .. my SwEEt HeArt !!
U A the Apple of my EyE..
HaHa..

雙龍 @ 2012.11.03 & 04

每逢星期六及日,
我都會同阿囡一齊返婆婆屋企瞓。

一來... 可以令阿囡習慣o係唔同地方瞓，
二來... 可以俾99 休息下，
三來... 可以俾我放鬆心情..
簡直係... 正呀!!

今日仲特別，
因為阿囡第一次同表弟一齊瞓，
將張bb 網床間開一人一半，
各有各空間...
十足板間房，好攪笑!!

因為表弟仲細未戎夜奶，
所以佢一喊 / 醒就攪到阿囡又醒 / 喊埋，
真係幾煩架!!
仲有... 又怕阿囡爛瞓整親表弟，
我就要每隔一段時間起身睇下，
幸好... 阿囡好乖，
我都未見過阿囡一晚個post 冇轉過，
我諗阿囡自己都怕整親表弟。

不過我發現...
湊兩個小朋友真係好辛苦，
真係想像唔到生孖點湊??

希望阿囡同大表姐 & 表弟能夠繼續好好相處，互相愛錫，咁我地就輕鬆好多啦!!

牆紙??

相片當牆紙...
一向都有咁做，
不過只容許o係屋企間房架咋!!

但阿囡出左世之後，
佢o既相實在影得太多，
心諗...
如果~貼o係屋企，又唔係成日得閒望，
所以... 最後決定...貼係公司
.. 呵呵!!

同事/老闆都話我... 咁誇.. 幾時貼到大呀...
係呀... 而家已經唔夠貼啦.. 都唔知點算架??
唉... 到時先諗啦!! 唯有....

而家.. 做野做到炆時，望下阿囡張相，
成個人都relax & happy 晒!!
再辛苦d 都冇問題呀... 講下笑咋!!

送機 @ 2012.10.26

話咁快，
細妹就大學畢業仲要未行畢業典禮就要去外地工作，
由知道佢去INTERVIEW -> BODY CHECK -> 等REPLY...
都等左幾個月，
但點知原來一話請佢，就立即要飛去當地。
延期左二次之後，冇得再改，
唯有.....

對於妹妹呢個決定，
我地都好矛盾, 好難作決定。
難得有呢個CHANCE, 年紀又咁細，梗係想佢去見識下啦!!
但又擔心佢一個人在外。
不過最後~ 我地都係支持~佢去實現下佢自己的夢想。
暫時佢只係踏出左第一步，希望佢能夠PASS 個TRAINING，
向夢想出發... 加油!!
等緊你... D BENEFIT... 呵呵!!!

講真，我剛剛出黎工作時，搵左幾年錢後，都想去日本留學工作。
只係... 當時... 屋企唔容許我咁做... .. 所以... 算吧!!
呢個夢想留返俾阿囡...

Full Moon Party @ 2012.10.29

今日係梁家二少爺的滿月宴大日子，
因為係星期一要返工，所以冇帶阿囡黎。
就係咁....
個個都問我: 『阿囡o係邊到? 仲乜唔帶埋阿囡黎?』
你估我唔想咩?
收工返去又出黎... 你估咁易呀?
仿且一定食到最少十一點先走人，
明天又要返工，
唉... 都係俾阿囡o係屋企瞓下仲好吧!!

講返梁家二少爺的滿月宴，
哇... 係尖咀THE ONE 的煌府攪，
至討厭要轉幾次LIFT 的SHOPPING MALL，
勁煩!! SHOPPING ? NO next time law
不過酒樓個場都ok， 好闊唔迫，
唔怪得咁多人會揀呢到擺酒。

梁家二少爺 - Nathan 可以話係梁/劉家第一個男孫，
所以個個都好錫佢，而且佢又好得意呢!!
轉眼間... 一個小朋友 --> 三個小朋友
相信不久之後，一定十分熱鬧呀!!

見到小Nathan , 就令我諗返二個月前的阿囡, BB 真係大得好快架!!
不過唔知點解，我覺得佢有D 似我阿囡...

雖然多左2個小BB，但我都唔會唔理呢個我至愛的姨甥女，
唔係佢一定呷醋呀!!

閒談~~~

不知不覺就放完左70天產假，
而且仲返左一個月工啦!!

時間真係過得快，
阿囡就已經3幾月大囉!!
為左唔想錯過佢日日變o既時刻，
所以我養成左每天為佢拍照呢個習慣。
(佢o既相應該有幾千張... 淨係我手機都二千幾..)

唉...返左工之後，
同阿囡玩+ 見阿囡的時間真係小左好多，
梗係唔開心啦!!...
(簡直係無時無刻都掛住佢呀!!)
仲要成日... 俾我聽到99 講 D 我唔想聽 / 唔o岩o既說話...
eg:
- 阿囡見到嫲嫲就識笑.. (意思係咪... 見到阿媽就唔笑呀!! )
- 阿囡要嫲嫲抱呀!! (阿媽抱就唔得??)
- 阿囡掛住嫲嫲呀!! (轉頭冇見姐... 係咪咁掛呀??)
- 嫲嫲錫晒.. 唔好咁呀.. 媽咪打架.. 媽咪鬧架.. (仲乜衰野就擺我上枱 )
......

有時真係令我好炆... 好討厭呀!!
我承認對99 一直都存在唔好的印象，
又或者係... 開始時冇野，
但漸漸發生太多事令我不得不唔鍾意佢，
未至於討厭囉!!
暫時係.... 開始唔多想同佢講野，
因為... 有時講講下會... 令我炆...
我炆就會令我... 講野語氣唔好..
我會變左係錯+衰o個個... (99 就變左... 勝利者)
老公就會話我... 跟住鬧交!~~
所以... 我選擇... 唔再出聲..
因為我知道.. 老公佢唔可以話佢阿媽...
冇計... 唉...
我深深咁明白... 咩叫.."相見好同住難"
好想可以有自己的家...
而家樓價咁貴.. 開支又大... 仲要養埋6299...
真係... 諗下好啦!!

幸好~ 每天放工都能夠見到我的無牙妹...
否則日子... 就會是.....

病倒了 @ 2012.08.15

2012.08.15 (Wed)

唉...
尋晚開始個胸痛痛地，
就算pump完都係咁，
仲開始發冷，心知不妙。
諗住... 聽日唔會痛架啦!!

真係... 諗下好啦!!
終於都係頂唔順要去睇醫生，
結果... 同我預期一樣，
醫生話... 乳腺發炎，
打支消炎針食藥就會好，
仲話食晒d 藥可以繼續餵人奶，

唉... 食五日抗生素 (即係要停5日人奶)，
阿囡都唔會再肯食返啦!!
仿且... 我食左藥，
d人奶都唔知仲有冇藥存在，
唔餵比較好，仿且... 我都係諗住食埋呢個月，
唯有提早停啦!!

從今天開始... 正式告別做人奶媽媽，
有 d 唔捨得同對唔住阿囡的感覺，
但冇法....
阿囡.. 媽咪都唔想的!!

Full Moon Party @ 2012.08.10

2012.08.10 (Fri)

不知不覺咁... 我個囡就一個月大啦!!
時間真係唔留人架!!
不過見到佢一日一日咁長大，
個樣日日都唔同 ，
每日就不斷咁同佢影相，
怕錯過佢的每一刻... 哈哈..

原本只係諗住自己人食下飯就算，
但最後師傅改名時話今日擺埋滿月，
咁就唯有...
小小地擺3圍囉!!
(講真... 要叫.. 10圍都唔掂呀!! )

我地揀左o係"藍地季季紅風味酒家"，
為的是... 俾大家可以試下...
之前... 蘇民峰都介紹過的 - "蝦禾米豬" (米芝蓮豬)

唉...
原來滿月係好多野要做...
所以我地行程豐富..

12:00 囡囡洗白白，佢洗完到我，跟住要拜神
01:30 出門去酒樓食野
02:30 出發返祖家石崗拜祖先
03:00 返大埔婆婆家拜神休息下
05:30 出發去攞cake & 去酒家
06:45 到酒家準備
08:30 開席
11:00 散席

唔好話阿囡要休息，
我都要好好休息呀!!
真係勁累呀!!

不過真係好多謝賞面出席的親戚朋友，
人到禮到... 太客氣!!
收到我都覺得唔好意思呀!!