雙龍 @ 2012.11.03 & 04

每逢星期六及日,
我都會同阿囡一齊返婆婆屋企瞓。

一來... 可以令阿囡習慣o係唔同地方瞓，
二來... 可以俾99 休息下，
三來... 可以俾我放鬆心情..
簡直係... 正呀!!

今日仲特別，
因為阿囡第一次同表弟一齊瞓，
將張bb 網床間開一人一半，
各有各空間...
十足板間房，好攪笑!!

因為表弟仲細未戎夜奶，
所以佢一喊 / 醒就攪到阿囡又醒 / 喊埋，
真係幾煩架!!
仲有... 又怕阿囡爛瞓整親表弟，
我就要每隔一段時間起身睇下，
幸好... 阿囡好乖，
我都未見過阿囡一晚個post 冇轉過，
我諗阿囡自己都怕整親表弟。

不過我發現...
湊兩個小朋友真係好辛苦，
真係想像唔到生孖點湊??

希望阿囡同大表姐 & 表弟能夠繼續好好相處，互相愛錫，咁我地就輕鬆好多啦!!