小美人到訪

每個星期六，梁家美人小豆兒都會抽空返黎劉家陪下o個d 等見佢o既人(尤其係公公呀… )，而今個星期六(29/11)呢? 就特別d啦!! 因為小豆兒會o係我地屋企逗留二日一夜 (佢媽咪同爸爸要去wet呀!!)，所以… 大姨我勞碌o既工作就由星期六早上開始啦!!

星期六早上十點幾就開始收拾屋企(吸塵、拖地、抺塵、整bb床、煲水….)，準備好晒所有野去迎接小豆兒到訪(咁形容會唔會誇張d呢??)。

下午二點幾小豆兒終於肯到啦!!

黎到第一件事要做當然係飲奶+做大事啦!! 你知道嘛?? 飲飽奶o既小豆兒係最得人鍾意架…佢會笑容滿面咁同你傾計，令人會好心甜架!!

跟住呢?? 我地就帶小豆兒去太婆家同太婆玩下(唔去唔得呀… 太婆幾乎日日都會打電話問下小豆兒o既近況，再唔去… 就… 噢!!)

見到小豆兒o既太婆簡直好似拾到金一樣，笑唔停口咁!! 太婆佢呀… 勁想多d BB陪佢玩，不斷同我講『.. 出年結左婚就快d生.. 最少生二個，知道嘛???』，唉… 當時只好答佢『哦….』，勁無奈啦!!!

同太婆食埋晚飯，就返屋企囉!!

其實照顧bb真係一件唔簡單o既工作，好辛苦架!! 大姨我雖然唔係負責好多野，但係都足以令我腰酸背痛呀!!! 不過都好開心囉!! 因為呢一日令我學會點由床上抱起小豆兒，yeah!!!