2014年1月24日 星期五

第一次的連環拍

2014.01.15 (Wed) ~ Day 552


小FAN 覺得做左媽咪的自己
好似比以前

易滿足左、
易幸福左、
易開心左、
易喊左...

我之所以改變好大因素來自於佢
我的囡囡 - 小霸王

佢的一個笑容
足已令我開心一整天了

佢的一個吻
讓我可以睡得很甜

佢的一聲媽媽
可以讓我忘記一天的辛勞

...............

今天早上,
小霸王又早左起身
心情很好
仲肯陪我多角度影相
上下左右前後
哈哈...

一朝早能夠同你玩下
令我充滿力量
"我已經充滿力量啦!! 工作放馬過黎啦!! "
呵呵!!

2014年1月23日 星期四

成長進度‧乳齒生長史 @ 18個月

成長進度




乳齒生長史



估唔到咁快就過左 3個月啦!!
對上一次 update 已經係 15 個月大時,  (♡ 成長進度 @ 15 months ♡;  ♡ 乳齒‧生長史 ♡)
轉眼間就....

呢幾個月黎,
飲食習慣就冇乜點變,
係高左,重左,牙仔生多左,講野多左....
仲有野蠻左,喊多左,古惑左...

哈哈...


健康院

2014.01.13 (Mon) ~ Day 550


18 個大的小霸王又係時候
要去健康院同打針囉!!

約左9:30AM
倆母女準時 9點慢慢行去
去到TSW 健康院剛好 9:30AM

攞籌 --> 等叫名
等左一陣就叫名入去 2 號房磅重

向來有『診所恐懼感』的小霸王
見要除衫就已經喊定先
喊到你肯幫佢著返衫
仲不停叫『走走走』

唉.... 激死人!!

跟住就出去等見姑娘
佢就叫做冷靜返小小
周圍行下/睇下野

等左十幾分鐘後叫名見姑娘
唉... 又發作
相信佢以為見醫生

除左診所恐懼感 之外
小霸王係有『嚴重的醫生恐懼感』

入到房
姑娘: 『小朋友,咩事? 咩事喊?』
我:『佢係咁架,好怕見到醫生姑娘』

姑娘嘗試引佢令佢唔怕佢
但都係... 冇用

姑娘: 『咁... 媽媽,我地唔好理佢,等佢自己冷靜下先。』
我:『哦!! 』

姑娘: 『小朋友係咁,佢唔鍾意會選擇喊從而令家長同意 / 屈服於佢,又或者用喊去令你注意 / 留意佢,所以家長要清楚小朋友的喊,如果唔係唔舒服或有問題,我地係可以唔理佢,由得佢喊,等佢發洩。 喊係好的,對小朋友個肺都有幫助。 』

姑娘:『唔係個媽媽都能夠做到忍耐,所以你要學習下啦!! 』

跟住我同姑娘真係唔理小霸王
由得佢繼續喊
(當然佢的喊聲已經由巨響 --> 輕聲 --> 停下喊下)

姑娘問晒我有關小霸王的日常生活習慣、飲食、學習後,
就可以走得,四歲後先再預約再做評估吧!!

一出房門,小霸王成個人係輕鬆晒囉,
仲有小小累...(喊左咁耐)

不過當佢去到下一站
DR. HO 診所後就.......
今次好 D,只係打針前後喊左5分鐘到
算係乖架啦!!

打完呢支5合一之後,
暫時欠打水痘針,
之後先慢慢打埋甲型肝炎吧!

***************************************************************

本身諗住只係請半日的小FAN
因為99 有事要出街,
我又唔想佢帶埋小霸王去
所以決定放多半日吧!

每當小FAN 放假都鍾意煮ABC 通粉
 一來簡單
二來學習

可以俾小朋友學習自己食野
又可以教佢唔同的字母及數字



首次自己食野的小霸王
不錯吧!! 叻叻



當佢食到半飽唔多想食時,
小FAN 就會問佢見到咩字
佢答完,我就叫佢快D食左o個個字佢
咁就可以食晒碗粉!!
哈哈... 呵呵...
***************************************

食飽飽就同小霸王玩下先
係上次買英文圖書時買埋
一盒6支 ¥19.80 (紅黃藍綠紫黑)


優點:

1. 口紅式的旋轉蠟筆,不易於折斷。

2. 可水洗蠟筆,畫在手、皮膚、衣服、家具及刷過光滑的牆面漆上,都可以輕鬆水洗。

3. 易上色,這款蠟筆有類似水彩筆和油畫筆的效果,色澤鮮豔,上色效果非常好。

4.材質安全無毒。



小FAN 冇諗過會咁上色,
就算畫左係張紙到
唔小心都會印到係手或衫上
所以即刻俾件衫仔小霸王著住黎畫
咁就放心好多!!




用後感:

1. 平時用蠟筆,大力小小就會折斷,但呢隻冇事喎!
2. 真係好上色,好SHARP
3. 就算畫到手仔都唔怕,好易洗
4. 細小,方便帶出街





2014年1月22日 星期三

▌日の料理 ▌我的... 招牌菠蘿包

2014.01.12 (Sun) ~ Day 549


週日放假的老公仔
心血來朝話想食
華嫂冰室的招牌菠蘿包

唉!! 好啦
鬼叫小Fan 講過話如果想我下廚整野俾佢食的
就一定要o係娘家

原因:  好簡單,廚房d 野任整任用都唔會有人話

老公仔今日就好醒
見你咁識做
小Fan 我當然好樂意試做啦!!

睇落好易做咁
但原來工夫好多




好彩都入得口咋!! 哈哈
老公仔梗係識做讚下我啦!!
水準一定冇專業咁好
但都不錯的!!

不過原來菠蘿包質素係最重要
其他配料都係其次
所以真係要買d 好味d 的菠蘿包做
唔係會浪費心機 !!

******************************

有興趣的話都可以試下

材料:

菠蘿包  1 個
蕃茄 1 片
雞蛋 1 隻
牛油 1 片 (我用大公司)

做法:

1. 菠蘿包放入焗爐焗熱待用
2. 雞蛋煎熟 ( 熟度 - 個人喜好)
3. 蕃茄 輕微煎一煎
4. 菠蘿包焗好就將所有材料放上就ok

最好就係等菠蘿包的熱力令牛油溶溶地先食就good 啦!!

**************************************

小Fan煮野唔叻,
所以.... ^ _ ^



▌淘寶 ▌英文圖書

2014.01.11 (Sat) ~ Day 548


其實好早以前已經想淘英文圖書俾小霸王架啦!
因為家中的中文圖書佢已經背熟晒
邊頁有咩佢都記得

所以真係要買 D 新圖書俾佢睇

哈哈!! 終於等到舅父肯收同肯送返黎HK
YEAH!! 就小試訂幾本黎睇下先

小FAN 係呢間訂的

第一次訂
就唔訂太多同太貴的
一共訂左10本圖書


▲ 呢D 係比較上貴D,大約係 ¥20 - 50
  

▲ 呢D 就好經濟,只係¥9

慳左運費,
10本加埋都只係HKD260左右咋!!
好抵呀!!

而且圖書質料唔錯
以呢個價錢黎計,簡直係平靚正呀!!

希望舅父會再幫我手吧!!





2014年1月20日 星期一

你的笑容... 是無價

2014.01.08 (Wed) ~ Day 545


今早起床梳洗後換衫準備返工時
估唔到小霸王會咁早起身
平時佢會瞓到八點幾
今日居然七點多就起身

真係估你唔到

正當換好衫的小Fan
望一望係床上的小霸王

哇!! 咩事??


OMG.. 太可愛吧!!
一個殺 4人的pose + 『媽媽』二個字
小FAN 真係頂唔順囉!!
簡直係甜到瀉晒呀!!

o個刻只係識摟抱住佢
媽咪真係愛 4你!!

跟住小Fan 同小霸王講
起身後要摺被
佢居然摺衫
哈哈... 冇人符呀!!


甜到入心的小FAN
一整天都好SWEET
心中只想快D 收工咋!! 呵呵


放工返到屋企
呢個... 古惑妹又出招
OMG....

夠啦!!
如果每天都能夠見到你開開心心
媽咪就會好幸福
謝謝你!!

My Sweet Heart


2014年1月17日 星期五

▌韓劇推介 ▌漂亮男人 (예쁜남자)


漂亮男人 (예쁜남자)

為韓國KBS自2013年11月20日起播出的水木迷你連續劇。改編自韓國漫畫家千桂英的同名漫畫,講述具備國寶級視覺與魅力的漂亮男人獨孤馬特如何虜獲成功女十人幫芳心的故事,以及對獨孤馬特一見鍾情的金普通與他形成最不速配情侶之羅曼史。


張根碩 飾演 獨孤馬特

角色簡介:

以漂亮為武器 - 獨孤馬特

27歲,攜帶終極魔力的漂亮男人。

从幼稚园开始就能毫不费力地从女生那里得到想要的东西。有想要的东西只要停下来瞟一眼,下个月就会有女生买来送到他手上。虽然在京畿道光州被称为靠脸吃饭的花花公子,那是因为别人不了解他。他的血因为对父亲的恨而沸腾,抛弃自己和母亲的MG集团会长朴基石就是他的父亲。一个叫洪宥拉的和他哥哥离了婚的美丽女人有一天突然找上他并刺激他。
受到刺激的马特没办法遵守母亲的临终遗言。公布自己的身份后去MG集团会长却吃了会长夫人那红兰的闭门羹。在洪宥拉的指导下,通过上层社会1%的女人进行报仇。



IU 飾演 金普通

角色簡介:

以純情為武器 - 金普通

26歲,真實的普通女人。

把别人丢弃的圣诞袜子树捡起来做成包用,把弟弟在部队穿过的挡风衣做成背心穿,有着独特时尚感觉的人,要是这些让马特觉得丢脸而训斥她的话,她就会离马特10步远给马特打电话。
因为爱着马特,就算承受他的各种折磨,也不觉得委屈。但自从某一天起,有个非常不顺眼的叫洪宥拉的女人出现在马特身边,经她指教,马特和这个女人也交往,和那个女人也交往,甚至还有韩国顶级明星。即使这样,普通眼里还是只有马特。和马特一起成长的普通,不知不觉成为业界排行第2位的HOME購物公司的負責人。






李章宇 飾演 崔大衞

角色簡介:

以溫柔為武器 - 崔俊河



31歲,可愛的疑問男。


MG网站销售的万年代理。自由的灵魂完全不像是从事竞争激烈的网站购物业,同情一切事物,不被职位束缚,也不执着所拥有的,就算是脏的也认为是古董。被一个有一箱奇怪袜子,让他在网站上帮着贩卖的奇怪女子吸引住了。
认为普通就是他命运中的女人。不管怎样都会帮助普通,甚至跟随普通转职到普通流通公司。其实他是MG集团的庶子。占有MG公司股份并对其有影响力。因为帮助马特摆脱危机而想要马特把普通让给自己。最后明白马特是最需要普通的人而放手。




韓彩英 飾演 洪宥拉

角色簡介:

以慾望為武器 - 洪宥拉

十全十美的女人

脸蛋漂亮,身材也好,自尊心超强,学习和工作都很认真,自然做什么都很出色。和MG集团少爷朴文秀结婚并不是贪图他的钱,反而以出众的天赋和能力辅佐文秀,并对优柔寡断且能力不足的文秀予以充分的信任,使文秀有了很大的进步。但是这却成了那洪兰的眼中钉,甚至受到了自己丈夫的疑心,最后无奈离婚。
马特母亲去世的时候,他还是个略显稚嫩的土气花美男。马特母亲临死前告诉洪宥拉:马特的亲生母亲其实是那洪兰。如果以马特的愤怒为动力、外貌为本钱,好好指点他一下的话,将来绝对可成大器。马特在无可奈何的情况下曾经找过那洪兰,坦言自己是MG集团的私生子,结果却遭冷遇。洪宥拉正好借此将马特作为自己复仇的棋子,开始了对马特的训练。。






****************************************************
一向愛睇美男子的小FAN
又點會唔睇呢套由OPPA張根碩主演的韓劇呢?
呵呵~

不過~
唔知咩原因呢套唔係特別吸引
我估係愛情劇情太太太太... 小吧!!
而且又太多配角
攪到OPPA 唔多突出...OH!!

全套16集
到結局先叫做好睇D
但就勁小...

好鍾意OPPA 唱的"Beautiful Day"
點解最後先播?
如果早小小,
相信收視會好小小

唉... 失望之作!!

推介: ★★★☆☆