明年今日

明年今日就係我o既大日子啦!! 真係真真正正要開始倒數啦.... 好緊張tim!! 哈哈..點算好呢??

我諗係時候要清除咁d TBC 掛.... ，應該點入手好呢???

▌台劇推介 ▌我的億萬麵包

又一套期待已久o既台灣偶像劇終於首播啦!!! 其實都只係等左三個多月姐，好似誇張左小小tim!! 哈哈..估唔到繼<<惡作劇之吻同2吻>>之後，咁快就等到呢對"經典組合"合作，真係勁開心law!!

可能唔同左導演，感覺上有點唔同，或者再睇多一、二集會習慣掛!! 希望劇情會越來越好啦!!

↑見到呢張劇照就諗... 一定勁攪笑呀!! 哈哈...

呢套劇ｏ既片尾主題歌曲《面包的滋味》都係由林依晨演唱，第一次聽都已經覺得唔錯！

雖然你滿身數不完的缺點
完美小姐也不是我的頭銜
越看就越順眼 我們之間
舒服得像星期天
是緣分是愛情
是命運緊緊把我們綁在一起
越吵越甜蜜 越吵越愛你 越不分離
生活的難題 考驗著愛情
才顯得我們的努力 多么值得被珍惜
從今就緊緊的和你綁在一起
不管壞天氣不管壞心情都不分離
面包的滋味 有多香多甜
有你在分享 才是真完美

現代經典~ 睇相記

等左差不多二個星期終於等到今日啦!! 簡直係未出發先興奮呀!! 哈哈 (誇張左d tim)

我地一行六人o係美麗華o既客家茶莊飲過靚o既午茶之後就行左現代經典睇相，一路行我都好緊張，真係好怕d相勁唔掂咁點算.... 好擔心!!! (當然我冇表露出黎啦!!)

今日唔係阿KIT招呼我，改左由NICOLE (但阿KIT間中都會問下我)，唔緊要啦!! 服務都一樣好好!!

NICOLE話TOTAL 影左204張(我諗唔止囉!!! 因為我記得阿PAUL佢唔停手KA WOR)，我地要o係204張中choose 38張(package包)，一開始就已經唔知點啦!! 呢張唔錯、o個張又好似唔錯... 好彩有姐夫同家姐幫手割愛咋，唔係真係choose 到明天到choose唔到呀!!!

哈哈... 當然有割肉啦!! 都好大塊添呀!! 要加多HK$13,800... (即係package +相= HK$28,680) 好肉痛呀!! 不過男朋友仔話我鍾意就冇所謂wor!! 咁又係... 影相o既整個過程+結果我都咁開心+滿意，值得o既!!

花左三個鐘o既搏鬥，最後我可以攞走.... 92張相 (大細相簿各1 ) + 141個原檔FILE + 油畫1張 + 8 x 10相1張 + 5 x 7相 2張 + 簽名冊 + 結婚証書套... 好似好多咁!!! 哈哈..

↑右邊o個位就係阿PAUL啦，左邊係助手阿ROY !!

呢張相係今個月頭o既婚妙展影架!! 當時我同阿PAUL講話點解人地有雪景我冇，點知... 今日睇相o個時佢整左個雪景俾我呀!!! 得一張.. 好珍貴呀!! 你都知... 要影o個時扮晒有雪先可以做到ka ma... 但係我地o個時根本冇諗過亦冇扮過，PAUL 都做到俾我!! 真係好多謝佢!!! THANKS!!

***********************************************************************
睇完相我地就去咗ELEMENT行街街啦!! 我係第一次去咋!!! 哈哈... 第一次去就....

買左結婚戒指啦!! CARTIER LOVE糸列!! 真係冇諗過自己真係可以擁有咁貴o既戒指，因為男朋友仔係唔准我買LV 、GUCCI架，但係佢今次捨得洗成萬蚊(以冇鑽石黎講..真係有點兒貴!! ) 去買隻戒指俾我wor... 好開心呀!! 哈哈..

雖然款式好普通，但係每隻戒指都有獨一無二既no，我諗貴就貴在呢到掛!!

↑戒指攞左去刻名，暫時冇得睇... 哈哈

***********************************************************************

奇妙的婚照二天團 (27/10 ~ 28/10)

終於完成左我人生第一輯婚照啦!! YEAH!! 勁開心!!

第一輯婚照我放棄左浪漫而童話式的室景/影樓、香港/台灣外景等，而選擇咗一個鄰近自己鄉下o既『渡假村』。點解?? 好多人都有問過我呢個問題。我諗真係緣份吧…

記得今年三月婚展，我同媽咪、家姐、妹妹一齊去，我地諗左好耐『選擇邊間影好呢?』，諗到累就坐低左睇下婚妙show，我記得o個時最後一間係『現代經典』，表演完，老闆娘廖安麗就介紹佢地o既新景點『棕櫚島渡假村(位於惠陽)』，俾佢o既吸引底下我地就去咗佢地個counter睇下，一睇就好鍾意啦!! 咁就join左囉，但我就決定十月先影。雖然個package唔平，但自己鍾意+sales服務態度好好，就唔太計較啦!! 係咪?? 之不過呢…o係呢半年等候期中，都怕個景唔對板，所以o個時好鬼想快d到。哈哈…

講返正題吧…

DAY 1(拍攝o個日)

六點就要起身啦!! 因為準時九點要到達葵芳集合點，你知架啦… 女仔出門係有多野攪架ma (其實只係洗個頭+沖涼、唔洗化妝，都用左成個鐘wor.)，又要食個豐富早餐，好彩都冇遲到。(我好有時間觀念架!!)

等齊晒人(一共五個人包括我、男朋友仔、攝影師PAUL、化妝師YOUNX、助手ROY)，我地就出發囉!! 由香港到棕櫚島o既車程大約用左個幾鐘(交通十分暢通的關係)，到達棕櫚島就差不多十一點啦!! Check-in+攞房後，就立刻換衫、化妝、set頭，好快手o既YONEX，唔洗一個鐘就攪掂啦!! Yeah!! 第一個婚妙LOOK，係以可愛為主(我要求的… 哈哈)，滿意!! 攪掂晒就開始影LA…..

↑因為自己偷影，所以影得唔係太好... 哈哈

哇…. 超緊張呀!!! 已經o係屋企不斷練習笑容的我，居然笑得好唔自然。連攝影師PAUL都話我仲乜笑到咁假呀!! 真係激死我呀!! 好彩warm-up完、加上PAUL同YOUNX o既指導下，我地完全投入拍攝過程，仲越拍越開心tim。我同YOUNX仲邊行邊傾計tim。哈哈….

影到差不多四點，就返房換過另一個晚裝LOOK，以成熟為主，好滿意呀!! 哈哈..

(不過唔記得偷影WOR...O...) 因為轉咗LOOK，所以拍攝風格都唔同左，唔洗笑要COOL D，感覺更加輕鬆+順暢!! 時間都過得特別快，六點左右就影完啦!! 為左唔想令佢地咁夜返到HK，我地只用左十分鐘就換好晒衫，哈哈… 換衫過程快到大家都難以置信呀!! 好攪笑囉!!

送別佢地，我同男朋友就o係渡假村中享受晚餐，可能我地好肚餓，所以覺得好好味呀!! (講笑姐… 其實都唔錯，但價錢同香港一樣囉!!點解咁架??) 飯後我地無聊+冇野做就o係會所租遊戲機打下，玩左差不多一個鐘就返房。唔返房都唔知自己原來係散晒呀!! 因為一返到房沖完涼就瞓到成隻豬咁啦!! 哈哈….

DAY 2(休閒日)

相就影完啦!! 第二日我地就可以慢慢去享受下d設施。食完個美味的早餐後，當然係去游泳池啦!! 唔識游水o既我只好玩水、曬下太陽囉!!

↑D HOUSE 真係好靚架... 如果我有錢就好啦!!

棕櫚島俾我o既感覺真係好休閒，可以靜靜地休息，個人都會變得好relax!! 所以呢個二天團真係好舒服!!! 哈哈

感想

一個字『值』!!! 係就係行左d，但真架!! 雖然未知d相影成點，但我都已經好滿意啦!! 因為能夠遇到一個既生鬼又冇架子的攝影師，一個親切友善o既化妝師，再加上一個好好o既助手，機會係好難架，但係居然俾我遇到wor，所以咁難得o既巧遇又點會唔滿意呢??? 可能我個人比較簡單，我覺得拍攝o既過程係比結果重要架!! 當然我梗係希望結果都好好啦!! 唉... 要到下個星期先有得睇相呀.. 好緊張呀!!

PAUL、YONEX、ROY，多謝你地呀!! 讓我有個奇妙而快樂o既回憶!!! 仲令我發現影婚妙相原來係好好玩架!! 好想影多N次呀@@

辛勤的一天

今日因為約左final fitting 十一點，所以好早就要起身。今次就由媽咪陪我去，估唔到十幾分鐘就攪掂，不過我居然忘記左影相tim.... 激死人呀!!! 唯有後日可以俾我影番一張半張吧!!!

之後，我地行左一陣街就返去豆家啦!! 冇計啦!! 家姐姐夫要出街shopping 嘛!! 我就要幫手照顧小豆兒!! 原本都諗住係件樂事，點知... 係好辛苦架!! 好彩見到小豆兒甜蜜的笑容+睡姿，唔記得晒d辛苦law!!!

↑哈哈... 小豆兒呀!! 你就好舒服啦!! 難為大姨...手都痺晒!!

↑真係好想好想.. 偷吻架.... 一淡啦!! 得唔得先??

Island Shangri-La's Training

呢個月唔停咁上training，足足上左六個training呀!!! 不過就以internal training居多。

新公司會為員工提供好多introduction training，而每個division 又會提供training，簡直上到你唔上呀!!!

而今日下午，我就有幸上左個external underwriting training，點解用"有幸"二字???

因為training 唔係o係office上，係o係Island Shangri-La o既宴會廳。哇!! 好勁呀!! 心諗... training咋嘛... 唔洗咁high掛，我簡直係好似"鄉村妹出省"咁，懷著興奮的心情上training，地點就真係好正，仲有3點九tea tim，之但係... 講師係"鬼佬"。你話我會點?? 咪飯氣攻心+催眠曲囉，哈哈!!! 不知幾想用牙簽撐大隻眼呀!! 好彩我的意志戰勝睡魔咋!! 唔係死硬火啦!! (o係高級酒店失儀態... O ... NO WAY!!)

我的偶像退出娛樂圈

好深刻記得自己係由電視劇『我愛牙刷蘇』起開始鍾意GIGI，轉眼間咁就過左十幾年囉!! 不過我仍然有keep住讀書時買o既3R相 (幾百張呀!! )，留黎做個紀念都好嘛!! 係咪??

GIGI咁多套電影/電視劇中，我最鍾意『古惑仔』中o既“細細粒”，佢真係演得唔錯!! (就係因為咁…我十分唔鍾意『古惑仔四/五』， 舒琪+李嘉欣 配 EKIN… 超唔得囉!!勁討厭呀我！！哈哈)

當知道佢宣佈退出娛樂圈時，第一個反應係…. 講笑咋，點會呀!!! 真係估唔到原來佢唔係講笑架!! 不過佢為左家人而放棄自己鍾意o既工作，係就係好可惜，但好偉大囉!! 作為fans o既我會支持佢o既決定，亦都希望佢可以搵到個好對象、過得開開心心。

祝願佢弟弟早日康復!!! (咁佢咪可以重返娛樂圈囉!!)