參觀● 大館

暑假期間，其中一個節目就係一家人一齊出城市玩

哈哈~ 冇錯!! 住係火星的我們，

相對上真係好小機會去港島，所以感覺上真係好似出城咁!

我地一早上網預約定日子及時間，呢日係星期日真係唔小人囉!!

預約左，入場就快D

未黎大館之前，只係知道近期好多人去影相咋

完全唔知亦唔了解係咩野，睇一睇先知係『前中區警署』咋!

說真的，呢D古蹟真係好特別同好靚!! 

大館真係好大，但就唔係所有地方都對外開放

我地只係參觀左幾個大樓

  01警察總部大樓

呢到主要介紹舊時的警署係點樣? 

仲有扭卡機、簽簿.... 俾小朋友玩下

03 營房大樓

呢到改變成餐廳及商店

14  D倉

呢到係重犯監倉，

你可以入去感受一個細小的監倉

如何住咁多犯人呢???

 20 賽馬會藝方

呢到係展覽藝術品

仲有一幅身高牆，

只要你行埋去就會有職員幫你畫身高寫埋你的名字作留念

好有意思，好特別!!

17 F倉

呢到係最好玩，犯人牆?? 哈哈

乜舊時會有2.5M 高的犯人??? (仲高過姚明??)

呢日除左黎參觀，最主要係幫呢兩位 K畢業生影下相

呢到影相真係好正好靚， 大家不妨黎影下

參觀完，相又影完，估唔到咁就逗留左三個鐘

走時仲可以踏足下"砵典乍街"  

對小朋友黎講  石地斜路真係好新奇

大館:  https://www.taikwun.hk/zh/

** 雖然進入大館係免費，但大家最好都係先上網 / APPS 領取大館入場證，以確保能於指定日期及時間進入大館 **

Jazz 表演@荃灣D.Park

呢個暑假，基本上..... 有一半時間係.... 跳舞

各式各樣的上堂、彩排、表演

雖然我冇份跳，我都覺得有點累

但小霸王公主卻沒有跟我說"她累"

相信佢真係愛上跳舞、愛上表演了

(你不說累，媽咪我又怎能說累呢?)

暑假第一個表演 - 商場SHOW

淡定、有自信、開心

YEAH! GOOD SHOW

呢次表演仲有機會同兩位靚媽合照

真係一定難得的機會!! 

加油!! 期待你下一個表演!!

【錢家有道 x ohmykids】時光倒流打工仔

唔知大家近日有冇留意呢個暑假活動呢???

小FAN 幸運地抽中左VIP優先試玩

梗係要帶埋小霸王公主同家姐仔去打工啦!!

個名叫得"時光倒流"  咁一定係D懷舊工作~ 

場內特設四間懷舊老店，

包括理髮店、大排檔、辦館、藥材舖

我地打工時間係16:00-17:00

姐姐們分派每位小朋友一張時間表及工作證

時間表

小朋友要根據時間到不同的老店打工

** 時間都好趕下，記住要分秒必爭哦!!**

工作證

小朋友每玩完一個遊戲就可以得到一個印仔，

玩齊4個遊戲就可以出糧換精美紀念品

** 記住要寫上小朋友名字及小心保管 **

開工啦!!~ 

第一站: 理髮店

「事頭」會同小朋友講解理髮店的歷史，亦都會教小朋友何謂收入及支出

點樣係賺到錢? 點係冇錢賺?

第二站: 大排檔

「事頭」會同小朋友講解大排檔由來，亦會教如何當一位小伙計

收拾桌面、如何下單、收錢、找錢等，

更會教一些大排檔下單的用語

例如: 白飯 = 靚仔、白粥 = 靚女、檸檬茶= OT

 

第三站: 辦館

 辦館是甚麼？「士多」?「雜貨店」?

辦館是早期的超級市場，賣柴米鹽糖紙巾高級洋酒。

「事頭」會同小朋友講解何謂『想要』同『需要』

小朋友要自己懂得分類

「事頭」更會教你認識花碼字

** 零食只可以睇，冇得食架!! 哈哈 **

第四站: 藥材舖

「事頭」會介紹店鋪的藥材，更會教你認識不同地方的紙幣

如: 日元、港幣、歐元

留唔留意到時間表上有個"錢家"

記住黎呢到玩返個小遊戲呀! 

填顏色之餘，仲要係牆上搵貼士寫答案，好有趣架!!

四間懷舊老店啦都玩齊晒!! 

就可以攞住已蓋滿四個印仔的工作證去換小禮物

仲有一個『估貓咪』的小遊戲

玩法係.... 

現場的不同位置，會貼上大大小小的小貓咪

你地要估下貓咪的總數量係??

估中就有份禮物架啦!!

**提示: 23與25之間 **

除左打工之外，現場都有好多不同的小佈景俾你影下相 Happy Share 下

仲有不同的理財工作紙   可以俾你攞返屋企一路玩一路學理財!!

玩後感:

由於我地冇玩過去年的「未來事業所」，所以就冇得比較

小FAN個人覺得呢個打工仔遊戲的理念係唔錯，

可以讓小朋友了解昔日香港點滴同埋學習理財。

不過時間就短左D，一個遊戲得10分鐘時間，

「事頭」講解冇左一半時間，又要留返時間俾家長影下相

小朋友實際玩(打工)的時間太小了

所以小霸王公主玩完之後都話..... 『冇乜野玩，得個講字』

我深信如果時間長返D，小朋友會好玩D

活動詳情如下: 

【錢家有道 x ohmykids】時光倒流打工仔

日期丨2018 年 8 月 15-21 日
時間丨早上 11 時至 下午 6 時
地點丨紅磡置富都會中庭（港鐵紅磡站對面）
年齡丨4-12歲
備註丨每個遊戲約 10 分鐘內完成。

建議穿著：白色T-shirt及深色褲，以配合場內提供的懷舊服飾
費用全免，連商場消費都唔駛～正！！

六歲♥ 我的生日♥

年年都話唔想攪   但年年最後都係攪

今年唔講啦! ~ 點都攪架啦!~ 😜

小小年紀... 唔開生日會點收禮物先??? 

💗學校生日會💗

Last year 啦~ 

呢個係小學唔會有的 Party，只係K生先有

(我估小朋友會唔開心多D)

💗 正日生日 💗

今年正日冇同小霸王公主去迪迪尼啦!~

因為三月先去過，唔想咁快又去，留返下年吧!!

所以今日就在家吹吹蠟燭就算了

HAPPY BIRTHDAY 

 💗 迷你生日會 💗

年年都要的.... 小生日會

今日主題.... 係My little Pony

(冇錯... 真係年年都不同)

🎪Banner - 淘返黎 (唔錯架，係薄布料唔易爛)

🍰Cake - H記雪糕蛋糕 (太多朱古力同糖皮.... 有D漏)

🎁禮物 - 多謝晒大家送上咁多馬馬

祝我家小公主 

日日都

開開心心💓

健健康康💪

回顧:

五歲生日

四歲生日

三歲生日

二歲生日

一歲生日

K3 班 ~ 大總結

就算有多麼的不捨  要結束的始終都要放手

我指的是幼稚園學習生涯姐....😜

好開心最後一個月的日子中

學校安排左好多機會俾小朋友&家長同班主任聚會

30/6 (六) 親子畢業聚餐 @XX小學

呢日出席的家長們每人都要自製食物黎一齊分享

小朋友表演、親子遊戲、

送禮物俾自己的班主任同校長

亦都可以老師們拍拍照、傾下計

  

5/7 (四) K3最後一個家長日

三年幼稚園生涯中，總共有12個家長日 (一年四個)

小FAN我出席左 11個 (其中一個因去左旅行)

比起其他學校，呢到真係勁多家長日囉!!

但亦因此  我先可以多D 接觸班主任

不只是小霸王不捨得呢到  其實我都好唔捨得

呢間幼稚園  除左有好好的校長、老師們，連姐姐們都好好架!!

要我講唔好的話，唯一應該係校舍唔大囉!! 😅

14/7 (六) 謝師宴 @ 嘉湖海逸酒店

呢個謝師宴唔係學校攪  

係我地家長們邀請班主任及助教老師出席

真係好多謝譚老師三年黎對小霸王的教導及愛錫

佢當每位小朋友都係佢的BB

在小霸王公主口中的她  真係100分老師

平日返工多的我  真係好小機會見到小霸王同佢的朋友點相處

但呢晚真係..... 令我好意外

佢好鍾意佢的同學仔  同學仔亦都好鍾意佢

大家摟摟抱抱  真係好甜蜜 好Friendly

好可惜.... 大家九月就分佈在不同的小學了

希望往後能繼續Keep contact 吧!😃

聚會就聚晒啦!! 

就繼續小霸王的K3 大總結吧!!

我對幼稚園生日相有種情意結

因為生日相係我幼稚園時  唯一影的相片

舊時何來上堂會有老師幫你拍照呢?

所以.... 唯一在學校影的，必定是生日相

不得不讚下老師們設計的生日佈景板

年年都不同  仲好靚好得意

💓 你睇下壽星女/仔的禮物   幾豐富 💓

唔知係咪K3多活動?  

呢年的勞作好似相對上小左好多

反而我好鍾意佢今年的麵粉花興趣班作品

真係好靚囉

總結呢三年

我好感恩自己冇揀錯幼稚園俾小霸王

呢間幼稚園雖然係邨校  當初揀佢係因為區內都出名的

但讀左之後   發現真係很不錯

校長 - 有愛心、和藹可親、平易近人

老師們 - 笑容滿面、友善、冇架子

姐姐們 - 勤力、盡責、有禮貌

小霸王呢三年真係讀得好開心! 

而佢亦幸運地取得多個獎杯，

每一個都存在不同的回憶

😍我會好好地將佢地收藏 😍

畢業典禮那天影唔到相  好彩有得借袍出外影

去到邊  影到邊

過多一個多月就變成小學生啦!!

會展開新的一頁

我地一起繼續努力吧!! 

K3 班 ~ 第26屆畢業暨頒獎典禮

不知不覺.... 小霸王公主畢業典禮已經過左一個月啦!!

今年的畢業典禮選擇左係六月中的星期六舉行

對比上年及前年早了半個多月

K1 及K2 小霸王公主都是以領獎生身份出席

到今年小霸王公主終於以畢業生身份參與

三年了!! 

有幸三年來都能夠陪住佢出席，陪住佢一齊領獎

頭兩年的感覺跟今年的.... 真係好唔同

雖然畢業典禮的程序不變，但原來.... 望住畢業生的小霸王公主係....感觸好多.... 

1. K3生唱畢業歌、謝師歌，謝父母歌

2. 主禮嘉賓致詞

3. 頒獎

4. 校長報告

5. 舞蹈 表演

6. K3畢業生話劇

畢業典禮約下午三時開始，主禮嘉賓進場

奏國歌、唱校歌...

🔺紅色布打開 🔺

全級百幾個畢業生整齊地排好在台上

(一眼已睇到我的小春麗了，💗哈哈💗)

畢業生先唱出畢業歌

再唱謝師歌及謝父母歌

佢地不只唱歌，仲要做出不同的動作

真係好叻叻!! (媽咪我已經😭😭😭😭)

唱完歌仔後，佢地就返去後台準備下個表演啦!!

主禮嘉賓致詞時

我就去準備陪囡領獎囉!!

😍小霸王公主連續三年得到

  『學習表現卓越獎』😍

媽咪真係好開心，估唔到你真係做得到

你兌現了你對我的承諾😭😭

(小學係新的開始，你都要繼續努力呀!)

領完獎，聽埋校長的報告後

就係真正的表演開始啦!!👀

先是.... 啦啦隊.... 步操隊... 跟住中國舞

💕 小春麗出現啦!! 💕

最後

重頭戲 - 畢業生話劇

哈哈~ 小霸王公主真係.... 當上小公主

佢地班表演華爾滋舞

哇!!  Good Show!! 🎉🎊

謝謝你們的表演，真係睇到我地好感動同開心呀!!

辛苦了!! 我的小小畢業生

💓送上小小心意『你人生中第一束花🌻』💓

原先諗住畢業典禮可以跟你影多D 相

點知..... 唔係囉!! 真係好可惜呀!!

回顧: 

K1 班 ~ 第24屆畢業暨頒獎典禮

K2 班 ~ 第25屆畢業暨頒獎典禮

小一派位@2018龍年

隨住小霸王公主的暑假來臨

我終於可以..... 同大抽獎遊戲Say bye bye 

(小六先再見啦~ 俾我休息下六年咁多.... )

說真的，話唔緊張.... 係假啦! 

不過真係... 唔到你唔緊張囉

由 K3 開學日開始，到 K3完結

呢一年，心情真係... 唔太好過, 好難用文字一一形容

(相信經歷過的父母會深深明白)

以下呢個就係 『2018龍年令人緊張又興奮時間表』

(每年九月必定有一個新的出現)

記得K3開學一星期多後，

幼稚園就攪左個家長會講解一下呢個大抽獎的流程

教你點填表? 提你點交表? 幾時交表?

俾張副本你試填，跟住交返幼稚園，

班主任仲會幫你睇下有冇填錯

交表前一, 二天先派張正本你跟住填

25/9 ~29/9 將"自行分配學位表"交到心儀的小學

第一步完成架啦!! 

慢慢長夜地.... 等兩個月....

27/11 自行分配學位公布結果

點公布? 就真係視乎學校

有的... 貼在學校告示板

有的.... 在學校網頁

我呢... 幸好可以在學校網頁在上睇到結果 (唔洗請假)

準時 9:30 打開 PDF檔案

好似對抽獎劵咁....搵下有冇你的8位號碼

當然... 唔中啦!~

小霸王公主 冇哥哥姐姐, 冇父母畢業生....

15分咋.... 點爭呢???? 

玩完第一步，又俾你休息兩個月先再玩

其實都冇休息，呢兩個月都係不停地資料搜尋

第一志願就唔洗諗

要諗的.... 係其餘 24間點排好

排完又改，改完再排.....

3/2  前往統一派位中心辦理選擇學校手續

由於當日先會收到正本及即時填表

o個刻真係要"金精火眼"  因為真係驚填錯囉!!

好彩我係屋企填定張副本，去到照抄咋!

所以.... 唔洗10 分鐘就完成手續

第二步完成架啦!! 

冇錯.... 跟住又係要等... 呢次等四個月

哈哈~  今次真係可以等....

冇乜野做.... 直至....

公布結果前的 1-2星期 (即5月中至底)

家長們就要上心儀的小學網頁

留意下叩門資料

叩門要準備d 咩文件?

申請表? 相片? 出世紙? 校長信?

K1-K3成績表? 家長自薦信? .....

(我大約Print 左5-6間小學，我冇準備portfolio)

2/6 返回遞交 『選擇學校表格』的統一派位中心領取「小一註冊證 」

(即係派彩日)

派彩時間 9:30先開始

呢日，我 9:10到達.... 已經係排晒長龍

9:30 準備入禮堂等收派彩紙

哇!! 真係堅緊張囉!! (腳都震晒)

職員攞張小一註冊證俾我時  

我一睇.... OMG.... 第一志願呀!

O個刻真係YEAH左出黎囉!!

超級開心 超級開心 超級開心

即刻同爸B及家人分享

自己真係忍唔住喊，一路講一路喊

仲九秒九跑去幼稚園跟學完畫畫出黎的小霸王公主報喜訊

母女抱在一起分享O個刻喜悅  真係令人難忘

感謝上天保佑 !

好開心  呢個遊戲正式完結

而幸運地派到第一志願  不用四處叩門

還記得上年身心疲累十月

小霸王公主因為K3 分離症令到佢唔肯去某直資 2nd In面試

自動放棄... o個刻我真係好唔開心

(我堅嬲左小霸王公主兩星期)

幸好唔洗再玩多次面試

唔係我真係.... 

不過今年.... (我指72網)   好多間小學都係要 

111 先會派表 / 111 先收表 / 111先 接受面試

有同學仔 叩左八間都唔成功

自問我唔係專家  只係其中一個參與遊戲者

份表點填先好??? 點排? 

冇一個正確玩法

因為呢個遊戲  LUCKY先係最重要!!

衷心祝福  

往後會玩呢個遊戲的家長們/小朋友們

希望佢地都能  幸運地入到心儀之選!!