K3 班 ~ 第26屆畢業暨頒獎典禮

不知不覺.... 小霸王公主畢業典禮已經過左一個月啦!!

今年的畢業典禮選擇左係六月中的星期六舉行

對比上年及前年早了半個多月

K1 及K2 小霸王公主都是以領獎生身份出席

到今年小霸王公主終於以畢業生身份參與

三年了!! 

有幸三年來都能夠陪住佢出席，陪住佢一齊領獎

頭兩年的感覺跟今年的.... 真係好唔同

雖然畢業典禮的程序不變，但原來.... 望住畢業生的小霸王公主係....感觸好多.... 

1. K3生唱畢業歌、謝師歌，謝父母歌

2. 主禮嘉賓致詞

3. 頒獎

4. 校長報告

5. 舞蹈 表演

6. K3畢業生話劇

畢業典禮約下午三時開始，主禮嘉賓進場

奏國歌、唱校歌...

🔺紅色布打開 🔺

全級百幾個畢業生整齊地排好在台上

(一眼已睇到我的小春麗了，💗哈哈💗)

畢業生先唱出畢業歌

再唱謝師歌及謝父母歌

佢地不只唱歌，仲要做出不同的動作

真係好叻叻!! (媽咪我已經😭😭😭😭)

唱完歌仔後，佢地就返去後台準備下個表演啦!!

主禮嘉賓致詞時

我就去準備陪囡領獎囉!!

😍小霸王公主連續三年得到

  『學習表現卓越獎』😍

媽咪真係好開心，估唔到你真係做得到

你兌現了你對我的承諾😭😭

(小學係新的開始，你都要繼續努力呀!)

領完獎，聽埋校長的報告後

就係真正的表演開始啦!!👀

先是.... 啦啦隊.... 步操隊... 跟住中國舞

💕 小春麗出現啦!! 💕

最後

重頭戲 - 畢業生話劇

哈哈~ 小霸王公主真係.... 當上小公主

佢地班表演華爾滋舞

哇!!  Good Show!! 🎉🎊

謝謝你們的表演，真係睇到我地好感動同開心呀!!

辛苦了!! 我的小小畢業生

💓送上小小心意『你人生中第一束花🌻』💓

原先諗住畢業典禮可以跟你影多D 相

點知..... 唔係囉!! 真係好可惜呀!!

回顧: 

K1 班 ~ 第24屆畢業暨頒獎典禮

K2 班 ~ 第25屆畢業暨頒獎典禮

小一派位@2018龍年

隨住小霸王公主的暑假來臨

我終於可以..... 同大抽獎遊戲Say bye bye 

(小六先再見啦~ 俾我休息下六年咁多.... )

說真的，話唔緊張.... 係假啦! 

不過真係... 唔到你唔緊張囉

由 K3 開學日開始，到 K3完結

呢一年，心情真係... 唔太好過, 好難用文字一一形容

(相信經歷過的父母會深深明白)

以下呢個就係 『2018龍年令人緊張又興奮時間表』

(每年九月必定有一個新的出現)

記得K3開學一星期多後，

幼稚園就攪左個家長會講解一下呢個大抽獎的流程

教你點填表? 提你點交表? 幾時交表?

俾張副本你試填，跟住交返幼稚園，

班主任仲會幫你睇下有冇填錯

交表前一, 二天先派張正本你跟住填

25/9 ~29/9 將"自行分配學位表"交到心儀的小學

第一步完成架啦!! 

慢慢長夜地.... 等兩個月....

27/11 自行分配學位公布結果

點公布? 就真係視乎學校

有的... 貼在學校告示板

有的.... 在學校網頁

我呢... 幸好可以在學校網頁在上睇到結果 (唔洗請假)

準時 9:30 打開 PDF檔案

好似對抽獎劵咁....搵下有冇你的8位號碼

當然... 唔中啦!~

小霸王公主 冇哥哥姐姐, 冇父母畢業生....

15分咋.... 點爭呢???? 

玩完第一步，又俾你休息兩個月先再玩

其實都冇休息，呢兩個月都係不停地資料搜尋

第一志願就唔洗諗

要諗的.... 係其餘 24間點排好

排完又改，改完再排.....

3/2  前往統一派位中心辦理選擇學校手續

由於當日先會收到正本及即時填表

o個刻真係要"金精火眼"  因為真係驚填錯囉!!

好彩我係屋企填定張副本，去到照抄咋!

所以.... 唔洗10 分鐘就完成手續

第二步完成架啦!! 

冇錯.... 跟住又係要等... 呢次等四個月

哈哈~  今次真係可以等....

冇乜野做.... 直至....

公布結果前的 1-2星期 (即5月中至底)

家長們就要上心儀的小學網頁

留意下叩門資料

叩門要準備d 咩文件?

申請表? 相片? 出世紙? 校長信?

K1-K3成績表? 家長自薦信? .....

(我大約Print 左5-6間小學，我冇準備portfolio)

2/6 返回遞交 『選擇學校表格』的統一派位中心領取「小一註冊證 」

(即係派彩日)

派彩時間 9:30先開始

呢日，我 9:10到達.... 已經係排晒長龍

9:30 準備入禮堂等收派彩紙

哇!! 真係堅緊張囉!! (腳都震晒)

職員攞張小一註冊證俾我時  

我一睇.... OMG.... 第一志願呀!

O個刻真係YEAH左出黎囉!!

超級開心 超級開心 超級開心

即刻同爸B及家人分享

自己真係忍唔住喊，一路講一路喊

仲九秒九跑去幼稚園跟學完畫畫出黎的小霸王公主報喜訊

母女抱在一起分享O個刻喜悅  真係令人難忘

感謝上天保佑 !

好開心  呢個遊戲正式完結

而幸運地派到第一志願  不用四處叩門

還記得上年身心疲累十月

小霸王公主因為K3 分離症令到佢唔肯去某直資 2nd In面試

自動放棄... o個刻我真係好唔開心

(我堅嬲左小霸王公主兩星期)

幸好唔洗再玩多次面試

唔係我真係.... 

不過今年.... (我指72網)   好多間小學都係要 

111 先會派表 / 111 先收表 / 111先 接受面試

有同學仔 叩左八間都唔成功

自問我唔係專家  只係其中一個參與遊戲者

份表點填先好??? 點排? 

冇一個正確玩法

因為呢個遊戲  LUCKY先係最重要!!

衷心祝福  

往後會玩呢個遊戲的家長們/小朋友們

希望佢地都能  幸運地入到心儀之選!!

Jazz 比賽@柴灣青年廣場

一段時間冇更新了 

最主要係呢段時間的心情太緊張  再加上很多事情需要做

幸好 最緊張的小一派位已經在 2/6 完結  我的心情終於都輕鬆晒

(小一派位就留待下一個POST先分享吧)

我地可以開開心心咁迎接小霸主公主的畢業典禮

同埋最後兩星期多的 K3學習生活

講返正題先

為左 5月中的Jazz 比賽，

小霸主公主好努力地練習左兩個多月

呢次係佢第二次比賽  當然同樣地唔俾太大壓力佢

"ENJOY & HAVE FUN" 最重要  輸贏不重要

對手真係一次比一次強勁 (年齡大左，係勁好多)

而佢地的表現都一次比一次進步同合拍

雖然最後只得優異獎，但唔緊要，盡左努力已經可以了~

你永遠都是媽咪的NO. 1

期待你下次的表演/比賽 !

Fighting !! 

快快樂樂♥復活假期♥

對於即將告別幼稚園生涯的小霸王公主黎講

長假期好似來得特別珍貴  

一年得四個長假  每個最小放兩星期 (小學應該唔會放咁多長)

而復活假期已經係第三個長假啦! (剩返暑假)

  

雖然冇得去旅行  但我地都有周圍去下

得到小霸王公主的批准  放我倆出走一個晚上  (太開心)

呢晚  我陪左大情人去睇佢的日本女神

門票唔平架  但可以近距離睇女神  又真係好正囉  好彩有陪佢睇咋!! (^_^)

二人世界一晚咁多架咋  之後就要...... 陪足晒佢啦!!

※ 睇佢想睇的"比得兔"  - 好好笑好好睇 ※

※ 小型巴士展  - 得兩架巴士太小了※

※ 到海灘玩下沙沙 - 天氣唔太熱, 唔怕曬親 玩得好舒服※

※ 與迪士尼公主影相  - 公主迷 點可以唔去呢※

※ 參觀嘉道理農場  - 可以親近大自然  不錯架※

※ JAZZ A.T.O.D EXAM  - 合格就可以升班啦※

※ 家姐表弟仔來我家  - 三個小朋友都可以係一個墟  勁嘈※

※ 跟著媽咪上班去  - 佢恨左好耐  仲好想再黎※ 

(其實有乜咁好呢??  但媽咪都好開心有佢陪我上班一日咁多)

不論長假或短假  能夠陪著你成長

我就覺得好幸福 ^^

K3 班 ~ 親子同樂日

剛過去的三月除左畢業旅行之外

三月尾就係一年一度的親子遊戲同樂日

又係時候陪小霸王公主一齊動一動啦!!

三年來都係同一地點舉行   而我同爸B都必定會出席

今年最後一年了   所以都會好好珍惜

(但今次坐的位置唔太好，所以冇乜點影相)

跟往年一樣   

我陪小霸王公主做體操

爸B就負責陪佢玩遊戲

K3的小霸王  已經不再貼身膏藥了

佢會跟佢的好朋友仔一齊玩、一齊笑

(我變得..... 好輕鬆... 呵呵呵)

大個左... 真係會知.... 獎杯大細之分

玩遊戲前小霸王公主話：『今次我唔要第三、四名呀!』

估唔到佢講得出又做得到  結果係第二名

佢好開心：『我都話架啦!!』

你開心咪得囉!! ^^  係咪?

明年小學係咪冇得再親子架呢???? 

回顧: 

K1 班 ~ 親子同樂日

K2 班 ~ 親子同樂日

K3 班 ~ 畢業旅行@迪迪尼

說時遲那時快  

畢業旅行已經係三月中在迪迪尼完結左囉

當日... 距離畢業只有 95天 (而家應該得返6X日吧)

我真係好唔捨得呀!! (嗚嗚)

 畢業旅行當日我地要好早起身  7點幾就要返學校集合

8點半出發  九點到 先在樂園外影張班相

跟住小朋友就著畢業袍戴上米奇四方帽入園

小朋友企係火車站長梯同米奇一齊影大合照

以及同高飛影張單人照

跟住.... 就完成左呢個『迪士尼畢業慶典』啦!!

過程好快，我估15分鐘左右吧!!~ 

之後同校長、班主任影下相咁

攪掂晒，就自由活動囉~

自由活動時間梗係換返套靚衫啦!

由畢業小女生 → 小霸王公主 

時間尚早再加上平日  唔算多人

所以小霸王可以好快就玩左佢想玩的

旋轉木馬、咖啡杯、小熊維尼.....

難得佢著到咁公主   梗係周圍幫佢影下相啦!!

天氣好  影D相特別靚

唔知點解唔多人   但我地卻冇機會同D 公主影相

去到都CUT 龍  激死  好彩都影到一張相姐   

冇得同公主影相  唯有繼續周圍玩

彈弓狗、米奇3D、小飛象、魔法書房..... 睇埋日夜巡遊

雖說係學校畢業旅行   但我覺得同自己去迪士尼冇乜分別

由朝玩到晚   大家真係身心疲累囉!! ^_^

A Happy Memory & Magical Experience In Disney Grad Days

我的八天新年假期

新年假期轉眼就完結，返工的返工，返學的都要返學啦

放左兩星期多假期的小霸王公主  又出現小小分離症

當然我預左佢會咁  所以數日前開始已經話定佢知

我放到幾時? 佢幾時要返學?

好彩K3的她已經冇細個時咁   大個左真係好DD

只係扭小小計  但都可以接受

不過講真，大人都會唔想返工，更何妨小朋友呢? (係咪?)

連續八日陪住佢的機會? 一年又真係只得新年囉

所以我都唔捨得返工!! 哈哈~

放假雖然會比返工忙碌，

但在職媽咪的我真係覺得開心過返工!

♥♥♥♥♥♥♥♥♥♥♥♥♥♥♥♥♥♥♥♥♥♥♥♥♥♥♥♥

假期第一天  (年三十)

行程: 領取護照 → YOHO Mall  → 上學習班  → 申請兒童戶口 → 行花市

一早預約定呢一日早上去領取護照，排隊申請的人真係好好好多

好彩我先郵寄申請左，呢日只係去領取咋!! (唔洗10分鐘就攪掂)

跟住就去左YOHO MALL 行下，仲去左"老父子"餐廳食左個早餐

不過~ 可能多人，我個人覺得服務一般，食物味道太濃 (有點喊)，價錢OK !!

行完就要去學KUMON，再順路去渣打開埋個兒童戶口

點解揀渣打??? 原因.... 近屋企咋!! 仲有係Disney account吧!

係屋企食埋團年飯後，就出左元朗行左陣花市

小霸王公主仲買左一隻大柴犬

** 呢日我貪玩幫小霸王攪攪個髮型，變左做 "包租婆"!! 哈哈~ **

♥♥♥♥♥♥♥♥♥♥♥♥♥♥♥♥♥♥♥♥♥♥♥♥♥♥♥♥

假期第二天  (狗年大年初一)

行程:  拜神 (婆婆娘家)  → 老家  (年年不變)

恭喜發財  年年有餘

大吉大利  身體健康

龍馬精神  花開富貴

YEAH!!  終於到左十二生肖中最鍾意的"狗"年啦!~

仲唔係我的世界，哈哈~  

狗年年初一又黎親子唐裝 (新年先有呢個機會)

再出動埋私伙珍藏布甸狗手袋仔

一於要係"狗年行個大大大運"先!!

♥♥♥♥♥♥♥♥♥♥♥♥♥♥♥♥♥♥♥♥♥♥♥♥♥♥♥♥

假期第三天  (狗年年初二)

行程:  酒樓開年  → 婆婆家  → 姑婆家

年年一樣，我地一早去酒樓開左年先

跟住就返婆婆家再食個午飯

最後，再出發去三姑婆家團拜

小朋友任玩 Nintendo Switch

大人任打麻雀

開開心心玩左一個晚上!! 

♥♥♥♥♥♥♥♥♥♥♥♥♥♥♥♥♥♥♥♥♥♥♥♥♥♥♥♥

假期第四天  (狗年年初三)

行程:  濕地公園  → 婆婆家

雖然前一晚玩到半夜先返屋企
但第二日我地都有出街
近近地去左見下"貝貝" (哇! 真係好肥美)
逗留左一個多小時，俾婆婆急CALL 去開枱!
所以我地又大戰四方城一個晚上 (今次真係打到零晨三點)

♥♥♥♥♥♥♥♥♥♥♥♥♥♥♥♥♥♥♥♥♥♥♥♥♥♥♥♥

假期第五天  (狗年年初四)

行程:  V City  → 屯門市廣場

大戰過後真係唔可以再咁做出街
呢日約左好友Sandy 姨姨行下街街、傾下計
仲可以影下狗仔  輕輕鬆鬆!!

屯門時代廣場 X 豆柴‧三兄弟

♥♥♥♥♥♥♥♥♥♥♥♥♥♥♥♥♥♥♥♥♥♥♥♥♥♥♥♥

假期第六天  (狗年年初五)
行程:  朗豪坊  → 青衣城  → 荃灣綠楊坊 / 千色匯 → YOHO Mall

紅日過後，估計冇咁多人下，我地二個就出動搵狗仔影相囉!!!

朗豪坊  X 忠犬麻糬柴犬

第一站揀朗豪坊，係因為怕晏D 會多人
我地11點到，人唔多，快快手影完就去第二到
經過LINE 又可以影下相

青衣城 X  SHIBAinc 柴犬

荃灣綠楊坊 / 千色匯  X 萌爆哥基

坐港鐵真係好方便，呢日可以去到三個地方影相

D 狗仔真係好得意，拍拖影相大滿足，但腳仔都好累下

YOHO MALL

影夠相後，我地就返去YOHO MALL買預售飛(二日後)睇戲

再去公園玩下 就返屋企囉!!

♥♥♥♥♥♥♥♥♥♥♥♥♥♥♥♥♥♥♥♥♥♥♥♥♥♥♥♥

假期第七天  (狗年年初六)

行程:  家姐仔劍擊比賽  → 九龍公園  → 1881 → 家姐仔屋企

呢日重要任務就係睇家姐仔劍擊比賽
第一次睇劍擊比賽的小霸王公主，睇到好緊張
不停叫"加油加油"，最後家姐仔16強止步 (下次再努力!)

比賽完去食元氣補充返體力
之後去左九龍公園、1881、海港城影下相
再返家姐仔屋企玩餐飽

呢三老表一齊的話，真係好好..... 嘈!!
(能夠有你地二個陪住小霸王公主長大，我真係好開心)

♥♥♥♥♥♥♥♥♥♥♥♥♥♥♥♥♥♥♥♥♥♥♥♥♥♥♥♥

假期第八天  (狗年年初七)
行程:  YOHO Mall  →  家姐仔屋企

真係估唔到.... 小霸王公主會主動提議睇戲???   佢揀左"快D啦牛牛"
完全唔知套戲講乜? 好唔好睇? 的情況下，兩個就拍拖去睇早場!

"快D啦牛牛"
我覺得都幾好睇，幾好笑!!
而小霸王公主都尚算OK，睇左個幾鐘先問走得未?
最後佢都肯乖乖睇晒全套先走

睇完戲，我地又......去左搵老表啦!!

相聚半日後就返屋企食晚飯

♥♥♥♥♥♥♥♥♥♥♥♥♥♥♥♥♥♥♥♥♥♥♥♥♥♥♥♥

我的八天新年假期，正式完結
真係好充實! 好滿足!!

期待下一個小長假