小霸王與丁丁的初次見面

睇到個文章標題係咪有D疑惑呢?

我諗左一陣架~ 唔知點打好?

有諗過打.....  『小霸王與爸B的第一次追星』

哈哈~ 好攪笑囉! 

嗱~ 講明先... 我同小霸王冇刻意去追星架

係等爸B期間，陪佢追星咋!  嘻嘻~

呢日星期六要返半日工，放工就返屋企接囡再 join 爸B

原先諗住出到去個show 都完架啦

點知... 唔知係咪delay.... 所以只係做到一半

咁就唯有坐低陪爸B 睇埋囉!

無聊的母女.... 自拍ing .... 反拍ing.... 拍拍ing....

(總之係拍拍拍啦!♥)

無意中的合照! 哈哈~ 

係喎! 都好似未有提過追邊個.....

唔! 佢係丁悅 (Tiffany)

我相信冇乜人識佢囉! (唔係爸B 講我都唔會留意)

由於我唔係佢的粉絲，所以對佢的了解唔多

只知道佢好似係......  去年尾出道的女新人，出左一張CD

樣子唔算靚，但唱歌很好咁囉

聽過佢的歌聲，不錯! 

個性都幾真，唔會好似其他假到死的歌手

希望佢能夠KEEP住對唱歌的熱情，唱多D好歌吧! 加油!

女歌手  我真係冇乜興趣

(我鍾意男多D，哈哈!)

小:  Hello Tiffany 姐姐

丁:  Hello Myolie 

說真的，我都好耐冇追星啦!! ~

唔知大家知唔知我鍾意邊個呢?  哈哈~ 

其實都唔小.... 但我都唔花心架! 

女歌手 黎姿  (我好似只係見過佢一次咋)

男歌手  EKIN  

而真正追過的..... 就只有佢..... RAIN 鄭智薰

當然我都仲好鍾意佢地

但你叫我去追佢地就真係..... 唔好啦! 

不在乎天長地久  只在乎曾經擁有

2012年開始.... 我擁有左一個小星星之後

淨係追呢個小星星我都冇時間啦  係咪? 哈哈~

Welcome to S.K.Y. Lovely Family
Date:   2015.12.05 (Sat) ~ 3y4m22d
Place: 荃新天地

MyBB試用小隊: TePe 專業口腔護理系列

呵呵~ 好開心又有新野試用

TePe 專業口腔護理系列

TePe 是一間成立於1965年，致力於生產及推廣高品質口腔保健產品的瑞典企業。

所有設計、研發和生產部門都設於瑞典馬爾摩總部。多年來與口腔專家密切合作，

使 TePe 成為口腔保健用品業中的領導品牌。

獲全球50多個國家的專業口腔工作者和消費者推薦使用TePe 牙間刷牙刷笸牙線等產品。

TePe 的兒童牙刷的款式很多，亦適合不同年齡的小朋友

牙刷的刷毛柔軟纖細，錐形刷頭設計適合晒小朋友的小嘴

由上至下介紹

 (TePe  MINI) 迷你幼兒牙刷 - 適合剛長牙的幼兒 (0-3歲)

(TePe Kids) 兒童牙刷 - 適合 3歲以上的兒童

(TePe Graphic) - 繽紛牙刷 - 適合年紀較大的兒童及青少年

(TePe Compact Tuft) - 單頭刷 - 適合用於清潔不平滑的牙面及牙齦邊緣

你睇呢位小朋友一見到係佢用的產品，佢已經急不及待開黎試。

其實佢都唔係bb 啦! 但佢唔知係咪見到個圖案好可愛，所以揀左迷你幼兒牙刷

平時叫佢刷牙.... 要打要殺架!  仲刷兩下就走人

用呢個新牙刷佢居然刷到唔停手囉!  哈哈~

送舊迎新吧! ~ 

咪以為今次只係小霸王一個人試用呀~ 

因為有D 產品對佢黎講唔多適合

我揀左 TePe Compact Tuft 單頭刷試用

用佢黎清潔一D 邊邊位真係好正

平日都會飲咖啡奶茶的我   牙邊點刷都會有D 黃

普通牙刷刷極都仲有D...

但我用TePe Compact Tuft 單頭刷   每隻牙輕輕的刷幾下咋... 

頑固的污穢真係冇晒囉!  好乾淨呀~ ♥

** TePe :  https://www.facebook.com/tepehk

** 謝謝 My BB.COM **
** 以上產品由品牌提供 **

Welcome to S.K.Y. Lovely Family

♥ My 12 Flowers ♥ Our 12 Years ♥

剛剛結婚 6週年收花的一刻開心之餘

突然有個想法..... 就係我收過多少花呢?

有個朋友仔由我拍拖開始見住我收花

因佢係我舊同事，所以..... 佢實見到

佢話:  次次都有花收

我心諗... 邊係成日呀? 肯定唔係年年有得收... 仲好耐先有得收呀!

就係佢呢句話  ♥ 令我想回憶下自己收花的開心 ♥ 哈哈~

從我與爸B開始拍拖的 2003年開始找尋

呵呵~ 原來我收過有12束花架! (有咁多咩? 我自己都唔覺，哈哈~♥)

來一一回味下先

Flower NO. 1

2003年 2月4日，收到我人生的第一束花，是我最愛的百合花。

好記得佢係親自送黎我公司的，攪到全公司 / 我屋企人都知我拍緊拖啦!

Flower NO. 2

2003年 2月14日，係呀! 唔洗兩星期我又收花，同樣是我最愛的百合花。

我地的第一個情人節，望住 2003年的相片，我真係想.....點解咁腫脹架塊面?

其實呢個時候係我人生中最肥的日子 (唔計懷孕)

偏偏佢最鍾意我呢個樣 ♥ Crazy.....

講真... 我都係最鍾意佢當時的身材.... 哈哈~

Flower NO. 3

2003年 8月7日，我的生日的前二天(百合花)

呢段時間，我地係冷戰中 (分手邊緣....)

亦係我地暫時唯一一個冇一齊渡過的生日

最後梗係.... 冇事啦!! (唔係點會有小霸王呢?)

Flower NO. 4 & 5

2007年 2月14日，情人節之花 (黃玫瑰)

記得收到呢束花，我個人都好意外，因為當日係唔洗返工，

我曾對佢講過唔洗返工的情人節就唔洗送花啦! 

估唔到佢呢次係搵人送黎我屋企喎!  Surprise ♥

2007年 8月18日，求婚之花 (百合花)

求婚咁大件事點可以唔送花呀? 係咪.... 哈哈~ 

Flower NO. 6

2008年 8月9日，生日之花 (百合花)

我記得我收花o個刻好攪笑囉!! 

事緣係我地明明約定呢日下午尖咀等，點知有人零晨靜靜地來我家，

將花放在我面前再拍醒我，我當時瞓到豬咁，以為發緊夢再繼續瞓

點知..... 原來係真的，係半夢半醒下收花，勁攪笑!  ♥

Flower NO. 7

2009年 1月26日，新年之花 (一盤 3支鬱金香)

第一次收用盤種住的鬱金香，好特別+好攪笑

有人話唔想情人節又送百合，所以買開年花見到就買黎送俾我

Flower NO. 8

2010年 2月13日，年三十之花 (一支肥皂玫瑰花)

呢一年情人節係年初一，所以年三十時同佢行花市，

佢任我揀想要乜花，最後.... 我只係要左呢支肥皂玫瑰花，

唔想浪費金錢嘛! (始終... 結左婚就.... 佢的錢就係我的錢)

Flower NO. 9

2010年 11月27日，結婚一週年之花 (百合花)

暫時咁多個結婚週年中，真係只有一週年先有慶祝下

我記得係一家人+朋友仔一齊 BBQ，除左花，仲有蛋糕切架!♥

Flower NO. 10

2012年 7月13日，生女之花 (橙色玫瑰花)

估唔到生完女有花收囉!! 哈哈~  (唔係應該收鑽石呀~ 樓呀~遊艇呀~ 架咩?)

老公話.... 我手飾唔多帶... 名牌野又唔好.... 喎~

不過呢一日又真係人生其中一個好重要的日子

Flower NO. 11 & 12

2015年 2月13日，情人節之花 (紅色玫瑰花)

2015年 11月7 日，結婚六週年之花 (粉紅色玫瑰花)

說真的，收到呢兩束花我真係好意外囉!~

我第一個感覺係.... "咩事呀佢? 做左D 乜錯事先?" 哈哈~ 

不過真係好開心佢終於明白"做人老公間中應該要對老婆做下D浪漫事"

相信大部分女人都鍾意收花的，雖然我地口中成日會話浪費金錢，

但收到o個一刻真係好開心好幸福的 ♥

(真係o個一刻架咋.... 之後要自己攞返屋企，真係不好受! )

12 束花見証住我地相愛 12年的日子

不是很長，也不是短

往後的日子我地都要 ♥ 繼續相愛 ♥ 繼續幸福 ♥ 繼續快樂 ♥

♥ Love Forever and Ever ♥

Welcome to S.K.Y. Lovely Family

K1 班 ~ 秋季親子旅行

自小霸王上左 K1之後  我都好期待學校的親子活動

終於等到 11月最後的一個星期六啦!!

首個親子旅行呀!  好興奮好期待呀!  ♥

爸B 唔得閒一齊去  所以今次就我單拖陪佢去玩吧! 

8點半在學校附近集合

GO ♥ GO ♥ GO~  ♥

由學校到目的地都只係30 分鐘左右咋!  好快!

首先  所有人在入口處影張大合照

跟住就去大草原玩親子遊戲

我家的小霸王對親子遊戲真係冇乜興趣

反而對旁邊的小魚興趣大D

咁當然我地都有玩到親子遊戲

玩左差不多一小時   就可以自由活動囉!! 

(大約有3個多小時俾我地自己玩)

見地圖有個鯉魚池  就諗住帶佢去睇返夠本

點知...... 係吉池囉!! (乜都冇)... 激死人

攪到小霸王好失望   咁就唯有睇第二樣吧!

呢到最叫座活動之一   - 餵飼小動物

 餵飼小動物 NO. 1 - 小白兔

完全係唔怕佢咬佢囉! ~ 餵完再餵 

 餵飼小動物 NO. 2 - 小葵鼠

小霸王: 黎啦! 你快 D 食啦!

完全係自我好淘醉

 餵飼小動物 NO. 1 - 小山羊

D 山羊都唔係小架，大隻過小霸王囉!!

(其實佢地個樣都幾醜下..... CRAZY)

你地冇睇錯.... 佢係又再去餵過小白兔

D 小白兔見到佢一定好開心囉!

餵飽晒佢地 又滿足晒小霸王之後

我地就周圍行下搵野玩下

懷舊水車 - 唔錯!  ♥

淋花 - 佢最愛啦!  ♥

(PS: D 水係要自己打水的)

大草地玩波波 

 (係學校送的)

佢梗係..... 有姿勢冇實際啦!

冇計! 似媽咪運動細胞係零! ♥

玩到十二點幾   小霸王叫肚餓

我地隨意搵個地方坐下享受午餐

登~♥ 登~♥ 登~♥ 登~♥ 

DIY 愛心午餐

見到佢食得咁開心

♥ 就算要我半夜四點起身整  我都覺得係值呀! ♥

食飽午餐，休息左一陣後，又去玩過啦!!

其實呢到都有好多遊戲設施架

只不過我的寶貝佢太細膽，話唔玩喎!  我都唔勉強佢

好彩佢都肯玩一D 唔激的遊戲設施

小草馬

小貨車

全日都可以見到你燦爛的笑容

係媽咪呢日最大的收穫 ♥

Love your Smile, Baby! ♥ 

小鞦韆

呼拉圈

(學校用品)

見佢好努力地嘗試轉個呼拉圈

雖然係用手扮轉   但你的努力足以令我俾 ♥滿分♥你 

玩到三點幾我地就回程囉!

呢隻小豬仔一知道回程，未上車已經在我手上瞓左啦!

足以証明佢今日玩得好開心、好累、好投入...

唔! 個人覺得呢到一般囉! 

地方唔大，環境唔算衛生，地點都幾僻下

自己唔會有興趣再黎，寧願去錦田/大棠

Welcome to S.K.Y. Lovely Family
Date:   2015.11.28 (Sat) ~ 3y4m15d
Place: 上水假日農場

*** Holiday Farm:  http://holidayfarm.intimex.hk/landing.htm

結婚週年紀念日 ♥ 鐵婚♥

其實自從生左小霸王     我倆都沒有刻去慶祝 d 紀念日

No Matter 係 

拍拖紀念日又好....   結婚週年日又好....   相識紀念日又好.....

就算係生日呀... 慶祝活動/地點都係以小霸王為主

所以紀念日   我倆都只會係記在心中

當日跟你說句 " 我愛你" ♥

一年又一年啦! 

今年已經係我地結婚六週年啦!  (♥ 即係鐵婚 ♥)

估唔到.... 五年後又再一次收到結婚週年の花

♥ 謝謝爸B 突如其來的浪漫 ♥

粉紅色的玫瑰    雖然唔係我最愛  但都好靚 

其實有冇花收...對我黎講  真係唔太重要

♥ 有你倆在我身邊  就已足夠 ♥

Happy 6th Iron Wedding Anniversary

♥ I Love U ♥ 我愛你  ♥ 愛してる ♥사랑 해요 ♥

Welcome to S.K.Y. Lovely Family
Date:   2015.11.27 (Fri)
  

畫畫 ♥ 有進步啦~

還記得PN 班時的學校畫冊吧?

當時睇到 D 畫真係.... 我個囡一定係"抽象派"吧! 

完全唔知佢畫緊咩囉..... 唉! 

(回顧: PN 班 ~ 七月份總結)

咁當時的我都接受呢個現實O既

自知自己都冇美術天份   自己個囡都唔敢有寄望啦! 哈哈~ 

點知.... 近排....  陪佢畫下畫時

佢居然......  好開心好投入地畫畫

雖然都係....... 但都明白佢想畫乜! 

真開心 ♥

再一次叫佢畫爸B & 媽咪

出奇地係..... 一個人樣囉!~

眼、耳、口、鼻、頭髮.... 連眼鏡都有埋

爸B 仲有埋鬍鬚架! 

噢! ~ 太感動啦~ BABY

要繼續加油哦!~

Welcome to S.K.Y. Lovely Family

她的開心♥ 因有你們♥

隨住小霸王的長大   我開始發現佢的慢熱  (似我嗎??)

是真的慢熱?  還是....

讀左一年 N 班   佢記得同學仔的名字嗎?

有... 三個 ...  而呢三個名字   是我在適應週時講佢知的

之後.... 未聽過佢提起其他名字

班主任  話佢好少主動同小朋友玩

今年 K1  開學二個多月

 同學仔的名字..... 暫時一個  (同樣是   我在適應週時講佢知的)

到11月中時  K1第一個家長日

班主任  話佢鍾意自己一個玩

如果佢想小朋友陪佢玩   佢會叫班主任搵個小朋友陪佢玩

點解呢???  原因係咩呢??

最奇怪的是....

芭蕾舞的同學仔名字   佢又記得喎!

就算係新加入的，佢都好快記得

佢地只係一星期見得o個1小時唔夠

那為何學校的同學    

一星期五日    日日對住三小時

都可以唔記得呢?  

呢方面真係令我苦惱? 令我 R 頭? 

不過我相信時間可以令我搵到答案的

我亦都唔會勉強佢去交朋友

(PS: 係有同學仔同佢玩架... 只係佢唔多SO人咋)

我開始相信校長的話

佢話: 『小朋友係鍾意同比佢大幾歲的小朋友玩，因為佢地識得照顧人，遷就人。』

所以小霸王好鍾意家姐仔

唔係話佢唔鍾意細佬，只係佢特別鍾意家姐仔 ♥

佢喜歡跟著家姐仔，亦從不拒絕家姐仔，

家姐仔喊佢仲會主動安慰家姐仔，更會禮讓

(相反對細佬仔.... 係完全唔會)

♥ 感恩上天讓小霸王有三個表姐弟陪住佢長大 ♥ 

♥ 陪佢玩 ♥ 陪佢笑 ♥ 陪佢喊 ♥ 

♥ 陪佢吵吵鬧鬧 ♥ 

三位咁可愛的小朋友

你地要 KEEP住開心 ♥ KEEP住無憂 ♥ KEEP住幸福♥

Welcome to S.K.Y. Lovely Family
Date:   2015.11.21(Sat) ~ 3y4m8d