2015年3月9日 星期一

農曆新年假期 ~ 第七天 (年初六 ● 錦田鄉村) ~ 上

在婆婆屋企小住左四日三夜後
初五返左屋企   初六就搵下節目先

呢位小朋友由初一開始   日日都話睇魚魚
新年何來咁多魚呀??
本身有諗過帶佢去Ocean Park 
但係... 呢排流感太勁   再加上佢氣管仔剛剛叫做好返dd
都係要小心為妙

所以最後就揀左近近地的

 ♥ 你睇下佢心情幾咁 hyper  ♥

你就hyper 啦!! 難為媽咪我囉! 
事關爸B 細細個就已經係呢頭長大     好熟路    仲留下不小腳毛
佢就帶住我地由西鐵行去 ~  
好彩都唔係十分遠   腳仔都未軟晒  ~哈哈  ♥



一入到門口位置冇遠
小霸王就搵到一個令佢唔捨得走的地方 - 『魚池』

不停地 ~ 哇哇叫~ 好多魚魚呀~
阿囡: 除左好多魚之外,我都見到好多龜


你慢慢睇~ 我行遠小小

睇左一陣好彩都肯走   唔係就唔洗入去玩


哇~哇~ 哇~  好多士多啤梨呀 ~  ♥
(PS: 今次係我叫)

 ♥ ♥ 等左兩年   終於都有機會親子摘士多啤梨啦  ♥ ♥

不過~ 當然唔係我想像中的 ~ 那種溫馨的感覺  ♥
係完全相反囉!!


佢完全係玩、搗亂、有潔癖.......
最後我叫爸B 帶走佢   我自己黎


OMG ~ 幸福的感覺
 ♥ 紅紅的、甜甜的  ♥


因為已經熟過頭,我覺得不宜外帶
所以只係摘左半磅 ($50) 韓國士多啤梨咋!

摘完就搵野食
最後係BBQ AREA 叫左2碗麵食
哇~ 一個出前一丁麵 $30 再加魚蛋、腸仔等
最後$ 90埋單
(勁貴! 勁唔抵食!! 勁唔好食!!!)


食飽又周圍行下玩下
呢架雙人車 $50 一圈
好玩指數: 一般   (行到一半已冇乜電)

最後~ 再俾佢睇多次魚魚
就離開呢到去下場啦!~ 


Welcome to S.K.Y. Lovely Family
Date:   2015.02.24 (Tue) ~ 2y7m11d
Place:  錦田鄉村

2015年3月6日 星期五

農曆新年假期 ~ 第四天 (年初三 ● 林村許願)

時日赤口,鬧架之日,忌口舌是非
咁好的傳統,梗係要應下節啦! 

一早就有個好對象
♥ 劉家最細的代表   就你啦 ♥

我問佢一句,佢又會"姑"返我
仲要笑住口咁,間中哈哈笑
♥ 好好笑、好好玩 ♥
(咁細個就咁識冧人,大個點算呀????)


呢個係我長期鬧架對象啦~  ♥今日唔同你玩 ♥


好可惜~ 呢個小代表要返廣州啦
大姑姐好唔捨得你呀! 
♥ 下次要多留幾天陪我玩 ♥


仲以為自己好細的小霸王    迫爆張搖椅啦
好彩佢唔重咋 ~ 唔係咁玩法實爛


由幾年前開始 ~ 每年新年都會去林村許下願
GO~GO~GO


今年又多左人陪我地一定拋吉囉!
WelCome 姑婆 & 姑丈公


不過小霸王去到落車前就開始瞓覺
全程許願佢冇份玩


我的心願:     全家身體健康! 
返左PN 班的小霸王成日都病    我真係好心痛
所以新一年  希望佢健健康康  


拋吉呢個咁難的任務
♥ 當然交俾我家最高(地位)的人啦!! ♥


許完願   就周圍行下睇下
D 花車..... 今年又係唔多靚唔多特別
人山人海   根本好難影到


咁人齊    ~ 梗係返屋企開賭局啦!
大人打牌  小朋友自己玩

兒童版玩法的"魚蝦蟹"
可惜~ 我家的小霸王唔係好有興趣


佢最鍾意~ 係唱歌歌 ♥



Welcome to S.K.Y. Lovely Family
Date:   2015.02.21 (Sat) ~ 2y7m8d
Place:  林村 / 婆婆家

2015年3月5日 星期四

農曆新年假期 ~ 第三天 (年初二)

Good Morning !! Good Morning !!
♥ Kung Hei Fat Choy♥ 

好喜歡小霸王當我個心口係枕頭的感覺
♥ 甜絲絲的 ~ ♥ 暖烘烘的~ ♥ 濕淋淋的
那種專屬你的感覺 ~ 好正 ♥ 好幸福 ♥ 好窩心 ♥


美好的時間真係唔長架   話咁快就要起床囉   (要好好珍惜 ♥)
年初二的節目   可以話係規定左咁 (年年不變)

♥ 今日的賀年look ♥

同年對比 ~ 今年型d ... 哈哈~ ♥

今日行程『屋企 →流浮山 → 大埔』  ~ 就係咁簡單

先跟 6299 到 99 的娘家 同阿太婆 拜年 + 停留一陣
就再單拖帶小霸王返婆婆家團拜

嘻嘻哈哈~ 
唔知係咪因為今年唔洗睇住小霸王
(佢自己同家姐仔細佬玩)
又加上可以抽身打下麻雀
所以結果係冇影到相囉?

而家先發現 ~ 太遲吧~ 
唯有下年影返多d 



Welcome to S.K.Y. Lovely Family
Date:   2015.02.20 (Fri) ~ 2y7m7d
Place:  Home / 婆婆家


2015年3月3日 星期二

農曆新年假期 ~ 第二天 (大年初一)

恭喜發財~ 恭喜大家都發財~
祝大家羊年   ♥ 要咩有咩 ♥ 身體健康 ♥ 
(知道係有點遲  但祝賀說話  冇人會嫌多架嘛!)

大年初一   同爺爺嫲嫲拜完年之後
我就單拖帶住小霸王出發啦!
(爸B 要返工)


小FAN 個人好鍾意小朋友著唐裝衫
因為好得意、好可愛 、好有新年氣氛

本身有諗過今年買返套親子唐裝衫
但見上年的仲著到   咁就明年先吧!!


今年冇再著全套   覺得小霸王大個左著全套會冇咁靚
所以就幫佢襯牛仔裙 + BOOT

真係大個女左好多呀! 但同樣咁可愛 ♥ 咁靚女 ♥
(請原諒我呢個戀囡狂媽咪)

大年初一  第一個必到處
入廟拜神


呵呵~ 介紹大家認識 
佢就係"細細佬 - Kingston"

♥ 大姑姐我第一次抱佢咋 ♥
Nice to meet u, Kingston
(抱住佢時好懷念小時候的小霸王呀)


拜完神後   我同小霸王就坐車返老家
好彩只需逗留個多小時   我地就可以返屋企囉!

今晚我地三人世界
♥ 平平凡凡地享用溫馨的晚餐 ♥


呢個小朋友仲好乖乖坐定定 "mock"枝豆食
枝豆真係唔錯~ 除左味道好有口感,仲可以訓練小朋友手仔活動
♥ 一舉兩得 ♥



Welcome to S.K.Y. Lovely Family
Date:   2015.02.19 (Thu) ~ 2y7m6d
Place:  Home / 元朗


農曆新年假期 ~ 第一天 (年三十)

九天農曆新年假期正式開始

其實要打掃的、換床單、包利是等等
都已經係早幾天開始    慢慢續日做 d 咁做晒

年三十 呢一日  唯一要做的
就係"攞晒d 新野出黎用"

換上新牙刷+杯仔

沖個碌油葉涼,洗晒去年不好的,換上新睡衣

食個美味的團年飯

哈哈~ 第一年唔係中式的團年飯
♥♥ 小FAN & 小霸王 大愛 ♥♥  
(我真係唔多鍾意食中餐)

一家人享受完美味的團年飯
就各自有節目

62 - 返老家準備裝頭炷香
99 - 約左朋友大戰四方城
我地 - 就去左行年宵市場


好耐都冇出動 HIP SEAT
但呢晚唔出唔得   人多易走失  都係小心為妙


又係近近地的"元朗花市"


請問你兩位睇咩睇得咁入神呢?? 


登~登~登~登~ 
咪係"佢地"囉!! 
全場最受大小朋友歡迎的金魚仔


人多到爆燈~ 係寸步難行o個種


冇錯~ 人多地方都係戴返個口罩安全 d


唯一戰利品 ~ 小丑魚氣球


Let it go ~ Let it go~ 
又係你地..... 咪玩啦!! 


行左一個鐘左右   我地就返屋企啦
冇諗過   要用多兩倍時間先返到屋企

返到屋企後    整下東  整下西   
就十一點囉   年初一到
叫爸B 裝返炷頭炷香後   就叫佢派利是俾小霸王


今年教左佢講: 『恭喜發財,利是逗來』


Welcome to S.K.Y. Lovely Family
Date:   2015.02.18 (Wed) ~ 2y7m5d
Place:  Home / 元朗年宵市場

2015年3月2日 星期一

PN 班 ~ 二月份總結

PN 班 ~ 二月份總結

需要上堂的日數: 10天

出席日數: 0天 
(特別日子: 1&2月份生日會、家長日)

缺席日數:  10天  
(病假 -  感冒,氣管炎)


放心,你地係冇睇錯?  今個月係冇返過學
小朋友真係唔讚得,上個月的零缺席 VS 今個月的零出席,真係令小FAN 費解!!
初時只係小小感冒睇左醫生.... (剛好 Dr. Leung 放緊大假,只好睇其他醫生)
點知睇左兩個不同的醫生   佢都係不停咳
到 Dr. Leung 放完返黎   即刻睇多次

Dr. Leung :  又係老毛病 (即係 氣管炎),飲5日抗生素吧!! 

飲左5日抗生素當然係好左好多啦!! 但點知到年廿八又有小小咳,又帶佢睇多次

Dr. Leung :  只係小小感親,乜都冇發炎

睇完醫生呢日下午都冇乜事,點知我收工時99 打黎話佢高燒39.5度,嚇到我即刻打俾Dr. Leung,Dr. Leung 叫我帶佢返去睇多次,幸好飲左退燒就退左燒,而 Dr. Leung 亦都話佢完全冇其他野,可能只係小小感冒反應 / 腸胃炎 (因小霸王話佢tummy唔舒服)。

好彩只係燒左一陣的小霸王,而且第二日已好返好多咋!!

呢個 UnHealthy February 真係   請你永遠 遠離我們呀! 

Welcome to S.K.Y. Lovely Family