坐月洗頭

yeah!! 等左好耐，忍左好耐...
今日終於可以洗頭啦!!
哇... 足足16日冇洗頭呀...
自己都覺得好臭同好痕，
但冇計... 阿媽唔俾住，
佢話要好天先可以... (前幾日落雨唔停)
今日太陽伯伯出左黎，
當然唔可以放過咁好的機會，
洗完今次... 又要忍多一段時間先有得洗....

幸好... 距離出關日子不遠，
只須忍多1x 日咋... 哈哈..
加油!!

大肚相

2012.07.28 (SAT)

今日一早終於收到相同相簿啦!!
因為5月尾影，而家生完先收到。
真係等得好苦呀!!

見到D 相就令我不期然諗返囡囡o係我個肚的感覺，
真係有點不捨得呀!!
興幸有影到呢輯相令我日後可以慢慢回味下...
哈哈...

1st Pic

2012.07.23 (Mon)

終於收到... 好準時呀!!

估唔到私家先有的服務，
而家公院都有wor。
雖然要自費，但都只係 HK$180咋！
可以接受啦！！
話晒都係。。。　
第一張相 (唔計產房)
呢張係... 產房出黎沖完涼後的第一張相，
好有紀念價值
就當是送給囡囡的第一份禮物吧!!

公院 vs 私院

因為唔知自己忍痛程度有幾勁，
所以由計劃生bb o個刻起，
我就決定去私家生。

但有左之後，
見住d 私家醫生加價加得咁勁，
順產最少要5萬，
剖腹最少要7萬，
去得私院生就會儲埋臍帶血架啦!!
哇... 咁咪成1x 萬...
簡直係over 我budget 囉!!

最後....
唯有抱住一個好天真的心態，
就係... 要痛的話，
o係邊到生都會痛架啦!!
咁就決定去公院生....

決定左之後，
就冇得後悔...

幸好...原來比我預期的好好多，
不論是健康院產檢或是TMH，
我發現D 姑娘、醫生、阿姐都好好，
好友善，態度好好...
一D 都唔係網上寫得咁差囉!!

生完住院之後發現，
D 同胞真係好Q 衰，
麻煩 + 唔聽人講野，
仲要懶係勁咁... 　
"抱住阿B 瞓"
"換完片就咁放阿B o係床"
姑娘講N 次都唔肯聽，
真係... 令人討厭，
簡直係害人害己呀!!
係佢地令到我地d 香港醫護人員炆架咋!!

其實公院同私院都有唔同的好 & 唔好:

公院: - 價錢平 ($100晚)
- 可以自己親身照顧bb，一定要你學識餵奶換片
- 以時時刻刻睇到阿b
- 探病時間小 (其實一日有兩段時間，我都覺得夠)
- 冇乜時間真正休息
- 環境冇咁舒服

私院: - 可以休息 (唔洗下下自己睇住bb)
- 環境舒服
- 家人隨時陪你都得
- 價錢貴
- 唔可以時時刻刻睇到阿b

不過揀o係邊到生都冇所謂啦!
至梗要bb 健康咪得囉!!

坐月

不知不覺就過左一星期啦!!
我的閉關生活亦由出院那天開始 (15/7)，
好耐都未試過咁有規律啦...

01-06:00: 視乎囡囡的飲奶粉時間起床餵奶
(都要睇埋乜都要做的99 會否搶埋黎做)
07-08:00: 起床... 刷牙洗面食早餐..
09-10:00: 食完又同囡囡一齊休息
10-11:00: Bun定奶俾囡囡
11-12:00: 幫手同囡囡沖涼+ 自己沖涼
12-13:00: 食午餐
13-14:00: Bun定奶俾囡囡
14-16:00: 休息, 睇下電視
16-17:00: Bun定奶俾囡囡
17-19:00: 休息, 睇下電視
19-20:00: 食晚餐
20-24:00: 休息, 睇下電視 (如果阿囡食奶粉)

因為媽咪同99 不停的湯水，
(有時簡直飲到你飽呀.. 打ma wor)
成功地令我可以餵人奶，
但怕供不應求同囡囡會痴身，
所以媽咪要我bun 出黎，
都好... 方便d 同冇咁辛苦，
唔夠奶，囡囡就會飲奶粉。

當然我都想囡囡健康d，
再辛苦都盡力bun...
只可惜... 唉...
一言難盡....
bun得咁辛苦...
有時... 唔係話囡囡浪費，
係.. 99 見佢喊兩句就餵佢，
大佬呀... 係... 時間到..
但囡囡都未肯醒就迫佢飲，
又點會飲得多呢?
餓多一陣... 唔得咩...
跟住一陣囡囡又唔夠飽又會嘈...
唉... 你估話bun 就有呀...
你bun 啦...

仲要忍受多久呀.....

懷孕的前後感受

識我的朋友一定知道我\從來都冇意思 / 唔多想生bb，
所以都唔知自己為乜要結婚架!!
拍一世拖唔係仲好咩??
之但係... 我知老公仔係好鍾意小朋友 (但唔鍾意照顧囉，只係玩 )

結左婚，老公仔一直都有問我幾時肯生，
我一定會答佢... "唔生唔得咩??"
佢就會反話我... "自私"
咁講真生仔真係唔係一件簡單的事，
唔係個人的事，唔係就咁生就可以...
我唔係自私... 唔係話俾藉口自己...

不過自從屋企的長老一個又一個咁離開，
我就發現生死真係好奇妙，
唔由得我地去控制，
如果他朝一日，我倆其中一個離開，咁餘下的.. 咪會好孤單囉!!
就係咁... 我就決定生bb

沒有刻意/ 強求要生龍b 的我，
估唔到... 咁快有左，
一知道有左，我的心情居然係好平靜wor，
沒有特別興奮高漲，
相反其他人比我更開心，
可能我所擔心的事將會... 一一浮現

有左之後，
發生左好多唔開心的事情，
如...
『親愛o既婆婆突然的離開』
『bb 出世後誰照顧』
『與老公仔/ 99/ 62 的不協調』
等等....

再加上...
懷孕真係好似考試咁，
每次的產檢就好似派成績咁...
幾多野係合格
是但一樣唔合格自己都會好唔開心，
希望下次可以追返或合格，
o個個壓力真係好大，
對於自己的不適/ 辛苦已經唔重要，
心中只但求bb 在肚中生長得好好/健康就可以!!

慶幸自己懷孕9個多月當中，
都沒有嚴重的不適，
嘔吐.. 作悶...沒有胃口 -- 我都沒有，
水腫... -- 輕微啦!!
體重... -- 頭尾都係重左9.5kg 咋!!
抽筋... -- 輕微啦!! (五次以下)

只係....
嚴重的腸胃痛、間中的肚瀉令我好辛苦，
因而令我要介食好多食物，
對我來講真係... 唔係問題囉!!
習慣晒..

到懷孕後期，
先開始緊張，怕bb 唔足月出世，
怕唔知有幾痛，
怕唔知係穿水/ 陣痛定係見紅...

不過真係唔到你諗咁多架!!
(但我心中都有同bb 講，我好笨架!! 不如見紅先，唔係我發現唔到)

我自己都估唔到自己可以撐得到 那10 級痛 ，
(幸好是5 hrs 咋... 唔係一定唔得)
o個種痛真係唔知用咩黎形容，
一種令人死去活來的痛，
簡直係"畢生難忘"

o個刻真係覺得媽咪真偉大，
痛完都可以再生...
而我... 痛一次就好啦!!

別人常跟我說: 唔好叫老公陪產
但我覺得呢個咁難忘的時刻有老公陪住同支持係好幸福的，
所以我冇刻意堅持，
但老公自己又願意 + 時間又match 到，
我都冇法... 係天意啦!!
(事後... 老公仔話... 唔驚!! 冇事我都放心d )

不過我都好多謝老公... 對我的鼓勵同支持，
雖然佢全程都係講" 加油呀!! 你得架!! 欠小小咋.. 努力呀!!"
不斷repeat & repeat，
o個刻覺得好煩架...
但之後諗返... 又唔係wor... ^ ^

整個懷孕過程，真係好感謝上天對我的好!!  

搶閘出世

2012.07.13 (Fri)

今日原定是請了假做例行產檢的日子，
但她卻破壞了我的...計劃。

02:30
如常去廁所返上床瞓，冇乜事..

02:45:
有種奇怪的感覺，就去廁所睇下，發現... 有血水，心諗唔係生得嘛?? ... 唔信.. 睇多陣先

05:30:
又去廁所, 仲係有血水，唉... 唔得啦!!
就返房同老公仔講
我: 好似生得呀!
老公仔: 入院啦咁，但我今日鋪頭要開門wor...
我: 咁我叫99陪我去，到時生得call 你啦!! 你記住聽電話呀!!
沖完涼洗埋頭就出發去TMH

05:55:
到達醫院，直上七樓，因為唔係 9-5，所以要去T7產房。
入到去做晒檢查先發現，我唔只見紅仲已經穿埋水，
吓... 一d 都冇"漏水"的feeling wor
由於子宮頸一度都未開，但又穿左水要留係產房。
入到去第一件事就當然係..."種豆"啦!!
因為產檢時驗到有B 型鏈球菌，所以必須打抗生素。
o個個唔知係咪新人的醫生，種豆種左3次先得，左右手都俾佢種過晒
唉... 為左阿b 冇計... 但求種到...

08:00:
醫生循房，話未開又唔識痛，要打催生針，咪打囉!!
阿姐俾埋杯粥水我飲，仲話飲晒佢呀.. 唔係就生完先有得飲同食架啦!!
哇... 咁我梗係飲晒啦!! (都唔知要等多久)

開頭都冇乜反應， 但漸漸地.... 支針開始黎料..

10:xx:
唔知咩時間，見有個姑娘行埋黎，

我: 有冇開度數?
姑娘: 冇呀.. 冇咁快...
我: 唔係ma... 一度都冇??
姑娘: 呢d 痛都未叫痛呀!!
我: 唔係5 mins 先痛一次架咩，點解我 1 min 痛一次架!!
姑娘: 係呀! 因為你要痛多d !
我: 吓... 唔啦.. 咁我要打"無痛"
姑娘: 我試下安排下

過左一陣間，
姑娘: 醫生做緊手術，我地亦有通知麻醉師，但未知佢地幾時可以，你要等下。
我: ok, 我等.. 但仲有冇其他可以止住痛呀!!
姑娘叫我聞氣，唉... 聞囉!! 唔係點好...

估唔到... 聞氣對我黎講係有效wor
聞到 high high 地都唔知過左幾耐.....

12:00:
wing wing 地的我又問姑娘

我: 點呀..開左幾多呀
姑娘: 3 度到啦...唔係wor... bb 頭仔好低，要入產房

入到產房，姑娘話 99 o係外面問我咩狀況叫我打俾佢，
大佬... 鬼記得 99 電話咩，仿且咁痛...
咪打俾老公仔叫佢同99 講囉.. 話未得呀

12:25:
我: 姑娘呀.. 生得未，我洗唔洗打俾我老公呀!!
姑娘: 你打定叫佢stand by啦!!

我咪急call 老公仔，佢話5 mins 內到。

一收線...
姑娘: 你生得啦... 等唔等你老公呀
我: 下... 唔等啦.. 等得到咪等囉!!
姑娘: 咁你一痛就用力生啦!!

12:35:
老公仔終於到左...
見到佢真係好開心，勁想喊
痛到死的我...
o係姑娘、醫生、老公仔的鼓勵、責罵同支持下，
用晒我全身的力氣... 生...

13:00
BB 終於出世啦!!
重2.36kg，是細碼B
恭喜晒....