Shopping with Mummy

媽咪終於由日本旅遊回來啦.... 勁掛住佢呀!! 鬼叫佢冇心肝咩... 八日都唔打個電話回來 (我地去親旅行... 日日都要打個電話俾佢架!! )，如果今次唔係同家姐、姐夫去的話... 我一定唔放心佢囉!!
yeah... 好開心今次又有手信... thanks mummy & 家姐姐夫...

↑ ↓ 勁開心收到我最愛的purin呀.. 日本出架.. 唔係ＨＫ... 仲有好好味的蝦餅.. 真係好鍾意呀!!!

媽咪落得黎YL搵我，當然會行下街先啦... 今日收穫一般啦...

↑ 真係頂唔順O個支SHAMPOO 啦... 所以就買咗呢隻試下... 希望WORK 啦!!

同媽咪食完晚飯後，送佢坐車返屋企... 突然俾我見到有對鞋o岩心水，咪去睇吓囉... ^^ 著咗又ok 舒服.. 再加上平ma... 六十蚊咋... 兩對加埋都係百二蚊... 勁抵!! 好耐都冇買過咁平的鞋，今次係平底應該冇事掛.. ^^

↑ ↓ 希望唔會著到腳痛啦... 如果唔係隻腳未好晒.. 我都唔會著平底呀!!

拍拖7週年紀念

今日係我同老公仔的拍拖7週年紀念大日子，可惜佢要上班未能同我一齊慶祝 (結果係我同奶奶二人世界... )， 好彩佢星期六同我預祝左咋... 唔係實嬲爆佢呀!!!
尋晚(即係今朝零晨)一踏入27/01，我就打電話問老公仔... 『喂..你有咩想同我講呀??』點知.... 佢居然係問我『你結咗婚開唔開心呀??』.. 我當然係O 晒嘴啦... 點會問我呢個問題架... 乜佢唔係應該同我講『我會更加愛你、錫你...』..唉..真係俾佢激死呀!!!
星期六(23/01)，我地去咗迪迪尼食buffet，仲順便去埋迪欣湖影下相...

↑ goofy ... yeah.. 可惜見唔到pluto... 唯有下次吧..

↑翠樂庭的buffet ... 我就覺得唔錯啦... 尤其係d 長腳蟹.. 勁甜勁好味..

▌日劇推介 ▌ 我的帥管家 (メイちゃんの執事)

我的帥管家

主 演：水嶋宏 榮倉奈奈 佐籐健 山田優 向井理
故事梗概:
從小是普通小喫店老板女兒的東雲芽衣，某天父母因事故身亡隻留下她一個人，卻突然出現一名男子，告知芽衣是日本第一財團本鄉家的繼承人。為了把芽衣培養成真正的名門淑女，她被送進了著名的聖露琪亞女子學院。

這裡所有人也和芽衣一樣，身邊都跟著一個英俊的男管家。不同的是，大家都是真正的淑女名媛，無法適應上流社會生活的小梅和所有人都格格不入。再加上喜歡芽衣管家的人是學校裡的老大，芽衣本來平凡簡單的生活真實發生了翻天覆地的變化

呢套日劇去年已經播咗，但係近排J2 先播，睇咗第一集之後，覺得幾吸引... 就上網追晒10集，雖然呢套劇唔係以愛情為主，但係... 唔知點解就係吸引人去睇wor... ^^ .. 可能太多靚仔掛...
當然男主角水嶋都唔差啦... 佢的笑容真係殺死好多女仔呀... 哈哈...

推介: ★★★★☆

腳傷了....

不知道何解由昨天開始右腳底開始痛，初時以為只係小小痛唔鬼理，照去行街街。 點知，到咗夜晚都仲痛，搽咗安美露舒緩一下先瞓。
到咗今朝，哇,... 勁痛!! 著好晒衫落咗樓返工，行到巴士站真係頂唔住，最後都係請假睇醫生 + 休息下，醫生話拉傷咗條腳筋小小，打咗支針止痛，二日後唔得就返去覆診，希望唔洗返去吧!! 好彩媽咪去咗日本旅遊咋... 唔係實俾佢鬧爆..^^
祝願我的腳早日好番吧!! (唔想再打針呀!! )

▌美妝 ▌ISQUEEN BB CREAM + LOTREE 碎粉

上個星期睇新MONDAY- HONEY 介紹呢隻BB CREAM，一見到係紫色... 哇.. 就吸引住我啦!!
咁咪星期日去MANNINGS 睇下幾錢啦... 又唔貴WOR.. HK$138 仲有玫瑰蘆薈HAND CREAM 送，梗係買黎試下啦!!

↑ 用後感... 覺得都唔錯.. 我覺得好過SKIN FOOD o個隻LAW!!
另外，行開COLOURMIX，諗住買碎粉... 經SALES介紹下買左呢隻韓國LOTREE(當然又係鍾意佢係紫色啦!! HAHAHH..)，我唔知係咪算貴 ... 要HK$260.. (送埋個細盒FOR 出街)

↑ 用後感... 唔錯.. 好自然.. 對於唔多化妝的我就VERY GOOD... ^^

三年前的今天....

三年前的今天.... 我失去了牠....
原來已經三年啦... 時間走咗，但係就冇帶走埋我的傷痛、我的思念... 我真的很想念牠 - 我的心肝寶貝。
唔知道佢O係天國的另一方正在做緊咩呢?? 有冇掛住我呢?? 幸福嗎??
我好想話佢知... 老公仔已經實踐我地三人約定的承諾啦... 我知道仔仔佢會好開心，因為媽咪嫁得出... !! 唔知仔仔有冇搵到女朋友仔呢??
仔仔... 好耐冇夢見你了... 媽咪今天特別住你呀... 好多話想同你講，但係唔知點解總是說不出.... .. 我真係冇用呀...
**************************************************************************
今晚我獨自一個食晚餐.. (因為老公仔返夜, 奶奶出左街) ，一個人咪o係屋企留下的美心隨便叫個石頭鍋飯食，一路食一路望下周圍... 見到好多人都係獨自一個食飯，當然以男人比較多，突然覺得好唔開心....
我在想... 爸爸每天都係自己一個食飯... 原來係好孤單架... 而我起碼都仲有奶奶陪下，(我諗我要多d 陪下爸爸食飯!!) 如果日日都自己一個人.... 唔知我會變成點呢?? 好強烈的失落感覺呀.... 我唔要呀...
未結婚前..我都唔係好怕孤單.. 點知結咗婚之後，好唔想自己一個人呀... (多麼的希望老公仔可以每天陪住我呀... 我知道冇呢個可能，而我亦唔想令佢唔開心!! 唯一辦法... 努力學習一個人吧!!)

↑ 美心的石鍋飯... 一般啦!! 多d kimchi 會好好多!! ^^

回顧2009

2009 年轉眼間就過左啦!! o係呢一年，我可以話將全部時間放o係結婚事上，所以感覺都幾充實。

2009年對我黎講，原本以為係一個完美的一年，因為可以在父母及好朋友見證下結婚，嫁個好老公，再加上家中的小姨甥女亦帶俾我地好多歡樂 …
只可惜o係2009年最尾的一天，就打破左呢年的完美… 親愛的姑婆離開咗我地!! 雖然家人講「哇… 姑婆都90幾啦… 我地應該開心而唔係傷心。」，但係… 對於我黎講，第一次要面對至親離去，點可以唔難受呢?? 唉… 只好將它收藏於心內… 笑住跟姑婆告別!! 姑婆…. 我地會想念你的!!

人生就係咁… 一定會有開心同唔開心的，冇野係完美，咁先叫做人生嘛!! 係咪??? 我而家只求2010年我同我的屋企人都身體健康咋….^^