媽咪搬家

由今天開始，媽咪就會stay o係”豆家”囉!! 佢話可能要兩個星期後先會返下黎屋企呀!! 要見媽咪就一定要去”豆家”先見到，嗚嗚… 突然好似俾人搶走左個阿媽咁 。

其實一早已有心理準備，當小豆兒一出世，媽咪就會去”豆家”照顧豆媽+豆兒，但原來到o個刻真係會好唔習慣架，一諗到放工返屋企食唔到媽咪煮o既、飲唔到佢煲o既湯，就會好唔開心咁。 (好彩可以去豆家食飯咋!!) 媽咪呀!!!

我梗係冇同媽咪講啦… 費時佢擔心我地，話晒我地都咁大個人啦!! 唔識煮都會識去買野食。唉…. 我諗我要搵下有乜野係easy to cook 先，唔係餐餐出去食，一定好 “金”呀!! 仲有呀!! 要開始同部洗衣機打招呼啦!! (我多數係負責曬o個個)，唔係佢罷工點算?? (罷工就打爆佢呀!!)

努力呀!! 大姨…

PS: 媽咪佢呀.... 好衰... 關手機wor，搵唔佢呀!! 到十點幾佢先打電話關心下我地咋!!! 衰媽咪!!

"小生命誕生"的威力

"小生命誕生"的威力同影響有幾大，你知道嗎?? 講真，我唔知囉!! 我未生過嘛!! 近年來接觸得叫做最多的bb是小契仔，但都係幾個月先見到一次咋!! 親戚??? 最細個表妹都十幾歲。

經過小豆兒(我叫"小美人")的誕生之後，我終於知道啦!!!

小豆兒讓我見証到..... 家姐懷孕時的過程(食得好、睡得好，不過水腫時就好辛苦)、家姐o係醫院待產的心情+過程 (係..好輕鬆囉，我諗係因為決定左開刀的關係)、入產房 (大家都勁緊張!! )、o係等候室等待佢的來臨(超興奮+期待，o個刻覺得自己勁似狗仔隊等候採訪獨家猛料咁呀!! 哈哈)、近距離接觸未沖涼o既佢(護士只係用毛巾抹乾淨咋)、家姐姐夫幸福o既笑容+大家四萬咁口o既樣 (尤其係姐夫呀!!)、佢甜甜的睡姿+ 勁犀利的喊聲(姐夫話簡直震撼整個產房呀!! 我諗過多幾日就可以見識得到) ，當然仲有我媽咪貼心o既照顧啦(簡直係無微不至，"有媽咪真好呀!!)，呢一切從未發生過o既事真係令我好難忘!!

記得之前聽媽咪講佢o既生仔過程o個時已經開始對生bb產生恐懼，到家姐之後，哇.... 仲更加驚囉!! 好似感受到o個種痛楚一樣咁，係超超超... 痛呀!! 之但係呢.....當見到家姐忍住痛楚+頭暈落床見小豆兒+小豆兒見到媽咪而喊得好勁o個一刻，深深感受到十個月連繫一起的母女情係幾咁奇妙架!! 簡直係無人能比呀!!

唔知係咪咁，令我對生bb o既睇法有所改變，唔知對我黎講係好定
壞呢?? 我諗對未來老公仔黎講，會係件好事囉!! (因為佢係鍾意bb架)，但係亦都有可能隨時會再變架?? 哈哈...

你話小豆兒係咪好有威力呢??

能夠見証到呢一切，我真係覺得好開心、好幸福，我的人生經驗又豐富左啦!!

↑瞓得好甜呀.... 小豆兒.. 你呀... 係咪識擇日架?? 唔係點會同華仔一樣呢??? 叻女!!

↑偉大的家姐，辛苦晒你啦!!

***********************************************************************************************
今日因為係CUT-OFF TIME (又係九點幾先收工呀!!)，所以去唔到醫院探家姐同小豆兒，有點失落TIM!! CUT-OFF 完到CLOSING，我諗我要到後天先可以見到佢地，有時我都唔明白一個月點解會有二個CUT-OFF TIME+CLOSING架??... 前前後後加埋就變左一個月最少要五日OT咁... 何必呢???)

***********************************************************************************************PS: 哇... 呢篇咁多字o既，好犀利呀!! 我都嚇左一跳呀!! 哈哈!!

一個萬人期待的大日子 - 2009年9月27 日

小美人終於出世啦!!!

等左差不多兩個星期先肯出世，等到我地全家上上下下都好緊張+失眠，而家可以輕鬆下啦!!!
話就話好似輕鬆左，但係興奮的心情仲未肯平伏呀!! 無論係.. 小美人的爸爸、媽媽、太婆太嫲、爺爺嫲嫲、公公婆婆、姑婆姑公、叔公叔婆、姑姐阿叔.... 當然仲有我呢個大姨+未來姨丈、細姨、肥舅父，大家都笑到見牙唔見眼呀!! (唔講人地可能以為係我生呀!! 實在係太興奮啦!!! 哈哈 )
家姐真係好叻，佢能夠克服恐懼，唔怕辛苦為我地劉家+梁家誕下小美人 (四代同堂啦!!!)，真係唔係一件容易o既事。未出世之前，家姐話醫生計過小美人只會係六磅多，但係.... 點知原來係八磅二呀!!! 大家都"O"晒嘴囉!!! 哈哈...

(好勁呀... 家姐!!! )

(小美人... 錫晒你呀!! 你要乖呀!! 要錫媽咪呀!!)

(眼仔大大... 好可愛呀!!! 哈哈)

(第一張合照... yeah... 快d 去洗白白啦!!!)

▌電影推介▌『我和尋回犬的十個約定』~ 10 promises to my dog

今日一早男朋友仔就陪我去左睇期待左個幾月的『我和尋回犬的十個約定』，好開心呀!! 仲諗住佢唔會有時間會陪我 tim，哈哈...

***********************************************************************

<<劇情>>

在Akari (亞嘉莉)14歲的時候，最疼愛她的媽媽病倒了，小小年紀的Akari努力的想要振作精神，這時，一隻可愛的小狗來到了Akari的家，貼心的狗狗很快的得到了Akari的喜愛，也和他成為最好的朋友，因為小狗狗的腳掌看起來就像是有穿襪子一樣，所以有了這個有趣的名字--“襪子”；每一天都是“襪子”陪伴著Akari度過失去媽媽的日子，而Akari也是對”襪子”呵護倍至。然而，當Akari慢慢長大，她開始有了新的朋友和興趣，也因為求學的關係而搬離了家裡，於是她和 “襪子”之間的距離越來越遠…不過有一天，她突然想起了她和”襪子”之間的10個承諾…

***********************************************************************

我和尋回犬的10個約定1 請永遠都做我好朋友
2 請相信我，你的信任讓我感到幸福
3 請緊記我也是有感受、有生命的
4 當我不聽話時，我自然有我的理由
5 請視我為傾訴對象，雖然我不懂說人話，卻聽得明白
6 請勿向我動粗，若認真打起來，別忘記我的牙比你更強
7 即使我老了，也請繼續做我好朋友
8 請記得你會上學，會結識其他的朋友，而我，就只有你一個
9 你知道我最多只有十多年的壽命，無論如何，請陪伴我左右
10 當我離世時，請你陪伴在我身旁。然後，你別忘記，我也一直愛著你

***********************************************************************
其實睇呢套戲之前，我都諗定自己一定會喊架嗱!! (咁當然係冇估錯啦!! ) 結果居然係開心地笑多過傷心地喊wor!! 點解? 唔...

睇完呢套戲我明白左人與狗仔之間的約定，好多養狗o既人都會漸漸地忽略左佢地之間的約定，而我亦係其中的一個。戲中的女主角好幸運，可以及時記起。但係我... 就唔可以。當仔仔離開我時，我冇陪伴在佢身旁，要佢獨自面對，我連『多謝你，我愛你』都講唔到，我真係好後悔架!!

不過時間讓我明白到仔仔的選擇，一定有佢的理由。我諗佢寧願選擇自己痛苦，都唔想我會更加傷心，佢想我腦海中只有美好的回憶。

乖仔.. 多謝你，我掛住你呀!!

↑好可愛的金毛呀!! 抵你當選做我至喜歡的狗狗!! yeah

新工作

轉眼間返左新工已經二個星期啦!!

唔...慢慢開始習慣到，同事亦都好好。暫時工作量唔係好多，所以感覺好輕鬆咁。不過我居然OT左三日咁多呀 (做到九點先走)，冇計啦... cut off period 嘛... 雖然我唔係好幫得手，但都有留低support 下o既，再加上有好好的OT PAID嘛!! 哈哈...(我係貪錢精.... )

希望自己可以快d適應到啦.. 當然梗係要順利過到probation!!
***********************************************************************

今日收到舊同事 Carol 的 message話『好掛住我』，講真!! 我都好掛住D舊同事ka，話晒之前日日都好多歡樂嘛，又有人同我講下『鄉下音』、『爛gag』、『是非』...，而家冇得講，真係有點兒唔係好習慣咁。我諗天真FAN開始要告別『天真』啦!!! 唉，可惜、可惜....!! 唯有面對現實吧!!

舊同事快D約我食飯聚一聚啦!! 以解我相思之苦呀!! 哈哈