明天會是如何呢

『要面對的... 始終都要面對』

究竟明天我應該點開口好呢??? 佢又會點對我呢??

加油呀... 天真FAN

▌韓劇推介 ▌你來自哪顆星 (넌어느별에서왔니)

有一日weekend 的下午，o係冇意之中睇到呢套韓劇，開頭都唔知講乜ka，因為我睇o個時都已經係第三四集，點知男朋友仔話我知『呢套好似好好睇ka!』..吓... 佢好小會留意劇集ka wor，佢話好睇咁咪睇下囉!!

唔... 睇睇下.. 又真係幾好睇咁wor。 雖然係好平凡的愛情故事，但有歡笑又有淚水，景又靚，真係幾吸引人，值得睇下架!!! 仲有個導演就係拍"FULL HOUSE"o個個。點可以唔睇呢??

『人死後，就會再回到她原本的那個星星！』─ 金福實

↑男主角- 金來沅 + 女主角 - 鄭麗媛

書展

一年一度的書展開鑼啦.... 又係我同好姊妹sandy 出動的日子，哈哈..

今日都唔算好多人， 好快就入到去，仲係10蚊入場。(我諗係我地早去掛... 十點幾就出到去尖咀食早餐wor...)

不過收穫唔係好豐富，只係買左幾本書咋... 可以叫做冇大出血咁law... 哈..

↑因為表妹勁鍾意dolphin，所以一見到一定要買俾佢。

↑ 只係買左五本書咋.... 比起上年少左D la...

今日終於捨得用我今年第一份生日禮物啦... 因為係自己choose，所以好鍾意。俾錢當然係...米飯班主 - 男朋友啦.... 哈哈...千幾蚊咋ma.. 佢唔會肉痛o既.. 呵呵!!

↓surprise gift... .. 好姊妹好有心咁買左d狗狗俾我，好可愛呀!! 仲有purin 咭 tim，好開心呀!!! 愛死你呀... (期待你今年送俾我的生日禮物..哈哈!!)



第二至愛2

今日又俾我見到啦.... 又買... 哈哈 ..

點解今年會出咁多o既? 都唔知開心定傷心好呀??? (唉... 又俾媽咪鬧爆左law..)

放不低???

今日係普通話班 last class，亦都係 exam。Exam 有二part, 一係『聽試』，二係『口試』。話就話學左十九堂(冇返六堂)，但係..... 好d law.... 比以前講得順好多。

『聽試』都係撞下咁，『口試』冇得撞... 死就死啦唯有... 題目係抽的，我抽中的是『我最愛的一種小動物』，咁我當然係講『狗』啦!! 點知就係咁出事...

一路講... 忠心、可愛、係人們最好的朋友.... 噢.. 就係咁.. 不知不覺間眼晴開始充滿了淚水，死忍.. 都係唔得... 只好同老師講.. 等等.. 可否俾我休息下再黎過..
救命呀... 仲乜咁冇用呀??? 難道講下『狗』都唔得??? 乜我唔係放低左ka 咩?? 點解會咁?? 我諗我係自己扼自己吧!! 表面上話放低，但係心根本唔肯咁做。何苦呢我??

我知道上天唔會俾返仔仔我ka la... 但我仍然很傻的期盼有一天我醒來會見番仔仔o係我身旁。“天真FAN”呢個花名真係好適合我呀!! 哈哈..

結婚博覽會2008

又黎一個結婚博覽會啦... 之前三月o個個，媽媽、家姐、阿妹同左我去，睇之餘都有join左婚紗攝影。話晒都仲有年半多時間，所以o個時睇多過join。諗住唔洗急啦... 大把時間嘛..係咪??

今次七月呢個... 原本諗住唔會去，但點知同男朋友仔講，佢又肯陪我去wor.. 哈哈.. 簡直唔係好信呀.... (都真係去左先信咋... 好開心呀!!)　咁佢都有份結婚ka ma... 點可以唔幫手攪下呢?? 不過今次都係冇咩收穫.... 仲多左好多個『煩』字tim....點算好你話??? 如果我有好多錢去攪呢個wedding，就唔洗煩，但唔係ma... 樣樣都要平靚正，肯定煩死我啦!! 幸好有家姐比意見... 太幸福啦!! thanks my sister...

Make Decision??

由細到大我都覺得決定一件事點做係好難架，好怕自己會決定錯左。

就好似..食乜野好?? 食邊樣野先?? 買定唔買?? 幫定唔幫?? 做乜好?? 去邊到玩?? ... 人生好似每樣野都要作出決定/選擇咁..

而家我又要為自己的事業作出決定啦!! 走定唔走?? 轉乜好?? 我真係唔知自己應該點做好?? 你問我係咪好唔滿意呢份工，唔... 老實講，唔討厭law，但又未到鍾意咁law。雖然d 同事係好好、日日都有可能有新野學，之但係..... 對於口才唔多好的我，事問又點做到好 insurance broker 呢??? 交際應酬我又最弱，長遠黎講，我諗我會好辛苦，又或者係我冇用冇膽去挑戰掛。

唉.... 究竟我應該點做好呢??