A-LEVEL 放榜

今日又係一年一度的中七放榜大日子，平時我都唔會刻意留意，今年就例外啦!! 冇計架，鬼叫劉家四小姐係考生之一咩。 大家都好緊張佢的成績，因為我地好擔心佢好似會考咁..(喊住話要讀書..)，所以一收到佢電話首先一定要先了解下佢的反應。

妹妹考得唔算差，比佢自己/我地預期的好，只係英文唔合格攪到佢心情down晒，就算其他科考得幾好都冇用。升到U的機會係好微。唯有叫佢搵其他課程讀囉，明年repeat番英文。
講真我都冇諗過佢會有二個 C (早知就唔好應承佢話每個C 獎勵佢$300啦.. 而家仲二個tim.. 大獲)，不過佢肯努力讀書，獎勵下都應該o既!! (鬼叫我得一個妹妹咩!!) 唉... 做人姐姐真係唔容易，興幸仲有大家姐咋!!

變態女上司

點解我會有一個咁變態的女上司架?(我叫佢做"變態婆"呀!!)

佢真係勁過份囉!! 要我數佢d 缺點真係有排數呀!! 見到佢真係好激氣架。

就好似今日咁，講下電話姐... 又俾佢叫咗入房，唉.. 都已經唔係第一次。半年前新入職的第三日已經俾佢照咗一次架啦!! 我都只係傾咗一、二個電話咋嘛!! (勁唔彩的是二次佢都係行過見到) 仲咩唔傾得電話先? 咁你就唔好放個電話o係我張枱啦!! 係咪一定係要call客的同事先可以講電話先? 佢簡直係... 超低能 + 勁白痴呀!! 原本心情唔係太差，就咁俾佢攪到差晒。天呀.... 係咪所有的女上司都係變態架呢?

PS: 今日係偶像鄭智薰RAIN 25歲生日，『HAPPY BIRTHDAY TO RAIN!!』

▌電影 ▌忘了忘不了

(一套已經好耐但不錯的愛情片)

“這一字一句，銘記我倆深情，若在遙遠將來，我在某處迷失，請你喚醒我的靈魂，讓我再和你相戀一生…”

一個女人每天聽著記事本內同一個愛情故事：故事主人翁諾亞與愛莉一見鍾情，卻歷盡試煉，緣來緣去，阻隔不了二人的熾熱激情…這個女人著緊故事中人的發展，卻同時觸動自己心靈深處的幾許片段，揭發一個感動人心的秘密.....

(一向不會主動睇西片的我，尋日居然心血來潮睇咗呢套戲，哈哈... 弊啦...咁就愛上咗啦... 對於憧憬浪漫而長久愛情的我/女仔，你會o係呢套戲裏面搵到o個種感覺。真係好warm+好touch呀!!

)

沒有仔仔的日子~第175日

上年的端午節，媽媽擺咗三隻糉o係地主公公前，頑皮的仔仔居然靜雞雞偷咗一隻黎食，如果唔係俾我地發現到佢食剩d糉葉，我諗都冇人知道佢仲乜唔食野+飲好多水。

仔仔佢真係好鬼為食，見人食咩佢都流晒口水對住你。真係名副其實的『為食狗』呀!!

今年我好想見到其中一隻糉唔見咗，但係..又點會有呢個可能呢? 有d野失去咗，就係失去咗! 冇得改變個事實。

唯有回想番o個段美好的回憶吧!!!

仔仔，我好掛住你呀!! missing u.......

無無聊聊

因為工作上冇咩野做,所以開多咗個新BLOG。
我唔知為乜架... 應該係玩厭咗Xanga掛，要到其他地方玩下嘛。
如果唔係咁... 你諗下o係公司冇野做的我可以做d咩呀...

最多以後咪走黎走去law.... 哈哈..