▌台劇推介 ▌愛上兩個我 (Fall in Love With Me)

【內容】: 炎亞綸挑戰廣告總監路天行和陽光型男小鹿兩個完全個性不同的角色，與李毓芬飾演的陶樂思展開了一場唯美浪漫的愛戀。

【主演】: 炎亞綸、李毓芬、李運慶、王凱蒂

【集數】:  20集完

*****************************************************

【觀感 / 評價】

都有一段時間冇煲台劇了，

原本係睇"你照亮我星球"先的，但未睇晒第一集已棄劇

跟住見呢套劇情唔錯就煲下啦!! 

唔!! 不過不失吧!! 有點兒拖長... 節奏快D會好睇D

男女主角演出尚算可以，但唔太突出!!

結論係"睇完就算"!!

推介: ★★★☆☆

返睇: ☻☻☺☺☺

▌美容 ▌ Hanyul Moisturizing Cure Balm (韓律 - 紫雲膏)

嘻嘻~ 有睇年頭的"星星"就一定知係乜野

咁耐都冇買黎試的主要原因係HIT 過頭

HIT 一定會炒貴晒啦~ 到而家熱潮過後，就會平好多

好野唔怕遲試喎! 係咪?

Hanyul Moisturizing Cure Balm (韓律 - 紫雲膏)

人氣熱賣頂級韓方草藥品牌，屬於Amore Pacific旗下，雪花秀的姊妹品牌 

蘊含韓國醫學千年古方「紫草精華」，有效深層保濕、修復舒緩 採用韓國本土培育的草藥成分，如蓮花胚芽提取物、白芝麻油等 萬能功效，能滋潤修護面部、嘴唇、指甲、身體及頭髮等部位 

質感柔滑易推，塗抹後能迅速被吸收，長效滋潤，不感黏膩 成分天然，不含礦物油及化學防腐劑，適合孕婦、敏感肌膚使用

身體任何部位都用得,化妝前用得,沖完涼用得,蚊蟲咬傷用得,咀唇爆拆用得

主要功效: 
滋潤乾燥的面部及身體肌膚，預防及改善細紋、妊娠紋等 鎮定因氣溫變化、日曬等引起的泛紅肌膚 妝前保濕，令肌膚更加平滑，達到水潤底妝的持久效果 修護唇部肌膚，撫平唇紋，預防乾燥脫皮，可厚敷作唇膜使用 滋潤鼻翼、唇部周圍的乾燥肌膚 滋潤指甲周圍乾燥肌膚，軟化角質，增添甲面光澤 軟化手肘、腳跟的老化角質，回復柔軟嫩滑 修護受損髮質，改善乾早開叉、蓬鬆亂翹的情況 舒緩蚊叮蟲咬後的紅腫痕癢情況

叫佢做萬能膏都得吧!! 咁多功效? 唔怪得咁多人用啦

用後感:

小FAN 自己個嘴唇係長期處於易脫皮 (夏天有時都會)，所以一到冬天，我真係爆到七彩架! 要凡士林不離身，紫雲膏同凡士林比，當然係凡士林潤好多，但紫雲膏就搽上去冇咁苙痴痴+細細盒+有小捧仔，方便同衛生好多。可以話各有各好!  

Welcome to S.K.Y. Lovely Family

http://www.hanyul.co.kr/product/jawoondan_balm.html

▌美容 ▌Guerisson 9-complex cream (韓國馬油)

相信近期冇人唔識呢樽野? 
又或者.... 冇人唔知咩係馬油?
一直都好想試用，但又怕敏感喎! 

不過~ 不知為何小FAN 呢期額頭勁爆瘡?
唔知係因為壓力大? (應該冇) 瞓得唔好? (小霸王一晚踢被N次) 定係姨媽到? 
所以就決心買黎試下 ♥

Guerisson 9-Complex Cream

主要成份：

馬油成分(德國產)，神經酰胺，尼克酰胺，腺甘，薄荷葉提取物，蘋果薄荷葉提取物，鼠尾草提取物，迷叠香葉提取物，薰衣草花提取物，西洋玫瑰花提取物，香蜂葉提取物，洋甘菊葉提取物，佛手柑葉提取物。 含有有助於恢復受損肌膚的德國產馬油成分的面霜高純度神經酰胺還原肌膚狀態，72小時保濕，增強彈力，補濕，真皮密度提升，強化肌膚保護膜有效去痘印、疤痕、妊娠紋、抗祛斑、抑制色斑，緩解皮炎和燙傷等功效，同時兼具美白保濕的功效。 

功效：

- 美顏保養：補水、淡痘印、皺妊娠紋、疤痕、抗皺、色斑 

- 可作日霜及晚霜使用 

- 可作潤膚油，全身使用

- 嬰兒濕疹、燙傷、凍傷等問題

- 100%德國馬油製成，無添加配方，敏感膚質和嬰孩可安心使用 

- 馬油和人的皮下脂肪成分相似，有利於皮膚的吸收滲透，有良好的保濕效果 

使用方法：

使用精華素後，在最後提取適當份量塗於整個面部，並輕輕拍打幫助吸收

每樽都會有個小小"筆"，方便取出適量馬油同會比較衛生   ♥

用後感: 

用左兩日，小FAN 額頭 D 瘡已經結蕉，皮膚都好似冇咁乾，尤其係呢期天氣咁鬼乾燥，搽完面搽埋手腳都得，勁潤!! 值得一試，哈哈 ~ ♥♥

Welcome to S.K.Y. Lovely Family

▌香港遊 ▌聖誕裝飾 ● APM※ MCP※ THE ONE...

近年商場的聖誕裝飾真係越來越多、靚

商場與商場之間好似比賽緊聖誕裝飾咁

對我地黎講都可以叫做好事架

多左咁多靚景俾我地影相喎!! ♥♥

不過 ~  全港九新界咁多，要去晒真係唔係易事

唯有揀吧! ~  

呢個星期日，去完學校親子遊戲日，我地就即刻坐車出發

『商場聖誕裝飾 ~ 1 日遊』

今日主要目的地係將軍澳，坐巴士去到APM

順路就睇埋SNOOPY

曾幾何時都有鍾意過佢的 (PURIN 未出現前吧~♥)

其實SNOOPY 都好得意!

現在所見應該最小都有成三十幾個SNOOPY

佢地係迫到冇位行咁，好犀利!! 由於太太太... 多人，只好影D 特別的吧~

見到呢個皺紋版SNOOPY.... 有D起雞皮的感覺，哈哈~ 

影多一兩張相後，我地就坐地鐵去將軍澳寶林新都城

唉.... 係去與唔去之間，小FAN 都諗左好耐

火星黎呢到太遠啦?  但至愛喎? 

最後 ~ 小FAN 就問小霸王去唔去睇? 佢居然一口答應 ♥ 

咁就冇解釋唔去啦!! 

OMG ~ 好金光閃閃呀!! ♥♥♥♥

估唔到原來咁多人鍾意佢，小FAN 冇排波波

只係借人地個波波影張相咋! 
一來唔想排，二來攞返屋企又冇乜用。
都係影相留念算吧~ 

不停影呀~ 影呀~ 影呀~ 

小霸王今日就做左我的小主角

♥ 我的最愛一齊合照 ♥

好鍾意金色的聖誕樹，好閃好靚!! 

小霸王: 布甸太太，我地去o個邊行街啦!! (設計對白)

哇!! 好多布甸狗的物品 ♥ 

小霸王: 呢個我地屋企都有啦!! ♥

當然啦~ 媽咪床下底仲有好多冇攞出黎呀! 

同布甸爸爸一齊坐雪車

  ♥ 好型仔的Purin + 好高貴的Macaroon  ♥

小霸王好鍾意呢個杯，不停偷望個杯有乜野 

興奮+快速地影完一輪相之後，

就打算去隔離的 Leonidas 食 purin tea set

噢~ ALL SOLD OUT

冇得食? 四點咋喎?? 

睇返個 menu 先知係每日售30份咋!

真係好唔開心囉!! 賣咁少就唔好成日promo 啦! 激死我呀!

竟然tea 都冇得食，此傷心地就不久留了!

坐巴士出返 TST吧~ 

行過THE ONE，有小朋友好鍾意的比卡超  ♥

大大隻好得意  ♥ PI-KI-CHU

跟住係M 記坐低食小小野就去下一站 - 海港城 TOYSRUS

係時候要買聖誕禮物俾我地的小霸王囉!

買完之後，我地就出海旁影下相先  

小FAN 覺得今年冇上年咁靚，一個閃咋!

影出黎冇咁靚囉! 

(左) 係上年影的 ， (右) 係今年影的

小霸王大個左好多，已經唔係咁易影到相

要九秒九同用好多口水先叫到佢影

影完海港城就行去1881

唔~ 唔鍾意~ 唔靚~ 勁多聖誕樹

感覺一點童真都沒有，失望! 

跟住就沿海旁行去尖東 

點解今年小左咁多燈飾? 望住對面海.... 完全係.... 

我知係響應環保，但睇聖誕燈飾係一個傳統咁，一個長久以來的一個習慣

怎麼可以沒有了 ??  難道要變成一個回憶??

幸好尖東那邊仲有咋!! ♥

(上) 去年的duck duck ，(下) 今年的panda 

估唔到小霸王仲記得隻duck duck，問我去左邊呢?

(左) 去年 同 (右) 今年.....

同一位置換上不同的人，哈哈 ~ 

你地有冇諗過我感受架? ♥♥♥ 唔可以咁甜蜜呀 ♥

(睇下你地好得幾耐? 哈哈 ~ ♥)

睇完燈飾，我地去左元氣食晚餐! 食飽飽後就返屋企囉!

呢個就係小霸王今年的聖誕禮物 ~ 係小FAN 想買俾佢好耐的"收銀機"

返到屋企，佢已經急不及待開黎玩啦!!

愛行超市的小霸王完全唔洗教佢就上手了，仲有板有眼! 

Myolie's Supermarket 開張啦!! 

歡迎光臨 ~ ♥

Welcome to S.K.Y. Lovely Family

Date:   2014.12.07 (Sun) ~  2y4m24d
Place: APM / MCP / THE ONE / TST

PN 班 ~ 親子遊戲日

上一次學校的親子旅行

因為時間同地點.....  小FAN最後決定唔參加

今次的 『親子遊戲日』就變得不能不參與了

唔想再錯過了解小霸王學校生活的機會!! ♥

 『親子遊戲日』

雖然 11:30 開始，

但我地冇早到，只係依照通告上PN AM 班表演集合時間 12點到

表演 ??  好期待呀!! ♥

今日Dress Code: 學校運動作 / 有聖誕氣氛的服飾

登~登~登~登~

我地當然選擇便服啦!! (之後要去街街 ♥)

紅噹噹的帽子 +衣服    應該都合晒主題吧!

學校門口的大大掛布裝飾

入到學校，先帶小霸王到課室集合

我同爸B 就參觀下先

哇!! 呢個就係『親子聖誕飾物設計比賽』的得獎作品啦!!

(想睇下小FAN 的作品可以去 PN 班の親子聖誕飾物設計比賽)

有D 誇張吧???   飾物咋喎!! 

小FAN 真係想像唔到飾物可以係咁大囉!! (一張枱仔咁大)

不得不讚下家長的心機，犀利 ♥ 佩服 ♥

相信小FAN 明年都要更用心吧 ♥

哈哈 ~ 入小霸王上堂的課室

搵到佢的薑餅人，好攪笑! 

參觀完，我就返去睇下小霸王有冇乖乖地先

爸B 係門外偷偷望左佢好耐，

佢話好多小朋友喊緊，小霸王都好似想喊

點知?? 唔係囉!!

小霸王只係不停周圍望下搵下我地咋!! 

佢完全冇喊，仲好乖咁排隊準備表演

♥ 叻叻 ♥ ♥ 叻叻  ♥

表演地點: 學校大門外

表演項目: 一齊跳舞舞

音樂響起.... 有D 小朋友跟住老師跳

但我家的小霸王仲係到發緊夢囉   呵~呵~ ♥

叫下佢，佢先如夢初醒 

跟住就好開心跟住跳舞拍手

第一次就小朋友跳，第二次家長仲可以一齊跳埋一份

跳完舞，我地就可以返入學校玩遊戲

每間課室都有不同遊戲

呢位小朋友，你可唔可以合作小小呢?? ♥

我地冇樣樣都玩，只係揀左D 冇乜人同簡單遊戲玩

DIY手工

你睇佢幾咁認真 ? ♥♥

呢到係玩拋枕頭!! ♥♥

估唔到小小枕頭都咁吸引小朋友

大約逗留一小時左右，我地就離開了!!

因為太多人，同埋我地有下一站要去

♥ 希望再有機會參加更多親子活動吧 ♥

Welcome to S.K.Y. Lovely Family

Date:   2014.12.07 (Sun) ~  2y4m24d

Place:  Kindergarten