【劇集內容】
講述的是擁有億萬資產的IT企業社長日向徹與就業困難的東京大學理學部大四才女夏井真琴間灰姑娘和王子的浪漫故事
“我的程式裡沒有這種女人”，“我學到的教科書裡，沒有這種男人。”
【劇集簡介】
是日本富士電視台於2012年7月9日至2012年9月17日播出的月九連續劇
集數: 11集完
【人物介紹】
日向徹 (小栗旬 飾)
29歲,NI創始人及社長,WW創始人及社長
夏井真琴 (石原里美飾)
23歲,NI員工,WW創始人
朝比奈恆介 (井浦新Arata 飾)
36歲,NI創始人及副社長
朝比奈耀子 (相武紗季 飾)
25歲,恆介的妹妹,新銳廚師
*******************************************************************
【觀感 / 評價】
好耐都冇睇日劇啦!!
因為喜歡的暫時沒有拍劇
新演員又唔係咁識
但最近搵韓劇搵埋日劇
見到呢套咪睇下囉!
日劇出名集數唔多
所以易煲d !! 哈哈
唔!! 呢套劇不過不失啦!!
男女主角都演得不錯
推介: ★★★☆☆
返睇: ☻☻☺☺☺
2014.05.06 (Tue) ~ Day 663
一直都在想 ? 應該買咩書桌俾小霸王呢?
當然心目中早已有左目標
但因為... 價錢實在是.... 太貴，
而且屋企真係冇咁多位置放
咁就唯有放棄... 再諗諗計
哈哈! 係我未諗點計之前
小FAN 唯有割愛
借出已有十年歷史的布甸狗小小茶桌
坐在地上加個小小座墊
FIT 晒
暫時用住先
等你大個小小，媽咪就買張大書桌俾你!!
【劇集內容】
是一部講述經歷愛情和離別、成功和挫折的四個花樣男士的四人四色羅曼史。
四個從高中時代就是死黨的男人：金道振（張東健飾），一位玩世不恭的“毒舌男”建築師；林泰山（金秀路飾），一位粗放狂野的“純情男”；崔潤（金民鐘飾），一位體貼多情的“關懷男”律師；李正錄，（李鍾赫飾）一位遊手好閒的“花心男”。本劇講述了這四個性格迥異的男人，所經歷愛情和離別、成功和挫折後，不再被世間任何事物所迷惑的浪漫喜劇愛情故事。而故事的主線集中在鑽王老五金道振和爽朗性格的高中教師徐伊秀（金荷娜飾）身上
【劇集簡介】
韓國SBS自2012年5月26日起播出的周末特別計劃劇，由《戀人三部曲》、《市政辛女皇》、《秘密花園》金銀淑作家與申宇哲導演聯合打造，描繪經歷愛情和離別、成功和挫折，四個渴望初戀般纏綿怦然心動愛情的中年男人上演的四人四色羅曼史。張東健在2000年出演《愛上女主播》後時隔12年出演電視劇，金荷娜則是繼《On Air》後二度出演金編申導的作品。
全劇: 20 集完
【人物介紹】
金道鎮 (張東健 飾)
建築師，單身主義者，總是很挑剔，毒舌是他的專長，不過還帶些知性。和高中兼大學同學泰山合夥開了建築事務所，在過程中也遭遇了失敗，因此失去自尊心、錢財，還患上暫時失憶症，所以要隨身攜帶錄音筆。拿手項目是分析和統計，喜歡追究前因後果，連人的感情也可以用來計算，但是遇上徐伊秀這個女人，卻怎麼都算不出答案。
徐伊秀 (金荷娜 飾)
高中倫理課老師，做人很有原則，個性帶有八分威武霸氣。暗戀泰山，為了他加入棒球隊「Blue Cat」當裁判。正打算告白之時卻知道了泰山想追求自己的好友兼室友世拉，於是將這份感情默默埋在心裏。然而這個秘密卻意外被道鎮知道，使得她開始慌張不安。
林泰山 (金秀路 飾)
被幾句話誘惑加上友情與義氣，向大公司提出辭呈，開始與道振自立門戶。但遺憾的是現在遇到公司危機，先要安撫意志消沉的道鎮，其後對付兇狠的債主。人家都說名字決定人生，事情堆得像泰山一樣高，就連戀愛也像爬泰山一樣辛苦，與世拉經常鬧分手，對這份愛情也漸漸失去信心。
洪世拉 (尹世雅 飾)
泰山的女友，從小聽膩了讓她參選韓國小姐，長大去當演員，選擇進入體育大學，21歲那年稱霸了韓國高爾夫球界，還有個「美女球手」的稱號。只做自己，不會因為任何事情改變，想成為泰山眼裡讓他迫不及待的魅力女人，可是泰山卻越來越少來干涉她，就連電話也都不打了。
崔润(崔允) (金民鐘 飾)
律師，朋友之中行為舉止最像大人，擁有成熟的思考模式，對這些人的弱點也都瞭若指掌。縱使妻子已經去世四年了，基於對妻子的思念至今仍戴着結婚戒指。看着泰山的妹妹迴音成長，現在卻變成一個愛着他的24歲女人，對於突然闖進來的迴音怎樣都束手無策。
林迴音 (尹真伊 飾)
泰山的妹妹，從小就喜歡崔允，被送到美國念書是為了制止她繼續糾纏崔允。迴音總是無法控制心中對崔允的愛戀，中斷學業回到韓國，繼續對崔允死纏爛打，也漸漸突破了他的心房，但是泰山十分反對他們在一起。
李正祿 (李鍾赫 飾)
咖啡廳社長，有過獨領風騷的過去，女孩們無不爭相放低姿態坐進他的副駕駛座。當年輕女孩不再坐上自己的跑車，他決定展開人生第二幕，從還肯和他聯絡的幾位姐姐中選擇了最有「價值」的敏淑結婚。婚後依然玩性不減，最後終於收到了老婆的離婚提議。
樸敏淑 (金貞蘭 飾)
正祿的老婆，44歲的她也許是吃防腐劑，就算說是34歲也有人信。美貌、財力、學歷樣樣皆有，但是敏淑卻很憂鬱，老公竟然是世上最難勾引的男人，用錢也無法解決生不出孩子和正錄的花心這些問題。忍無可忍的她下定決心把這一切都結束掉，好好地教訓正祿一番。
*******************************************************************
【觀感 / 評價】
哈哈! TVB 播o個陣都冇睇
諗住... 男女主角都唔係young 唔會好睇
但呢排未有新劇煲就煲下
發現原來不錯喎!
四個中年男士演得好好、好攪笑!!
雖然冇靚仔，但劇情內容好新鮮好吸引
真係要睇下!!
推介: ★★★★☆
返睇: ☻☻☻☺☺
2014.05.04 (Sun) ~ Day 661
點解放假先黎落雨架???
唔通個天都唔鍾意我地。
哈哈~
唔理得咁多
天氣真係變幻莫測的
春夏 - 唔係熱四你，就係落雨
秋冬 - 大風 + 凍四你
所以唔會再有話好天先出街
根本係冇等，難道放假都唔出街咩?
第一站 - 荔枝角公園
想去呢到好耐
見D Blogger 介紹呢到唔錯
諗住停雨一陣就去
真係停左一陣咁多囉唔該
所以只係行左一部份咋
俾小霸王見下魚仔龜仔就要走囉!
唯有轉去另一個地方
第二站 - 圓方
圓方可以話係
一個行得最舒服的商場
一個baby room 最好的商場
一個高消費的商場
一個最多休息處的商場
行得圓方就真係預左冇收穫
只係得個行字
其實我覺得圓方的H&M係咁多間中
最好行的，因為冇乜人
而小霸王最鍾意行的... 非它莫屬
THREE SIXTY
去左咁多次圓方都唔知平台有公園?
係同事話我知先知
今次就去八下先
如果唔係剛下完雨的話
都不錯
見出太陽就諗住去下海濱長廊行下
點知... 突然下大雨囉!!
連蚊貼都貼好架
唉!! 行都冇乜好行後
就坐巴士去
第三站 - 海港城
我去 TOILET 見到
倆父女係到做乜?
原來係小霸王見到英文字母
哈哈~
跟住去左玩具反斗城行個圈
一直好想買部收銀機俾佢
但係..佢淨係鍾意錢咋喎... 吹漲!!
難得出黎
今晚就盡情食下... 放題先
上openrice search
見呢間有122個好評就試下吧!!
尖沙咀寶勒巷3-7A萬事昌廣場3樓302室
每位: HK$218 (加一)
+ HK$12/位就任飲
埋單: HK$506.-
6:30 入座
(任食 2 小時)
BOOK 枱已問左，佢地話會俾位小霸王
哇!! 四人枱好舒服
唔洗迫住食!!
呢方面已經令我加佢地分
仲會為小朋友準備餐具 + BABY SEAT
又加分
食物呢?
刺身 - 唔錯，都新鮮美味
其他食物都好好
只係壽司飯濃味左D
味道: ☻☻☻☻☺
環境: ☻☻☻☻☺
服務: ☻☻☻☺☺
衛生: ☻☻☻☻☺
抵食: ☻☻☻☻☺
一間可以叫做不錯的放題
可以再去食
但係 有個好大問題係
上菜太慢，走單 (走一半以上)
所以選擇直接叫佢追單會比較好
又或者想食的就重叫重叫再重叫
食飽飽就沿地鐵行去坐西鐵
小霸王發現左新野
佢好鍾意自動電梯
(佢心諗唔洗佢行、又唔洗抱喎!!)
2014.05.03 (Sat) ~ Day 660
小FAN 的髮型都有幾年沒太大改變了
如果冇記錯
應該係由懷孕時開始
9個月懷孕期 + 21個月大的小月霸王
= 30個月 (最小)
摘起晒D頭髮對小FAN 黎講係最方便
因為頭髮唔係整到小朋友
抱住小朋友又方便D
所以... 摘摘摘...
就係咁...
前陰的頭髮就摘到..
斷得就斷、碎得就碎...
前額越來越高咁
唔得... 再咁落去就...
所以決定CUT CUT CUT
哈哈!!
<< CUT + 染 >>
第一次帶埋小霸王去
都預左佢會大喊一輪
小FAN 已經為佢準備好
小食、愛機、被被
幸好
大喊完一輪後就乖乖地坐在我身邊
能夠 乖乖地坐係到等我 2個多小時
算係一個真嘗試，俾個小乖你啦!!
可以再好D
雖然小FAN 覺得黑頭髮都不錯
但心中都係掛住最愛的橙啡色
前陰剪短左 + 後面剪薄左
成個頭冇咁heavy
I like it!! yeah!!
嘻嘻! 我剪之餘梗係... 唔少得小霸王啦
4大長老成日叫我幫佢剪
唉!! 我又唔係stylist
萬一衰左咪弊
都係唔好搵呢d 黎玩!!
呢位小朋友只係肯合作一陣
所以唔係剪得太短
但長度只小唔洗摘頭髮囉!!
(唯有下次再黎)
其實剪短前陰仲有一個原因
就係... 親子LOOK
哈哈!!
等左好耐架啦
希望咁樣睇落去
小霸王會似返d 我
(dreaming....!!)
2013.05.2 (Fri) ~ Day 659
小霸王出世時小FAN 都知佢似男仔
但冇諗過佢性格都會咁男仔
呢樣真係唔似小FAN 小時候
(婆婆話架!!)
似而家?? 哈哈~
呢個囡佢真係...
膽子勁細小 --> 但又勁貪玩
把聲似女仔 --> 但又勁粗魯
愛玩煮飯仔 --> 但又愛玩車
媽咪真係捉摸唔到你囉!!
一架百佳車仔都可以玩得咁開心!!
????
呢個新坐法
只係可以困住佢一陣架咋!!
2014.05.01 (Thu) ~ Day 658
返左三日工又有一日假放下真好
呢日約左二位好姊妹
一齊去HIGH TEA + 行街
當然仲係 BB Gathering
約左二點沙田等
我同小霸王12點食好午餐就出發囉!!
都有差不多半年冇聚埋一起了
講真..
各有各工作、家庭同小朋友
真係唔係咁易出街
我地揀左一田樓下的抺茶館
大家一齊坐下傾下計、嘆個dessert
味道ok 啦!!
志在係坐下姐!
食飽就周圍行下
沙田真係唔係一個好行的地方
太多太多人啦!! 討厭 ~
行到五點幾我地就say bye bye
各自回家
返去同爸B 食dinner
3 大 1 小叫左個4人餐
估唔到又食得晒
(我估係份量小左)
新批... 麻麻地
好cream, 勁漏!!
食到要起左邊位唔食囉!!
今日最大收穫係小霸王
又有禮物收
Thanks Sandy 姨姨
